ISAI 26:1 - PATHIAN LEKHABU THIANGTHO (BSI)

¹ Zia ni phat chuleh, Judah gam ah zia La hi sak hunghita’n a: Khawpi det tak I nei ui; gual zaw’na chu kulbâng leh khawpi ûmna gual in a siam hi.

ISAI 26:1 Referans Kwoze

ISAI 60:18

La gam sung un thagum sua’na hetphâk hita pua’n tin, kisuksiatna leh siat kibawlna him him, la gamgi sung un hetphâk hita pua’n a; la kulbâng uh chu Hukdamna, la kul kotkhakteu chu Pakchatna hun ti ta’n lau.

ISAI 62:11

Ngai un, Lalpa‘n kawl kîmvêl tiang ah mite kiang in, zia thu hi a puang jak tai: Zion chanu kiang in zia gual hin gen un: “Ngai in, la hukdamna a hung tung tai; ngai in, a kipakman chu a chawi in, nasep man ah a piak ding chule, a ma-âng in a um hi,” ti in.

ZEKARIAH 2:5

Kei chu a kîmvêl ah mei kulbâng hi’ng ka tin, a lailung ah lopina chu hiding ka hi, Lalpa chun a tii,” ti hi vagen in, ei tia.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

ISAI 25:9

Zia ni phat chuleh, zia gual hin kigen in a: En tiam u, zia hi I Pathian uh, ei hukdok ding ah sawtpi I la ngâk uh kha ahi. Zia hi I la ngâk uh Lalpa chu ahi; a hukdamna hin lim in kipak hitiu.

SAM 48:12

Zion ah chiau inla, a kîmvêl in chiau in; a gâlvên bûk jat chu sim un,

SAM 31:21

Gâlte’n khawpi a ûm khumnau ah ka um lai ah le, a ngilneina mak tak ei musak zing ziakin, Lalpa chu chawihoi in um ta hen!

MATTHAI 16:18

Nang Peter la hi, ti ka hun hil belap hi; ahi’n, zia suangpi chung ah hin ka kochuam chu lem ing ka tin; mithi kul kotkhak chun lang zo pua’n a.

ISAI 12:1

Zia ni phat chuleh, zia gual hin hun gen ta’n la: Aw Lalpa, ka chung ah lungna male chin, la lungnatna chu lamang in; lei thamuan tâk ziakin hun pâk ing ka.

ISAI 5:1

Ka dawi tak in a grep huan a ngainatna La sak piak ing ka: Ka dawi tak in lei phatna tâng ah grep huan khat a nei hi.

ISAI 2:20

Ziaphat chuleh, a ho ding ua a bawl uh, a sana leh dangka milimteu chu, bûi leh bâkte chênna ding bep in, pai mang ta’n au;

ISAI 2:11

Mi kingaisângte chu hi’niam in um intin uh, mi kisathei zosia chu hi’tawm in um in au; zia hun chuleh Lalpa bep chu, choisa’n ah um ding ahi.

EZRA 3:11

a kidawngtua in Lalpa pakcha’n La a sau a: “Ama a pha hen, Israelte chung ah a ngilneina’n kumtuang a dai hi,” a tiu a. Lalpa In suangphûm lep pat ahi tâk ziak ah kipak in, mipi zosia ngai tak ah kiko in Lalpa a pâkcha tau hi.

KISIMNA LEKHABU 21:17

Ziaphatchun, Israelte’n zia La hi a sau a: “Aw tuikul, kikhawdok in! A kiang ah pâkna La sa’n la!

ISAI 4:2

Zia hun chuleh, Lalpa bâk chu mêlpha leh lopi ta ma ma intin; chuleh, a gam ga chule Israelte lakah a suakcha sunte â ding ah kiletsakpi leh a lopinau hung hita’n a.

ISAI 14:31

Aw, kul kotkhak, patau in; aw khawpi, kap in; aw Philistia gam ah chêng zosiate haw, lau in tuitha zo tau in! mallam ah kipat in meikhu a hung pawt in, a lak un mi kilep mang khat chale a um puau hi.

ISAI 31:5

Vacha’n a bu chung sâng tak ah lêng ah, a note a venbit gual in, sepai honte Lalpa chun Jerusalem vêng bit ding ahi ngal a; vêng bit in, hukdok intin, hinghoi in humbit ding ahi.

ISAI 31:9

A kulpi detdo takteu chu, tizat umna ziakin chim intin; sepai hotute’n le a panmunteu chu, lauthawng tak in nusia ta’n au,” ti’n, Zion ah meikuang leh, Jerusalem ah tummeipi Lalpa chun, a gen ta’ngal a.

ISAI 33:5

Lalpa chu choisa’n in a um tai, chung lam sâng tak ah chêng ahiziak in; Zion chu vaihawmna dik leh felna’n hi’dim ding ahi;

ISAI 33:6

ama chu la hun leh phat kingakna, hukdamna kiningting, pilna leh hetna hung hi’ntin; Lalpa kichâkna chu a go hi’n a.

ISAI 56:5

Ka Insung, ka bâng in a ûm kîmvêlna sung ma ma hin, chapate leh chanute sâng ah phazaw, amau hetzingna ding pia’ng ka; kumtuang ah a min ding uh pia’ng ka tin, tichun, bangmatik in pai thâk hita pua’n a.

ISAI 62:10

Chia theng unla, kul kotkhak ah chun chia theng un; mipite hungna ding lampi bawl tau in; vuk dim unla, lamlian chu siamphau inla, suangtumte chu zen thiang un. Namtin in a mutheina ding un, puanlap chu khaisâng un!

EZEKIEL 40:5

Chun, Tempul chu bâng in a ûm kîmvêl a. Mipa khut ah te’na luang tiang chu tong guk ah sau ahi’n; zia chun bâng sâdan chu a te’ ah, tong guk ah sâ leh tong guk ah sâng ahi.

SAM 48:4

Ziaphatchun, lengte a kikhawm un, a pang khawm tau hi.

ZEKARIAH 2:9

Tu’hin en in, amau kãl in ka khut lâm ding ka hi, amau suakte ma ma simmaw in um in au; ziaphat chuleh, sepai honte Lalpa chun ei sawl ka hi ti hechian ta’n lau.