ISAI 39:2 - PATHIAN LEKHABU THIANGTHO (BSI)

² Hezekiah in palaite chu kipak tak in a la lop ah; tichun, a dangka, sana, gimtuite, sathau man tam takte, a gâlvan zosia tawh, a gothil koikhawmna In ah um zosia chu a leng in a la etsak a. Hezekiah lal In leh a lenggam sung ah a etsak lo bangma dang a um ta puai.

ISAI 39:2 Referans Kwoze

2 KHANGTHU 32:31

A gam ah thilmakte entha dingin Babulon ah miliante chun palai a hun sawl un; a lungthim dik tak kichetna dingin Pathian in ama chu a thathawt tai.

2 KHANGTHU 32:25

Himaleh, Hezekiah chu a chapo ziakin, a chung ah phatna kibawl tawh kigûn in bangma a bawldok puai. Ziaziakchun, ama chung leh Judah mipite leh Jerusalem khua mite chung in hânsia a hung tung ta’n.

JEREMIAH 17:9

Mihing lungthim chu thil dang zosia sâng in a sezaw’n, chinchan bei a hiziak in, kua a hem hethiam thei ding?

JOB LEKHABU 31:25

ka hausakna thupi ziak ah kipak ah, ka khut in a sepdaw nasat ziak ah kipak hi leng;

2 KORINTH 12:7

Ahi’n, hiatsaknate chu a nasat ma ma ziakin ka kingaisân tâkluat lona dingin, ka taksa ah hin ling ei pia ahi; Setan sawlchâk, khutthak noina ei mang dingpa chu ka zawtheina ding in; chutiloleh kingaisâng talua kha’ng ka.

THUGENTU 7:20

Thilpha bep bawl, bangma bawl khial nei lo, zia khawvel ah hin a um him him puai.

THUPILTE 4:23

Bang dang cheng sâng in la lungthim chu vêngpha’n, zia chu hinna tuinâk kipatna ahi ngal a.

2 KHANGTHU 32:27

Hezekiah chu hausakna leh za umna nasa tak a hung chang ta’n; tichun, dangkate, sanate, suangmantamte, gimtuite, phawte leh van man tam tak tak haw koikhawmna dingin a bawlah;

2 KHANGTHU 9:9

Ziaphatchun, lengpa kiang in sana talent za leh sawmni tawh, thil gimtui tam tak tawh suang mantam le a pia tai; Sheba lengnu chun Lengpa Solomon kiang ah thil gimtui a piak tuk ah tam hi a um kha puai.

2 KHANGTHU 9:1

Sheba gam ah Lengnu chun Solomon minthan dan chu a la het phat in, Jerusalem khua hungah, ama patepna ding ah dotna haksa tak tak te dong dingin nungzui tam tak tawh, gimtuite, sana leh suang mantam, tam tak sangawngsau ah hun pua’n a hungah. Solomon kiang a hung tun phatin, a lungthimah a ngaitua zosia chu pholdok in a holimpi tai.

2 LENGTE 20:13

Hezekiah chun amau chu a la lop ma ma ah, a nei leh lam koi zosia, dangkate, sanate, a gimtui mantamte tawh, a sathau mantamte tawh, a galvan koikhawmna In zosia tawh, a go thil muthei zosia tawh: A In ah thil um zosia leh a gam sung ah thil um zosia chu a etsak lo pakhat chale umlo hial in Hezekiah chun a la etsak suak kêi a.

1 LENGTE 10:25

Amau chun thilpiak, dangka leh sana thilte, puansilte, gâlvante, thil gimtuite, sakolte leh sabiltungte chu a kum a kum in tam tak a hun thak sek ui.

1 LENGTE 10:15

zia chu, thil veipungte leh sumkawlveite kiveina kipat leh, Arabia gam ah lengte zosia leh gam vaihawmte ah kipat hung lut haw bân ah a lâk lut ahi.

1 LENGTE 10:10

Ziazaw chun, amanu chun lengpa chu sana talent za leh sawmni, gimtui tam tak tawh suang mantam a pia tai; Sheba ah lengnu chun Lengpa Solomon thil gimtui a piak zat tuk chu bangtik lai inle a hung lut kit kha ta puai.

1 LENGTE 10:2

Nungzui tam tak tawh Jerusalem khua’n a hung ah; gimtuite, sana tam tak tawh suang mantamte tawh, sangawngsau a hun puaksak a; Solomon kiang a hung tun phatin, a lunggil ah um zosia chu a dong tai.

1 JOHAN 1:8

Gitlona ka nei puai ti taleu hin, eima leh eima kithêm I hi’n, thutak chu eimau ah a um puai.