ISAI 1:6 - PATHIAN LEKHABU THIANGTHO (BSI)

⁶ Kengpêk ah kipat lujang tiang in, a natlona mawng mawng a um ta pua’n, thidup leh meimasia, thisan kang thei lo in a na’n, kuama’n mêkdok lo, tuam lo leh sathau nangawnle, a nu’ nuam puau hi.

ISAI 1:6 Referans Kwoze

JEREMIAH 6:14

Ka mipite beliam chu thulim lo tak in a kaituau in, thamuanna ding a umlo lai inle, “Muanna, Muanna,” a tiu hi.

MATTHAI 9:12

Himaleh, Jesu’n zia chu a het phat in, “Mi damtheite chun daktor a ngai puau in, mi damtheilote bep in a ngai uh ahi.

JEREMIAH 33:6

Tungding kit in, sudam kit ding ka hi; sudam ing ka tin, hausakna kiningting tak leh bit tak in umsak kit ing ka.

LUKA 10:34

A vazuan ah, a liamnate chu uain leh sathaunu’ piak in, a tuam piak tai. Ama sabiltung chung ah chun a chuansak ah, khualbûk pakhat in a puilût ah, a kaitua tai.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

SAM 77:2

Buaina ka tuak hun in Lalpa ka hawl ah; jankhua’n chawlnga lo ah khutjak in ka pauchap ah; himaleh, thamuanna ka mu zo puai.

JOB LEKHABU 5:18

Ama’n a suliam ah, a tuam kit ah; a vua hen, a khut ma ma’n a sudam kit sek hi.

NAHUM 3:19

La natna damna ding a um pua’n, la liamna hi thi’pi kham ahi. La thuthang he zosia’n, a khut uh a hun betkhum tau hi. A hun tawk nei lo ah la hiamngamna lak ah, kipat kua a suakcha kha ngai em?

JEREMIAH 30:12

Lalpa‘n zia gual hin a gen tai: La natna chu sukdam thei ding gual ahi puai, la beliam a huaisia ma ma ngâl a.

2 SAMUEL 14:25

Zia lai ah chun, mêlphat lam ah gen phat dingin Israelte zosia lak in Absalom gual khop ah mêlpha a um puau ah; a kengpek ah kipat a lujang tiang ah demna ding neuchâle umlo ahi.

ISAI 30:26

Zia bep chule hilo in, Lalpa‘n a mite liamna a tuam piak ah, a thalchang in a sukliamnate a sukdam piak phat leh, thapi vak dan chu nisa gual hung hi’ntin, nisa vakna chule a le’sagi, ni sagi a vakna kigawm gual in hung vâk ta’n a.

JEREMIAH 17:9

Mihing lungthim chu thil dang zosia sâng in a sezaw’n, chinchan bei a hiziak in, kua a hem hethiam thei ding?

JEREMIAH 6:7

Tuikul in tui thiang tak a pût sek gual in, nunsiatna thak thak a vop zing hi. Thagum sua’na leh suksiatna thu bep a sung in het ahi; damlona leh beliamte chu, ka ma-âng in a um zing hi.

JEREMIAH 30:15

La be nat ziak ah bang ding ah kap la hem? La natna chu sukdam thei lo ahi. La bawlkhialna a huaisia ta luai, la gitlona a tam bêk ziakin, zia gual chu la chung ah ka hun tunsak ahi.