HOSEA 8:6 - PATHIAN LEKHABU THIANGTHO (BSI)

⁶ Israel lak ah kipat in mi khutthiam khat in a siam ahi’n, Pathian khutsuak ahi puai. Samaria ah bawngno lim chu khet gawp hi’n a.

HOSEA 8:6 Referans Kwoze

NASEPTE 19:26

Ephesa khua bep ah le hilo in, Asia gam zosia hial inle, zia Paul hin, ‘Khut ah siam pathiante hi pathian ahi puai,’ ti’n mi tampi a thêm zo ta’n, a pui mang zo tai ti hi nangmau ngei in la muu in, la hiau hi.

NASEPTE 17:29

Pathian suante I hiziak un, Pathian chu sana a hem, dangka a hem, suang a hem, mihing khutthiam ah bawl kawm thil a hem gual ah I ngai ding uh ahi puai.

HABAKKUK 2:18

Milim kisung, zuau thu zilsakte bep lo ngâl, a siampa’n bang ding ah a siam a hem? Milim mai mai leh pautheilo, a siampa’n a khutsuak a taksan mai chu aw!

HOSEA 10:2

A lungthim a dik pua’n; a gitlo man mu ngei in a. Lalpa‘n a mâichâmteu hi’chim intin, a kithoina suangphute chule hi’sia’n a.

JEREMIAH 50:2

Namtin lak ah hil unla, puangjak un, puanlap khaidok unla, puangjak un; îmgu lo in a kiang un: Babulon chu lâksa a hita’n, bêl chu a mualpho ta’n, Merodakh chule a lungthuai tai. A limteu chu sukmualpho a hitau in, a milim siamkawmteu chule suklungthuai zaw a hitau hi.

JEREMIAH 10:14

Mi tin chu mimawl leh hetna bei a hiu; sana sêkte chule a milim siamteu ziakin, sukmualpho in a um tau hi; a milim siam uh chu hinna nei lo, kithepna ngen ahi ngal a.

2 KHANGTHU 31:1

Zia zosia chu a hun bawl zaw phat un, zia kikhopna pang Israelte zosia chu Judai gam ah khawpite ah chun a chiauah, pathian lim ah kisiam suang khuamte leh dawikhuamte chu a khênchim tau ah; chuleh, Judai gam, Benjamin gam, Ephraim gam leh Manasseh gam sung ah thoimualte zosia a susia suak tau a. Zia gual ah chun Israel mipite chu a khawpiu chiat leh a In mun lam chiat un a chia kit tau hi.

2 LENGTE 23:19

Lalpa lungnatna ding bepah Israel lengte’n a la bawl khâk uh, Samaria khawpite ah thoimual um leh, a In zosiau chu Josiah in Bethel ah a bawltâk gual in a susia dik dek tai.

2 LENGTE 23:15

Zia ban ah chun Bethel ah um mâichâm leh thoimual, Nebat chapa Jeroboam, Israelte gitlo sakpa khan a siam, mâichâm leh thoimualte chu a sukchip piak sik sek a; thoimual chu mei in a hâl ah, vut a suaksak ah; chuleh, a milim dawikhuamte chule a hâl tum piak tai.

JEREMIAH 48:13

Israelte’n Bethel a kisuanpiu, a mualpho khawlaw gual un, Moabte’nle Khemosh ziakin hung mualpho ta’n au.

HOSEA 13:2

Tu’tiang hinle thil phalo a la bawl nalai un, amau lemhiatna dungzui in dangka thîk milimte, khutthiamte khutsuak in a kisiam tau hi: “Ziate kiang ah hin kithoina thilpiakte chu lân un,” a tiu a. Bawngno lim chu mipite’n a chawp tau hi!

HOSEA 14:3

Assuria in ei hukdam pua’n tin, a sakol chung ah chuang pua’ng kau; ka khutsuakteu kiang in, ‘Ka Pathian uh la hiu,’ ti ta pua’ng kau. Nangma ah chun nauchagate’n, ja’ngaina a mu sek ngal un,” ti in.

2 KHANGTHU 13:8

Aleh, tu’hin nang in mipi tam tak leh Jeroboam in la pathian ding ua sana bawngno lim a siamte chu kisuanpi in, Lalpa‘n lenggam David chate khut ah a la piaksa hi lâkpiak zo ding ah kinem la hiu em?

MIKAH 1:7

A milim zosiau khet gawp hi’ntin, a sep gim man zosiau chu mei ah hâl tum hi’ntin, a milim siamteu chu manlo suak ta’n a; a nawchi zawk man a mu zosia, nawchi man ma ma’n mat zaw kit hi’n a.