ISAI 5:4 - PATHIAN LEKHABU THIANGTHO (BSI)

⁴ Ka grep huan â ding ah ka la bawl lo, ka bawlbe ding bang a um nalai em? Grep ga pha tak hung ga ding ah ka kineppi siat tawh, a lêm ngen a ga ta mai hi!

ISAI 5:4 Referans Kwoze

MATTHAI 23:37

Aw Jerusalem, Jerusalem, Jawlneite thattu leh la kiang ah hun kisawlte suang ah a la seplumte! Jawlneite a la that a! Âkpi’n a note a tha nuai ah a awp khum sek gual in bang vei jat ahi tam, ke’n le awp khum ding ka guat hi; himaleh, la nuam puau hi.

JEREMIAH 2:5

Lalpa‘n zia gual hin a gen hi: La pu leh pateu in keima ah demna bang a muu ah, gamla tak ah ei nusia a hiu em? Bang ding ah bangmalo mai mai del ah, amau le bangmalo suak ziang a hiu em?

EZEKIEL 24:13

La hûknau buakna ka hun silthian guat inle, la buaknau ah kipat in la thiang thei diak puau hi; ka lungnatna a dam masia’n, sukthian kit hita pua’n lau.

ISAI 1:5

Jep be hawl nalai la hem? Bang ding ah huhel nalai maw? Luchang a pum in a na hen, lungchang le a pum in a chau tai.

JEREMIAH 2:21

Grep kichijiat thiang tak, doichuam tak ah ka hun phû hilo la hem? bangtidan ah grep tak lo leh, grep lêm hung suak ziang la hem?

JEREMIAH 7:25

Aigupta gam ah kipat la pu leh pateu ka la puidaw ah kipat tu’ni tiang hin, ka suak jawlneite zosia kha nisi’n in la kiang un ka hun sawl a;

JEREMIAH 7:26

ahiziak in, ka thu gen ngaisak lo in, a lochal ten nalai ui. A pu leh pateu sâng ah khawk zaw sêm in a um ui.

JEREMIAH 24:2

Bawm khat ah chun theichang ga pha tak, a ga masa min gual ngen a um ah; ahi’n, bawm khat zawk ah chun theichang ga phalo tak, nêk tâk lo ngen a kikoi a.

PAWTDAWNA THU 37:22

A pâk bom leh a ka’hiangte chu kibang chiat, a leng ua sana thiang kisek ngen a hiu a.

HOSEA 10:1

Israel chu grep gui pha tak, ga nuam ma ma gual chu ahi. A ga tam po leh mâichâm a siam tam in; a gam a masawn po leh dawikhuam a siamphau a.