ISAI 20:4 - PATHIAN LEKHABU THIANGTHO (BSI)

⁴ Assuria lengpa’n, Aigupta mite chu suangkul ngak ding ah man in, Ethiopia mite chu sal in pui ta’n tiu in, a têk a khang, nîk leh puan bei leh kengtawdap bei in, Aiguptate sukmualphona dingin pui in a.

ISAI 20:4 Referans Kwoze

ISAI 19:4

chuleh, Aiguptate chu lal nunsia tak khut in pedok ing ka tin; leng tizat um tak chun a chung un vaihawm ta’n a, ti’n, sepai honte Lalpa, Chungnung penpa chun a la ti ta ahi.

JEREMIAH 13:26

Keima ma’n la nîk uh, la maichang tiang un hun hawkdaw piak ing ka tin, la zachatnau chu mu hita’n a.

JEREMIAH 13:22

La lungthim in, “Ziate hi bangtidan ah, ka chung ah hung tung ta mai a dia aw?” la tiu ahi chun, la nunsiatna a huaisiat ziak ah, la nîk kihawk piak ah, sukthanhuai la hi chulam.

THUPUAN 3:18

la hung hausak theina dingin, sana mei ah hâl thian leh, la ngawnchang hina a kilat lona ding, puan vâm tawh ka kiang ah hung chaw ding leh, la mutheina ding ah la mit nu’ ding damdawile hung kichawk dingin, ka hun thumop la hi.

MIKAH 1:11

Aw Saphir ah chêngte haw, ngawnchang leh mualpho tak in la lampi chiat un chia tau in; Zaanan ah chêngte haw, hung pawtdok kiu in; Beth-ezel inle a sûn ta’n, nang hun panpi ta pua’n a.

EZEKIEL 30:18

Aigupta gam thuneina ka hisiat phat leh, Tehaphnehes chu sûnchang lai tak in thim intin, a kisuanpi a hatna chu suktawp hung hi’n a; a khawpi chu sûmpi’n chup intin, a khawpelte chu sal ah pui in um ta’n au.

JEREMIAH 46:26

Amau thalup ding ah hawl zing, Babulon Lengpa Nebukadrezar tawh, a sepai hotute khut in pedok ding ka hi. Zia nung tak chuleh, masanglai gual khan, Aigupta gam ah mite hung chêng kit in au, Lalpa‘n a tii,” ti’n a hun gen a.

ISAI 47:3

La nîk leh puan chu lîpthâk piak hi’n la tin, la zachakna mite’n mu ta’n au. Phuba chu hun la’ng ka tin, pakhat chale hawi pua’ng ka.

ISAI 3:17

Zion chanute puitu zosia chu, Lalpa‘n meimasia’n gawt intin, Lalpa‘n a zamawu hawkdaw piak in ah, ti in.

2 SAMUEL 10:4

Tichun, Hanun in David palai sawlte chu a man ah, a khamul uh a kimkhat a mêtthâk piak ah, a puanâk chual uh a kimkhat ah ât tan piak in, a sawl mang kit a;

ISAI 47:2

Sumhêk pan inla bu hêk in, la mai khû’na puan hawk inla, la nîk leh puan sût inla, la keng hawk to inla, luiliante chu pal gâl kâi in.

JEREMIAH 46:19

Nang Aigupta chanu, venbit ah um, sal ah pui mang ah um dingin, la van siamtup ta’n. Memphis khua chu a hawm ngawn hung hi’ntin, a sesa leh a sung ah chêng umlo a, nutsia hiding ahi ngâl a.

AMOS 9:7

Aw Israel mite, Kei â ding ah Ethiopiate gual tho hilo la hiu em? Lalpa‘n a tii. Aigupta gam ah kipat Israelte, Kaphtor ah kipat Philistinte leh, Kir ah kipat in Aram mite ka puidok pua a hem?

NAHUM 3:10

Chutisapi’nle mat in a um un, suak leh sal in a tâng ui; kotzing kisuktua’na tin ah chun, a nausenteu natiang, se’gawp dim dem a hiu in; a mi thupiteu chan dingin âi a sân un, a lak ua mi thupi zosia chu, thikkol ah bultuk a hitau hi.

ZEPHANIAH 2:12

Nanghaw Ethiopiate le ka chemjam ah thalup in um ding la hiu.

1 KHANGTHU 19:4

tichun, Hanun in David suakte chu a man ah, a khamul uh metnâm piak in, a puanâk chual uh le a tawbak uh huai ham ham ah chetan piak in a sawl mang kit a;

ISAI 31:2

Ama chule a pil ah, siatna a tunsak sek ah, a kamsuak chu a la kit ngai pua’n, maleh, thil phalo bawl Inkuan chu, hun do ngei ngei intin, bawsiatna lam ah mi a la panpite chu, hun do ngei ngei in a.

ISAI 31:3

Aiguptate chu mihing mai mai a hiu a, Pathian a hipuau hi; a sakolteu chule phe leh vo mai a hiu a, thagau a hipuau hi. Lalpa‘n a khut a hun lap phat leh, mi panpite tawh a panpiteu chu, pûk khawm chiat ta’n tiu in, a leng un mangthai khawm ta’n au.