ISAI 26:9 - PATHIAN LEKHABU THIANGTHO (BSI)

⁹ Jan phat leh ka hinna’n a hun thangai sek in, ka sung ah ka thagau hin gunchu tak in a hun hawl sek hi. Lei chung ah vai la hawm phat leh, khawvel ah chêngte hin felna chu zil ding ahi ngal un.

ISAI 26:9 Referans Kwoze

MATTHAI 6:33

Himaleh, a gam leh a dikna chu hawl masa tau in; tichun, zia thil zosia chule piak belap in um in lau.

SAM 119:62

La vaihawmnate a dik ziakin, jankhang lai inle kipak thu gen in tho sek ing ka.

SAM 63:1

Aw Pathian, nang chu ka Pathian la hi’n; hun hawl ing ka, ka hinna hi nangma thangai in a dangchâk a; tui umlo’na gamkeu leh dangkeuna mun ah hin, ka taksa hin a hun thangai tun tun ahi.

MARKA 1:35

A jing ah jingkal, khawvak thian ma in a tho ah, munthip khat in a chia ah, a vapauchap tai.

THUPUAN 11:13

Zia hundan sung ngei ah chun lîn nasa tak leh huaisia tak a hung kilîng a; khawpi mun sawm ah khen mun khat chu a chim ta’n; linlîng ah chun mi sang sagi a thiu ah; a thi bang sunte chu a lau ma mau ah, van Pathian chu lopina a pia tau hi.

LUKA 6:12

Zia hun lai ah chun, tâng chung lam ah pauchap dingin a chia ah; jan khawvak in Pathian kiang in a pauchap a.

ISAI 55:6

Mu bailam ah a um lai in Lalpa chu hawl unla, a nai lai hin ko un;

THUPILTE 8:17

Keima ei ngaina chu ke’n le ka ngaina, gunchu tak ah ei hawlte chun ei mu’n au.

SAM 58:11

Tichun, mite’n, “Midikte â dingin kipakman a um tak tak in; lei ah hin vaihawmtu Pathian a um tak tak hi,” hun ti’n au.

HOSEA 5:15

A hi’khelnau a hun hetdawu ah, ka mai a hun hawl masiau chu, ka umna lam ah kile’kit ing ka. A lunggimna ziak un ka doisakna chu hun don ta’n au.

ISAI 27:9

Zia jal ah chun Jakob mawna zosia sukthian hung hi’ntin, zia chu a gitlona zosia noimangna hita’n a; mâichâm ah suang te, suangmuat gual ah gawtbuang a hung hi’phat leh, dawikhuam leh mâichâmte â ding um ta pua’n a. Asherim zosia leh gimtui hâlna mâichâm zosia, a dial zo um ta pua’n au.

SAM 130:6

gâlvêng mite’n jingkal khawvak a ngâklâ sâng un, ka hinna’n Lalpa a ngâklel zaw’i.

SAM 64:9

Mi zosia’n hun lau in, Pathian thil hun tunsak thute gensawn in, a thilbawlte chu ngaitua ta’n au.

SAM 83:18

Nangma bep hi Lalpa min pu, leilung zosia chung ah Chungnung pen la hi ti, a hun hettheina ding un.

SAM 78:34

Amau lak ah khenkhat a tha phatin ama a hawl un; a kisik un, gunchu tak in Pathian a hawl ui.

SAM 63:5

Ka hinna hi luai lopi tak ûm gual in a tai ah, ka kam hin limna mûk in a hun pâk in,

SAM 105:7

Ama chu Lalpa I Pathian uh ahi’n, khawvel zosia ah vaihawm chu ahi.

SAM 119:55

Aw Lalpa, jan si’n leh la min ka hezing in, la dan le ka zawm zing hi.

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

KÂ LATE 2:19

Jankhang lai leh janvên lim ah kipat in thodok unla, kap tau in! Lalpa âng ah la lungthim uh, tui gual in luan dawsak un! Kotzing kil tin ah gilkial ah, basam la chateu hinna dingin, la khut uh a chung un jak in!

KÂ LATE 3:25

A ma ngâkte leh ama hawlte thagau â dingin, Lalpa chu a pha ma ma hi.

EZEKIEL 5:15

Chuleh, lungna leh thangtawm tak ah la chung ua vai ka hawm ah, hachangthak tak ah ka hun gawt phat leh, la kîmvêl ua nam dangte nuizatbûk leh engho, dipchâk um leh kihilna’n hun mang ta’n au, ti’n, Keima, Lalpa hin ka gen ahi; a tia.

1 KHANGTHU 16:14

Ama chu Lalpa I Pathian uh ahi’n, khawvel zosia ah vaihawmpa chu ahi.