HOSEA 8:14 - PATHIAN LEKHABU THIANGTHO (BSI)

¹⁴ Israel in ama Siampa a hemil in, lal Inpite a sau a; Judah in khawpi kul neite a hi’pung a, ahi’n la, a khawpite chung ah mei sawl ing ka tin, a khawpi siamdette chu kâng tum in a.

HOSEA 8:14 Referans Kwoze

DAN LEKHABU 32:18

Nangma hun hingtu Suangpi chu, la ngaisak puau ah, nang uh hun siampa Pathian chu, la hemil tau hi.

JEREMIAH 17:27

Himaleh, sabbath ni changthiangtho ah, Jerusalem kotpite ah van-gik puak lut lo ding ka tite chu la ngailo ua leh vang, a kotpite ah chun mei sêmkuang ding ka hi; zia mei chun, Jerusalem ah lal Inte chu kâng tum intin, phelmit hita pua’n a.

AMOS 2:5

Ziaziakchun, Judah chung ah mei sawl ing ka tin, Jerusalem kulpite chu kâng tum in a.

HOSEA 13:6

Amau ka vâk lai khan a vâ un, a lungkim ma mau a; a vâ phat un a lungthim uh a hung chapo ta’n; tichun, ei hemil kit ta mai sek ui.

ISAI 17:10

Nang in la hukdamna Pathian la hemil ta’n, la kisêlna Suangpi chu la he’pha ta paw’ngal a; ziaziakchun, thâichi doi um tak tak te chîng malehchin le,

AMOS 1:10

Ziaziakchun, Tura bâng chung in mei hun sawl ding ka hi, a kulpite kâng tum ding mei chu.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

AMOS 1:14

Ziaziakchun, Rabah bâng mei in hâl ing ka tin, a kulpite chu kâng tum intin, kido ni ah kiko thawm tawh, chîmpei ni ah thigawpi tawh,

AMOS 1:12

Ziaziakchun, Teman chung in mei sawl ing ka tin, Bozrah kulpite chu kâng tum in a.

AMOS 1:4

Tichun, Hazael Inkuan chung ah mei hun sawl ing ka tin, zia chun Ben-hadad kulpite chu kâng tum in a.

HOSEA 2:13

Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

JEREMIAH 23:27

A pu leh pateu in keima hemil ah, Baal ei la zuisan gual uh khan, a mang uh kihiltua in, ka mipite hin ei hetmilna ding uh a guanggal ui.

JEREMIAH 3:21

Tângsip kol vel vul lam ah kipat in, kâ thawm het ahi’n; zia chu Israelte kap kawm ah thil don chu a hiu, Lalpa, a Pathian uh hemil ah ah, a la tawi khawlo zaw tâk ziak uh ahi.

JEREMIAH 2:32

Nungak in a kicheina matchâkte leh, monu’n a mo puan chu a hemil thei awm? Ka mite’n vang ni sim sên lo sung, ei hemil tau hi.

ISAI 43:21

ka mipi hiding ah ka siamte, ka pâkna tâklang dingte dawn ding ka piak tâk ziakin.

ISAI 42:25

Ziaziakchun, a chung un a lungnatna meiâm leh, a gâldo’na lungnatna huaisia a hun butthâk khum tai; a kîmvêl ah mei hun sêmkuang maleh, a hethiam diak pua’n; ama a hun kâng kha hial ta na’n, a ngaikhawk diak puai.

ISAI 42:13

Sepai hangsan tak gual in Lalpa chu a kipan in, gâldo ah kuan gual in a kihântaw hi; a kiko in, ngai tak in a kiko hi, a hat dan a gâlte chung in a etsak tai.

ISAI 29:23

A lak ua ka khutsuak a chateu chu a mu phât uh leh, ka min hi’thiangtho ta’n tiu in, Jakob Mithiangtho chu hi’thiangtho ta’n tin uh, Israel Pathian chu lau ta’n au.

SAM 106:21

Pathian, amau Hukdampa leh, Aigupta gam ah thil lopi takte, a la bawlpa chu a la hemil tau a.

2 KHANGTHU 27:4

Zia bep chule hilo in, Judai tânggamte ah chun khawpite a siamdok ah, gammâng ah chunle kul leh gâlven bukte le a bawl hi.

2 KHANGTHU 26:10

Gamthip lam ah chun gâlven Insângte le a bawl ah; gancha tam tak nei ahiziak in Shephalah bial leh phâichâmte ah chun tuikul le tam tak a bawl hi. Lou bawlna lam ah lunglut mi ahiziak in, tânggam leh lei phatna munte ah chun lou bawl mi leh grep huan enkol ding mi tam tak le a nei hi.

1 LENGTE 16:31

Nebat chapa Jeroboam gitlonate zui chu thil bailam ah ngai in, Sidon te Lengpa Ethbaal chanu Jezebel chu ji’n a hang nei ah; a chia ah, Baal na chu sêm in a ho tai.

1 LENGTE 12:31

Ama chun thoimualte ah chun Inte a sa’n, Levi mi hilo mi vantang lak ah kipat in thiampu dingte a koi tai.

2 LENGTE 18:13

Lengpa Hezekiah kum sawm leh li leng ahi kum ah chun, Assuria Lengpa Senakherib chu Judah khawpi kul ah ki-ûm zosia bulu dingin a hung kuanah, a hung la kit tai.

SAM 95:6

Aw hung unla, a ma-âng ah bokkhup in ho hitiu, Lalpa ei Siampa ma ah hin khiangkho hitiu!

ISAI 9:9

Ephraim gam leh Samaria gam ah chêng zosia’n zia chu a hiau a, maleh, a lunggil uh simmawna leh nuaisiana dim in, zia gual hin a gen tau a:

ISAI 9:10

“Chêktangte chu a chim zo ta’n, maleh, suang kisek in lem thak hitiu; theipi kungte chu phûkthâk hitamaleh, sidar thing in theng nai tiu,” a tiu a.

JEREMIAH 5:17

La louma suak leh bute hun nêk zaw piak intiu in, la chanuteu leh la chapateu hun nêk zaw piak in au; la belam hon leh bawng honteu hun nêk zaw piak in, la grep leh theichang gateu le hun nêk zaw piak in au. Chuleh, la kisuanpi ma mau khawpi kul det tak neite chule, a chemjam un hun hisia’n au.

EZEKIEL 23:35

Ziaziakchun, Lalpa Pathian in: Keima ei hemil ah lei nungngatsan tâk ziakin, la thanhuaina leh la kizokna ziak ah la chung ah tung ding hi thuak in, ti’n a gen a.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.