HOSEA 7:3 - PATHIAN LEKHABU THIANGTHO (BSI)

³ A gitlonau in lengpa a kipak sak un, a lepchianau in mi lopite a kipaksak ui.

HOSEA 7:3 Referans Kwoze

ROMTE 1:32

Pathian in zia tawhbang mite chung thu chu a tan piak tak leh, thi tâk ah vaihawm piak ah um ding a hiu ti a hezing tho ui; himaleh, amau thil diklo bawlte bep le tongkhop lo in, zia gual ah bawl sek, midangte chule a kipakpi nalai sêt ui.

MIKAH 7:3

A khutteu chu thil phalo bawl a thiam ma mau in; a milianteu leh thutanteu chun golgûkna a don un; mi thuneite chun a duthusam dungzui tak un a zikdaw sak un; tichun, dikna chu a heikawi tau hi.

1 JOHAN 4:5

Amau chu khawvel ah kipat a hiu in; ziaziakchun, a thugen uh chu khawvel ah kipat ahi’n, khawvel in a ngai nuam ui.

MIKAH 6:16

Omri thuguatte leh Ahab Inkuante thilbawl chu la vop zing in, a lemguatnau chu la zui zing ngal a. Ziaziakchun, a hawm ah nutsia in hun siam ing ka tin, la sung ah chêng sunte chule mi nuizatbûk in siam ding ka hi; tichun, ka mite minsiatna chu paw ta’n la.

HOSEA 7:5

I lengpau ni ah chun miliante chu, uain salum in a nat khawlaw un; ama chun musitte tawh a khut a jak khawm hi.

HOSEA 5:11

Ephraim in bangmalo mai a del tâk ziakin, nuaisia in a um ta’n; vaihawmna suksiat in a um tai.

HOSEA 4:2

Kihaksialna, zuautheina, tualtha’na, gukchakna leh ângkawmna a pung a; thisan sua’na chu thisan sua’na’n a zui hi.

JEREMIAH 37:19

Babulon lengpa chu nang do ding leh, zia gam hi do dingin hung talojen in a, ti sek, la jawlneite chu khoi ah um zo a hitau em?

JEREMIAH 9:2

Aw, gam keu ah khualbûk nei in, ka mipite nusia in vaum daw san ziang leng ka nuam na e! ângkawm leh suam mang ngen ahi ta’ngal un!

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

1 LENGTE 22:13

Mikaiah ko ding ah vakuan thupawpa chun a kiang in, “En in, jawlneite thugen haw chu kituak tak in lengpa â ding ah a phalam ngen ahi; la thu chule a lak ua pakhat gual hihen la, a phalam in gen in,” a tia.

1 LENGTE 22:6

Ziaphatchun, Israelte lengpa chun jawlneite zosia a ko khawm ah, za li vel a hiu ah; a kiang un, “Ramoth-gilead ah galdo dingin kuan to ding ka hem, ahiloleh, kuan da mai ding ka hem?” ti’n a gen a. Amau chun, “Kuan to in; zia chu Lalpa‘n lengpa khut ah hun pia ding ahi,” a tiu a.

HOSEA 10:13

Nunsiatna lei la let un, diklo’na ga la luak un, zuau’na ga la neu hi. La hatnau leh la sepaiteu tam in la ki-ngau in,

HOSEA 11:12

Ephraim in zuau thu’n ei ûm kîmvêl un, Israel Inkuan in dawha’n ei ûm ui; himaleh, Judah vang Pathian tawh a kiton in, Thiangtho Pa â dingin a ginum nalai hi.