HOSEA 9:10 - PATHIAN LEKHABU THIANGTHO (BSI)

¹⁰ Israel chu gamthip ah grep ga gual in ka mu tai. La pu leh pateu chu a hun masa pen ah, theipi ga masa gual in ka mu ta ahi. Himaleh, amau chu Baal-peor mun ah a hung un, jachâk um tak in a kipumpiak tau a; a thil ngainatteu gual in ki’dak um a hung hi zo tau hi.

HOSEA 9:10 Referans Kwoze

HOSEA 4:14

La chanuteu nawchi man leh, la moteu a ângkawmnau chu gawt pua’ng ka; pawsalte le nawchizuakte tawh a kipui chuam un, tempul ah nawchizuakte tawh a kithawi khawm un; tichun, hetthiamna neilote chu a puksia tau hi.

JEREMIAH 11:13

Aw Judah, la khawpi jat ah tam pathian la kinei un; Jerusalem ah kotzing jat ah tam in Baal ho’na ding mâichâm la siam un, ziate chu la mualphona ding uh mâichâmte chu a hiu.

MIKAH 7:1

Ka chung a gik na e! Nipi thei a lâk khawm nung ua, grep ga a law zaw nung ua nêk ding, bawk khat ziang le mulo tawh bang chu ka hi; ka duchâk ma ma theichang min khat chale a um puai.

HOSEA 2:15

Zia kipat chun a grep huante chu ama pia’ng ka tin, Akor phâile kinepna kotkhak in siam ing ka. Zia tak ah chun a khangdawn lai nite leh, Aigupta gam ah a hung pawt daw lai gual khan, La’n hun dawng ta’n a.

EZEKIEL 20:8

Himaleh, ka chung in a hel un, ka thugen le ngai lo in, a lak ua pakhat chânle a mit ua a mu nop tun tun uh ki’dak umte a paimang nuam puau ah, Aiguptate milim chule a haisan diak puau hi. Ziaphatchun, Aigupta gam sung ah a chung un ka hachang thakna but khum ing ka tin, ka lungnatna a chung ua sua ding ka ngaitua tai.

AMOS 4:5

kipakna thillat thawi pang vaithum hun lân unla, kiphalna dungzui ah thilpiak chawi dingin phuang unla, thu than vêl un; aw Israel mipite haw, zia gual ah bawl chu la thatnop lam tak uh ahi ngal a! Lalpa Pathian in a tii.

HOSEA 11:1

Israel chu naupang a hilai khan ka hepi ah, Aigupta ah kipat in ka chapa chu ka kodok tai.

JEREMIAH 31:2

Lalpa‘n zia gual hin a gen hi: Chemjam ah kipat suakchate chun, gamthip ah chun doisakna a chang ui; Israelte’n chawldamna a hawl phat un,

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

ISAI 28:4

An tui tak takte ne ah, kivakthaute luchung ah um, mêlphatna lopi pakcha gual ah mual tha ziang chu, nipi tunma theipi ga min masa gual hung hi’ntin; a maikha taphot in a nêk zaw ziang gual hiding ahi.

SAM 81:12

Tichun, a lungthim nop gual gual ua um dingin, ka thathawt ta ahi.

1 LENGTE 16:31

Nebat chapa Jeroboam gitlonate zui chu thil bailam ah ngai in, Sidon te Lengpa Ethbaal chanu Jezebel chu ji’n a hang nei ah; a chia ah, Baal na chu sêm in a ho tai.

VAIHAWMTE 6:32

Ziaziakchun, zia ni kipat chun Gideon chu a min in Jerubbaal sak ahi tai; ama’n Baal mâichâm a phiat thâk ziakin, “Baal in ama chung ah phuba la ta hen,” a ti ziak uh ahi.

DAN LEKHABU 32:17

Pathian kiang hilo, thithate kiang in a kithawi un; a hetngai lo uh pathiante kiang in, a pu leh pateu in a la lau ngailo uh, vainung lam tak ah hung um thak, pathiante kiang ah chun.

DAN LEKHABU 32:10

Gamkeu leh gamthip hui hân hatna, mun ah chun a nêk ding uh a pia’n; ama chun mitnaucha gual in a vêng in, a khawtua ah, a vêng bit hi.

DAN LEKHABU 4:3

Baal-peor chung thu ah Lalpa bawl dan kha la mit ngei un la mu tau ah; Lalpa la Pathian un, Peor mun ah Baal zui leh ho zosia chu nangmau lak ah kipat in a hi’mangthai dim dem ta’n;

KISIMNA LEKHABU 15:39

Zia puanmong kihual chu la bawlphat si’n uh leh, nang uh â ding ah Lalpa‘n thu a hun piak zosia la hetdawna ding uh leh, la zui ding uh a hi’dan la hiattheina ding uh hi’ntin; tichun, la lungthim un a doidan leh la mit un a dawi dan dan chu la bawl ziang lo ding uh ahi.

ROMTE 6:21

Tu’ la thil jachatpiteu ah kipat chun bang phatchuamna la la muu em leh? Ziate tawpna kha thina ahi vei.

SAM 115:8

A siampa tawh a thilsiamte chu a kibang bep un, amau gingchate le zia gual ma chu a hiu.

JEREMIAH 3:24

I neulai ua kipat khan, I pu leh pateu sepgimna gate, bawng honte, belam honte, a chanuteu leh, a chapateu natiang in, I mualpho zo tau hi.

JEREMIAH 24:2

Bawm khat ah chun theichang ga pha tak, a ga masa min gual ngen a um ah; ahi’n, bawm khat zawk ah chun theichang ga phalo tak, nêk tâk lo ngen a kikoi a.

HOSEA 4:18

A zudawn uh a kichai phat leh, thanghuai tak in a kimang un; a lopinau sâng in a thanghuainau a ngaina zawu hi.

KISIMNA LEKHABU 18:13

Chuleh, a gam ua ga masa zosia lak ah Lalpa kiang ah piak ding ah a hun choikhawm taphot uh chu nang uh â ding ahi; la In sung mi a thiangtho zosia tawh zia chu la nêk diu ahi.

2 LENGTE 17:11

Thoimual tinte chun gimtuite chu a hun hâl ua, a ma-âng ua Lalpa‘n a la lakmang sate, khawvel mite thilhi dan zosia a hun hiu a, Lalpa lungnatna choktho ding thilte chu a hun bawl zaw tau hi.

SOLOMON LÂ 3:6

Gamthip ah meikhu gual ah, hung to khi bang a hia, murra leh begaw gimtui tawh, sumkawlveite thil gimtui zosia ah sugimtui ngei chu?

JEREMIAH 3:25

Mualpho tak in lum suk hitiu in, I zachatnau chun ei tuam mai ta hen. I pu leh pateu ah kipat, ei haw neulai leh tu’hun tiang in, Lalpa I Pathian chung in I la bawl khial tau ah, Lalpa I Pathian uh thu I la ngai paw’ngal un, ti in.

HOSEA 13:5

Gamthip, gamkeu ah hun vâkvâpa kha keima hi ka hi.