ISAI 23:1 - PATHIAN LEKHABU THIANGTHO (BSI)

¹ Tura siatna ding thu chu: Aw nanghaw Tarshish longliante haw, kap tau in; la kulpiu chu hisiat ahi ta’ngâl a. Kupra ah kipat a hung tun un, zia thu chu a he bep ngâl a.

ISAI 23:1 Referans Kwoze

THILSIAM THU 10:4

Javan suante chu: Elisha, Tarshish, Kittim leh Dodanim a hiu a.

JEREMIAH 47:4

Philistinte zosia sukmangthaina ding ni, Tura leh Sidon ah panpitu um sunte, sukmangthaina ni ahiziak in. Kaphtor tuisuagiat jul ah um sun, Philistinte chu Lalpa‘n a sukmangthai tk ding ziakin.

JEREMIAH 25:22

Tura lengte zosia, Sidon lengte zosia tawh, tuisuagiat pangjul gamte ah leng zosia tawh;

ISAI 2:16

Tarshish longlian leh, a khutsuak uh mêlpha tak takte chung in, hung tung ding ahi.

JEREMIAH 2:10

Tumlam Kupra tuisuagiat pang Kittim tiang in, va gâl kâi in vaen un; ahiloleh, Sualam Kedar lam ah mi sawl unla, pha tak in vaenchian uh hen; zia gual thil hi a um ngai em ti vakan chian tau hen!

ISAI 23:12

Zia gual hin a gen hi: Aw, tawden ah um nungak thiangtho Sidon chanu, kipakna him him nei ta pua’n la; kipan in la, Kupra lam ah gâl kâi in, zia tak ah chunle muang in um diak pua’n la.

1 LENGTE 22:48

Jehoshaphat in Ophir ah chia ah sana vapua dingin Tarshish longlian chi gual a bawl a; himaleh, long liante chu Ezion-geber ah a siat tak ziak un a chia ta puau hi.

1 LENGTE 10:22

Lengpa chun Tarshish long honte chu tuisuagiat ah Hiram long honte chu tawh kiton in a nei a. Tarshish long honte chun kum thum dan ah khatvei sana, dangka, saiha, guldute leh vahuangte pua’n a hung sek ui.

DANIAL 11:30

Ama do ding ah Kittim longte hung ding ahiziak in lungthuai intin, kile’kit ta’n a. A hachangthak ma ma intin, thuthung thiangtho do ta’n a. Hung kihei kit ta’n tin, thuthung thiangtho nusiate chu jawl ta’n a.

EZEKIEL 26:1

A kum sawm leh khatna, a tha khatna, ni khat ni’ chun, Lalpa‘n ka kiang in:

JEREMIAH 25:15

Zia gual hin Lalpa, Israelte Pathian chun a gen ngal a: Ka khut ah kipat in zia ka lungnatna zuhâi hi la’n la, ka hun sawlna ding namte zosia chu dawnsak in.

ISAI 60:9

Tuikual gam tin ah umte chu ka jai ei ngâk in, Tarshish longliante chu hung masa’n, khual gamla tak ah kipat la chate, a sana leh dangkateu tawh hun pawkhawm dingin, Keima, Israel Mithiangtho Lalpa, la Pathian uh hin, Keima ei chawihoi theina ding un, la mipiteu chu ka chawisâng ta’ngal a.

ISAI 24:10

Buaina khawpi chu suksiat a hita’n, In zosia chu kuama lut thei talo ding ah, kamchak suak ahi tai.

ISAI 15:8

Moab gam pumpi kâ thawm a kiu tawl veng vung ta’n; a patau thawm uh Eglaim tiang in hetphâk ahi’n, a patau thawm uh Beer-elim tiang in hetphâk ahi.

SAM 48:7

sualam hui in Tarshish long liante, a mût siat gual in a um tau.

2 KHANGTHU 9:21

Lengpa long haw chu Huram suakte tawh Tarshish lam in a chia khawm sek un; kum thum zaw phat leh Tarshish lam ah long chia sek haw chu sana, dangka thik, saiha, jawng leh vahuangte hun pawkhawm in a hung tung kit bep sek ui.

1 LENGTE 5:1

Ziaphatchun, Tura Lengpa Hiram in Solomon chu, a pa thasâng ah leng hiding in sathau a nu’ tau hi ti a het phat in, a kiang in a suakte a sawl ah; Hiram chu David tawh lawipha a la hiu a.

JOSHUA 19:29

chuleh, Ramah lam zuan ah chia in khawpi kul nei Tura a vatung ah; Hosah lam zuan in a chia kit ah, tuisuagiat in a lut tai; Maha-lab, Akzib,

KISIMNA LEKHABU 24:24

Himaleh, Kittim gam ah kipat in long liante hung intin; Asshur tawh Eber hi’genthei ta’n a; chuleh, ama le kumkhua’n mangthai den ta’n a,” ti in.

LUKA 10:13

Korazin, la chung a gik hi! Bethsaida, la chung a gik hi! La sung ah thil lopi tak kibawlte hi Tura leh Sidon ah a la kibawl hileh vang, saidip puan kisil in, vut kibuak khum in a gitlonateu a la haisan zo ta ma ma in au!

ISAI 23:6

Aw nanghaw, tuisuagiat pâm ah chêngte haw, patau unla, Tarshish lam in gâl kâi tau in!

EZEKIEL 26:2

Mihing, Jerusalem chungchâng ah Tura in zia gual hin a la gen ta’n: “Katei, mipite kotpi a chim tai; kei â dingin a hung kihong hi; a chimsa kha lua dim kit ing ka,” ti in.

EZEKIEL 27:6

Bashan sasaw thingte chu longjapna mol dingin a bawl un; Kupra tuipi gei ah thing kiladok, long tuang ah siam chu saiha tuam ahi.

EZEKIEL 27:30

nangma sûn in thasia tak in a kap ui. A luchung ua leivui kibuak khum in, leivui lak in a kitel puang tau in;

JONAH 1:3

Himaleh, Jonah chu Lalpa ah kipat in Tarshish lam zuan ah tai mang gua’n a kipandok ta’n, Joppa khua’n a chia suk a; Tarshish lam zuan ding long pakhat a mu’n, a chuanman ding a pia, Lalpa âng ah kipat tai mang gua’n, Tarshish lam zuante tawh kiton ding in a chuang tai.