HOSEA 9:6 - PATHIAN LEKHABU THIANGTHO (BSI)

⁶ Siatna pumpel in suakcha maleu, Aiguptate’n chom khawm intiu in; Memphis in amau vui in au. A dangka golûlteu chu zakthâite’n lua intin; a puanbûkteu ah chun lingte um in a.

HOSEA 9:6 Referans Kwoze

HOSEA 10:8

Israelte gitlona, Aven, munsângte chu suksiat hita’n a. A mâichâm umna mun in ling leh lênling kek in a. Tângte kiang ah chun, “Ei khu un,” mualte kiang ah chun, “Ei delkhum un,” ti ta’n au.

ISAI 5:6

Tho hâ ta pua’ng ka tin, hâthiang talo ding ka hi’n, ling leh khauguite’n dêp ta’n a; a chung ah gua zuksak talo dingin, van sûmte thu pia ding ka hi.

HOSEA 9:3

Lalpa gam ah hin umden pua’n au; Ephraim vang Aigupta lam ah kile’kit intin; Assuria gam ah chun an thianglo ne ta’n au.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.

HOSEA 7:16

A phachuam lo lam ngen in a kihei un, thalpi mat tâk lo gual a hiu hi; a pau hoithawnau ziakin a milianteu chu, chemjam in pûk in au. Aigupta gam ah a phunchiak ziak un, zia cheng chu a chung un ka bawl ahi.

ISAI 7:23

Zia ni phat chuleh, grep ga tam tak tak, dangka shekel sâng tampi pi man umna munte kha hampa lingnei leh khaugui in hung jam dim ta’n a.

HOSEA 11:11

Aigupta gam ah kipat vacha gual ah kithing kawmah hung in, Assuria gam ah kipat in vakhu gual in hung in au; amau In chiat un pui kit ing ka, Lalpa chun a tii.

HOSEA 7:13

Ka kiang ah kipat a vâk mang ziak un, a chung uh a gik hi! Ka chung ah a helnau ziakin, a chung un siatna tung in a! Amau hukdok nuam maleng, ka chung ah zuau thu bep a gen ui!

ISAI 34:13

A lal In uh lingbuk in jam khum ta’n tin, a kulpiteu chu zakthâi leh linggui in jam dim ta’n a. Ngei hon chên muanna mun leh, vagawlsaute chênna mun hung suak ta’n a.

ISAI 32:13

ka mite chênna mun hampa leh, ham lingnei in a chup zaw tâk ziak leh, ahi, khawpi lim tak leh, a sung ah limna Inte a se zo ta’ngal a.

ISAI 27:12

Zia ni phat chuleh, Euphrates luipi kipat Aigupta Wadi tiang in, buchil in hun chil in a; chun, aw Israelte haw, pakhat khat ah lâk khawm in hung um ta’n lau.

ISAI 19:13

Zoan ah lal chate chu a ngol zo tau in, Memphis ah lal chate chu thep zaw ah um hita lo a hiu em? A nam puituteu chun Aigupta chu a pui khial tau hi.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

THUPILTE 24:31

ngaitia, ling leh khau in a dêp mang zo ta’n; a loulai pumpi’n hampa lingnei a kek dim ta’n, a suang dâi le a chim zo tai.

SAM 107:34

a gam ah chêngte nunsiatna ziakin, lei phatna mun chu lei al, bangma chîn theilona mun a chansak hi.

2 LENGTE 13:7

Tichun, Jehoahaz in sepai lakah sakol chungchuang mi sawmnga, kângtalai sawmkhat, leh keng sepai sîng khatte bep lo’ngal gâldo mi a nei ta pua’n; Aram lengpa’n a suchimit ah, leivui gual mai in a koi tai.

1 SAMUEL 13:6

Israelte chu a pang zo talo a hiu ti a kihiat phat un, mipite chu kawlhawm ah te, kawhawm ah te, suangpi lak ah te, thân kuak ah te leh tuikul ah te chun a kisêl mang zo tau a.

JEREMIAH 2:16

Zia mai chule hilo in, Memphis leh Tahpanhes ah mite chun, la luchang ua lal lukhuk a susia tau hi.

JEREMIAH 42:22

Zia hi pha tak cha’n he tau in, chia ah chên den la nop tun tunnau gam ah chun, chemjam, kial leh natpite in thi ngei ngei ding la hiu, ti’n a gen tai.

JEREMIAH 44:1

Aigupta gam ah Judah mite, Mizpah khua, Tahpanhes khua, Memphis khua leh Pathros gam ah chêng zosiate â ding ah Jeremiah kiang ah thu hung tung chu,

JEREMIAH 46:14

Aigupta gam ah vagenjak unla, Migdol, Memphis leh Tahpanhes khuate ah hin, vapuang jak tau in; a kiang un, “La panmun uh luau inla, kigingsa’n um un, la kîmvêl ua umte chu, chemjam in hun that gam ding ahi ngâl un,” tiu in.

JEREMIAH 46:19

Nang Aigupta chanu, venbit ah um, sal ah pui mang ah um dingin, la van siamtup ta’n. Memphis khua chu a hawm ngawn hung hi’ntin, a sesa leh a sung ah chêng umlo a, nutsia hiding ahi ngâl a.

EZEKIEL 30:13

Lalpa Pathian in zia gual hin a gen hi: A milim pathianteu susia’ng ka tin, Memphis mun ah a milim siamteu hi’tawp ing ka; Aigupta gam ah lal um kit ta pua’n a; tichun, Aigupta gam chu lau umna’n dimsak ta’ng ka.

EZEKIEL 30:16

Aigupta gam chu mei ah hâl ing ka tin, Pelusium lungngai tak in um in a; Thebes kulbâng phehawm ing ka tin, Memphis in sûnchang lai in mêlma nei in a.

HOSEA 2:6

Ziaziakchun, a lampi chu ling in dâl ing ka tin, ama dâl in bâng khat siam ing ka tin; a lampite muthei pua’n a.

HOSEA 7:11

Ephraim chu vakhu lung mawl, hetna nei lo gual chu ahi; Aiguptate a ko un, Assuria lam in a chiau hi.

ZEPHANIAH 1:11

Sumkawlveite zosia a manthai tâk ziak un, nanghaw sum mun ah umte haw, thûm tau in; dangka te’dok mite zosia pai thâk a hitau hi.

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.

JEREMIAH 44:12

Judai gam ah nutsia ah umsun te lak ah, Aigupta gam ah chia suk ah, vachên den gawte chu man ing ka tin, a leng un mangthai in au; Aigupta gam ah chun thi’n tiu in, chemjam leh kial in thigam in au; a lian pen ah kipat a neu pen tiang in, chemjam leh kial ah thigam intiu in; tichun, mite chilsek khum leh tizat, hânsia law khum leh nuizatbûk hita’n au.

JEREMIAH 44:13

Jerusalem ah umte chemjam tawh, kialna tawh natpi’ ka gawt gual in, Aigupta gam ah chêngte chule gawt tho tho ding ka hi;