HOSEA 8:2 - PATHIAN LEKHABU THIANGTHO (BSI)

² Israel in ei ko hi, “Ka Pathian, kei uh Israelte’n nang ka hiau hi,” ti in.

HOSEA 8:2 Referans Kwoze

TITA 1:16

Pathian he a kitiu in, himaleh a nasep ua chun ama a kihetlosak ui. Ki’dak um tak leh thu awilo tak in, thilpha hi’na ding lam taphot in a ting zo ta puau hi.

MATTHAI 7:21

Lalpa, Lalpa, ei ti taphot van-gam lut ding a hiziang puau; ka Pa van ah um dawi gual hi’te bep lut ding a hiu hi.

1 JOHAN 2:4

A thupiakte zawm lo ah ama ka hia’i, tite chu mi juauthei a hi’n, thutak chule ama ah chun a um puai.

LUKA 13:25

Inneipa chu a hung kipat tak leh, a kot chu hun khak pai ngal intin, ziaphat chuleh, a pawlam ah kipat in, ‘Lalpa, Lalpa, kot ei hon in’ ti’n kot hun kiu intiu in; himaleh, ama chun, ‘Khoilam mi la hiu em ka hun hekha puai’ a la ti ta’n a.

MATTHAI 25:11

Ziazaw chun, nungak dangte kha le a hung tung un, Lalpa, Lalpa, kot ei hon in, a hung tiu a.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

JEREMIAH 7:4

“Zia hi Lalpa tempul ahi, Lalpa tempul ahi, Lalpa tempul ahi! Kuama’n bangma ei law pua’n au,” ti ah kithepna thute hi taksang kiu in.

2 LENGTE 10:29

Himaleh, Jehu chun Nebat chapa Jeroboam in Israel a gitlosakna–Bethel leh Dan ah sana bawngno ho-nate chu a haisan diak puai.

2 LENGTE 10:16

Ama chun, “Ei zui inla, Lalpa â ding ah ka phatchuamngai dan tak hi hun en in,” a tia. Tichun a kângtalai ah chun a chuansak tai.

HOSEA 5:15

A hi’khelnau a hun hetdawu ah, ka mai a hun hawl masiau chu, ka umna lam ah kile’kit ing ka. A lunggimna ziak un ka doisakna chu hun don ta’n au.

HOSEA 8:3

Israel in thilpha chu a pêk mang in, mêlma chun ama delzui in a.