ISAI 32:1 - PATHIAN LEKHABU THIANGTHO (BSI)

¹ Ngai un, lengpa chun dikna’n vaihawm intin; lal chate’n le thudik in vaihawm ta’n au.

ISAI 32:1 Referans Kwoze

THUPUAN 19:11

Chun, van a hung kihong ah, sakol kâng khat hung pawt ka mu; a chung ah chuang chu Ginum leh Dik a hia; ama chun dik tak in vai a hawm ah, gâl le a do sek hi.

JEREMIAH 33:15

Zia nite chu a hung tun phat leh, David â dingin Bâk dik tak hun seldawsak ding ka hi; ama chun a gam ah thu tak leh dikna’n vaihawm in a.

2 SAMUEL 23:3

Israelte Pathian in thu a gen in, Israelte suangpi chun ka kiang in thu a la gen a; mipite chung ah dik tak ah vaihawm, Pathian lau kawm ah vaihawmpa chu,

THUPUAN 17:14

Amau chun Belamno chu do intiu in; himaleh, Belamno chun amau chu zo in a; lalte Lal leh hotute Hotu ahi ngal a; tichun, a ko te leh a têl te leh ginumte chu a kiang ah chun um ta’n au, a tia.

ROMTE 5:21

Tichun, thina’n vai a hun hawm gual in, hepina chun, Jesu Khrista I Lalpau ziakin, kumtuang hinna lutna dingin dikna chun vai a hun hawm ta ahi.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

EZEKIEL 37:24

Ka suak David a chung un lal hita’n ah; tichun, belampu pakhat bep kikop ta’n au. Chuleh, ka dan bawlte zui ta’n tiu in; chuleh, ka thuguatte chingthei tak in mang ta’n au.

ISAI 28:6

vaihawmna chutpha kichute â dingin, a dik hiattheina thagau hi’ntin; mêlma’n khawpi a bulu lai ua, kul kotkhak bul ah gâlte, a la le’naw kitte â dingin, hatna hung hi’n a.

ISAI 11:4

himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.

SAM 99:4

Leng hat tak, vaihawmna dik ngaina, nang in doichuam diak neilona la tung dingin; Jakob Inkuante chung ah dik tak in vai la hawm hi.

SAM 45:1

Ka thinlung hi pau mêlpha’na dimlêt hen; lengpa chu la’n ka chawi ta’n; ka lei hi lekhazik thiam tak kawlom gual ahi.

ISAI 4:6

Sûn ah nisa lum in a kâtlona ding leh, huipi leh gawpi lak ah le bêl thei dingin bûkcha hung hita’n a.

ISAI 11:5

Dikna chu a kawnggâk hi’ntin, ginumna chu tâigâkna’n mang in a.

ISAI 16:5

Lal chutpha khat chu ngilneina leh ja’ngaina’n, David puanbûk ah tundin hi’ntin; a chung ah dikna ngaina leh, ginumna ngaina, kin tak ah dikna leh, ginum tak ah vaihawmtu ding chu hung kichu ta’n a.

JEREMIAH 33:14

Israelte Inkuan leh Judate Inkuan chung ah thil bawl ding ah ka tiamte guitunna ding nite chu hung tung ding ahi tai, Lalpa‘n a tii.

ISAI 33:5

Lalpa chu choisa’n in a um tai, chung lam sâng tak ah chêng ahiziak in; Zion chu vaihawmna dik leh felna’n hi’dim ding ahi;