ISAI 49:3 - PATHIAN LEKHABU THIANGTHO (BSI)

³ Chuleh, ka kiang in, “Nangma hi ka suakpa, chawihoi ah ka umna ding, Israel chu la hi,” a ti’n.

ISAI 49:3 Referans Kwoze

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

ISAI 44:23

Aw vante haw, La sa tau in, Lalpa‘n a bawl zo tai; leimun niam pente haw, hung kikodok tau in. Aw tângsangte, gammâng leh, a sung ah thing zosiate haw, La sa’n hung kikojak tau in! Lalpa‘n Jakob a hukdok ta’ngal a, Israelte lak in choisa’n in, hung um ding ahi tai.

JOHAN 17:4

Nang in na sep ding ah lei piak kha ka sêm zo ta’n, khawvel ah hin nangma ka chawihoi tai.

ZEKARIAH 3:8

Tu’hin, thiampu lianpen Joshua tawh la kithuapi la âng ah chu zingte chun, pha tak in ngai tau in! Amau chu thil hung tung ziang dingte hetlawkna ahi ngal a. Ka suak a Bâk chu hun puidawk ngal ding ka hi tai.

ISAI 52:13

En un, ka nasempa chu lawting in a; ama chu chawihoi leh choisân ah um in, sâng tak ah koisân in hung um ding ahi.

JOHAN 17:1

Jesu’n thu zia cheng chu a gen zaw in, van lam en in a dakdok ah, He Pa, a hun chu a hung tung tai; chapa’n nangma a hun chawihoi theina dingin, la Chapa hun chawihoi in;

ISAI 53:10

Himaleh, ama thokgimna chu Lalpa lung lam ahi. A hinna chu gitlo thoina ding ah, la hun bawl phât leh, a suan leh pâkte hun mu ta’n tin, a damsung nite chu hisau piak hung hita’n a; ama jal in Lalpa lung lam chu, sukbutin in um ta’n a.

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

JOHAN 15:8

Tam tak ah la ga ziak un ka Pa chu choihoi in a um sek hi; tichun, ka nungzuite hi’n lau.

JOHAN 12:28

He Pa, la min hun chawisâng in, a tia. Ziaphatchun, van ah kipat in aw a hung pawt a, “Ka chawisâng tai, hun chawisâng kit ngen ing ka,” a hun tia.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

ISAI 43:21

ka mipi hiding ah ka siamte, ka pâkna tâklang dingte dawn ding ka piak tâk ziakin.

2 THESSALONITE 1:10

a mithiangthote suklopi ah um ding leh, ka hun thu hiatsak uh gin ziak ah a gingtute zosia lamdang sak ah um ding ah a hung phat leh,

THIAMPUTE LEKHABU 10:3

Ziaphatchun, Mosi’n Aron kiang in: “Lalpa‘n a la gen kha zia hi ahi: ‘Keima ei nai tapote kiang ah, thiangtho in kilang ing ka tin; tichun, mi zosiate âng ah chun, choisa’n in um ding ka hi,’ a la ti kha,” a tia. Aron in gen ding he lo in a thip tai.

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

ISAI 41:8

Himaleh, nang Israel ka nasempa, ka gualpa Abraham suante lak ah ka têlchuam nang Jakob,