HOSEA 9:11 - PATHIAN LEKHABU THIANGTHO (BSI)

¹¹ Ephraim lopina chu vacha gual in leng mang intin; nau pian, nauvop leh nau kizil um ta pua’n a!

HOSEA 9:11 Referans Kwoze

HOSEA 10:5

Beth-aven ah bawngnote ziakin, Samaria ah chêngte chu lau in a kithing tau hi. A mipite chun sûn intiu in; a lopinau amau ah kipat lakdaw ah a um ziakin, a milim ho’na thiampute chun amau chu kâ in’au.

HOSEA 9:14

Aw Lalpa, amau chu pia’n; bang a hem la piak ding? Amau chu sûl naunei kituplo’na leh, nawitui kanna chu pia’n.

HOSEA 4:7

A pun po ua leh ka chung ah a gitlonau a pung in, a lopinau ziakin a mualpho tau hi.

DAN LEKHABU 28:18

La gil ua gate, la gam ua gate, la bawng hon leh la belam gualteu ah le hânsiadong in um in lau.

LUKA 23:29

Ngai tiam un, ‘Chîng ah, a sung ah nau um kha lo leh, nau nawichep ding neilote chu a vang uh a phai,’ ti kha a guitun ni hung um intin,

AMOS 1:13

Lalpa‘n zia gual hin a gen hi: Ammonte bawsiatna pathumte ziak leh palite ziakin, a chung ua gawtna ding chu lamang pua’ng ka; a gam kêkletna ding un, Gilead ah numei nauvop lai a phildaw ziak un.

THUGENTU 6:3

Min cha za khat nei hen la, kum tam tak dam maleh, a hin sung chun thil phate chu nopchên diak lo hen la, ama vui dingle um talo leh, lamjul ah thi sâng in a phat zawkna a um diak puai.

SAM 58:8

Chêngkol buanthuak lak ah kisêl mang gual in, mangthai tau hen; a thisa piang, nisa mêl him him mulo gual hitau hen.

JOB LEKHABU 18:5

Ahi, mi nunsiate vâkna chu hithim piak ahi’n, a meikuang le vâk pua’n a.

DAN LEKHABU 33:17

Ama chu bawngchal piang masa pen gual ah ja’um hita hen! A kîte chu jangsial kî gual hi hen la, a kîte chun nam tin phil hen la, khawvel gam tin ah thejâk ta hen. Ephraim suan ah mi a sîngtêl leh, Manasseh suan ah mi a sangtêlte thil chan hi hen.

DAN LEKHABU 28:57

a chasen hung piangtha lim leh a nâulam chu a gûk in neta’n tin; la khawpiteu mêlma’n a hualvelnau ah la hung tâksap huaisiat bêk bêk ding ziak un.

THILSIAM THU 49:22

Joseph hi bâk ga nuam tak, tuihing kiang ah bâk ga nuam tak, a bâkjam in bâng a jam khup tawhbang ahi.

THILSIAM THU 41:52

A chapa neuzaw min chu Ephraim a sak ah: “Pathian in ka vangsiatna gam ah hin chi ei suan piak ta hen,” a ti ziak ahi.

ISAI 17:3

Ephraim ah kulpite chu bei ta’n tin, Damaska ah kipat lenggam le bei ta’n a; Suria mite lak ah a thibang sunte chu, Israel chate lopina tawhbang bep hita’n au,” sepai honte Lalpa chun a tii.

HOSEA 5:9

Gawtna ni ah chun Ephraim chu suksiat hung hi’ntin; Israel namte lak ah thil hung tung ngei ding chu ka hun puang hi.

2 SAMUEL 6:23

Tichun, Saul chanu Mikhal chun a thi tiang in cha him him a nei puai.