HOSEA 6:6 - PATHIAN LEKHABU THIANGTHO (BSI)

⁶ Kithoina hilo in ja’ngaina ka dawi in; hâlmang thilpiakte sâng in, Pathian hetna chu ka doi zaw ngal a.

HOSEA 6:6 Referans Kwoze

MATTHAI 9:13

Chutichun chiau inla, ‘Kithoina ka dawi pua’n, jangaina ka dawi hi,’ ti hi a umdan vazil un; midikte hawl ding ah hung ka hipua’n, mi gilote hawl ding ah hung ka hizawi,” a tia.

MATTHAI 12:7

Ahi’n, kithoina ka dawi pua hen, jangaina ka dawi hi, ti hi a umzia heleuchin, mawna neilopi maw chansak lo ding la hiu in.

THUPILTE 21:3

Dikna leh thutakna chu, Lalpa‘n kithoina sâng in pom tâk a sa zawi.

1 SAMUEL 15:22

Ziaphatchun Samuel in: “Lalpa‘n a thu mat sâng ah, hâlmang thilpiak leh kithoina kipakpi zaw a hem? Ahi’pen chu, kithoina sâng in thumat a phazaw’n, a thu ngaisak chu belamchal thau tak, piak sâng ah le phazaw ma ma ahi.

AMOS 5:21

La kûtteu ka hua hen bangma’n ka ngai puai; la khawmpi gun takteu chule ka kipakpi puai.

ISAI 1:11

Lalpa‘n zia gual hin a gen hi: La kithoinau zozaipi hi, kei â dingin bang phachuam a hem? Hâlmang kithoina ding ah kêlchal leh, gancha kivâkthau ka hau hi; bawgchalte, belamte leh, kêlchate thisan hi ka lop ta puai.

THUGENTU 5:1

Pathian In ah la chia phat leh, la keng vêngpha’n; mingolte kithoina thilpiak sâng in, ngaitha ding ah kisa zosa um hi a pha zawi; amau chun a thil hi’khial uh a ngaitua ngai puau a.

JEREMIAH 22:16

Michaga leh tasamte panpi’n vai a hawm ah, zia chu ama â dingin a pha ngâl a. Zia chu keima ei hetna ziak hilo maw? Lalpa‘n a tii.

MATTHAI 5:7

Mi jangai theite chu mi hampha a hiu; khawtua’na mu ding ahi ngal un.

DANIAL 4:27

Ziaziakchun, aw lengpa, ka hun thuhilna hi pom mai ta’n: La gitlona haisan in thil dik bawl in; la bawsiatnate haisan in, tawden ah umte chu lainat ta’n; chutileh, nuamsa tak ah la khawsakna hi zopsau piak hiding la hi, ti’n a dawnhu a.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

JEREMIAH 7:22

Aigupta gam ah kipat ka puidaw lai ah khan, la pu leh pateu kiang in kithoina leh hâlmang thillat chungchâng ah thupiak leh thugen bangma ka nei puai.

1 JOHAN 3:6

Kuale ama ah um chun gitlo a bawl zing puai; kuale gitlo bawl zing chun ama a mu puau ah, het le a hepuau hi.

1 JOHAN 2:3

A thupiakte I zop ua chun ama chu I hiau hi ti zia chun I hethei ui.

MIKAH 6:6

Bang tawh ahi diam Lalpa ma ah ka hung ah; Pathian Chungnung pen ma ah chun ka kûn ding? Hâlmang thil latte, bawngno kum khat ah upate tawh a ma-âng ah hung ding ka hi hem?

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

ISAI 58:6

Anngawl dan ka doidan chu zia gual hi ahi: Diktatlo’na khauhual thap thâk a, ngawngkol puak lâk thâk ah, nuaisia ah umte zalensak ah, ngawngkol zosia khetbot hi ahi.

HOSEA 2:20

Ginumna’n ka ji hiding in hun la’ng ka tin; tichun, Lalpa chu hun he ta’n la.

SAM 50:8

La kithoinateu ziakin hun zilgai pua’ng ka tin; la hâlmang thillatteu chu ka ma’n a um zing hi.

MARKA 12:33

ama chu lunggil zosia, hetthiamna zosia, thagau zosia leh hatna zosia ah hepi ah, eima kihepi gual ah vêngte hepi chu hâlmang thillat leh kithoina sâng inle a thupi zaw ma ma hi, ti la gen dik hi,” a tia.

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

JOSHUA 5:5

Aigupta gam ah kipat hung pawtdok zosia kha zektansa ngen himaleu, Aigupta gam ah kipat a hung pawtdok nung ua, gamthip ah a zin sung ua piang zosia kha zektan lo ngen a hiu a.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.