Biblia Todo Logo
Bib sou entènèt

- Piblisite -




HOSEA 6:5 - PATHIAN LEKHABU THIANGTHO (BSI)

5 Ziaziakchun, jawlneite mang in amau ka sâttan ah, ka kam ah thute’n amau chu ka that tai; ka vaihawmna chu vâk gual in a kikhawdok hi.

Gade chapit la Kopi




HOSEA 6:5
35 Referans Kwoze  

Ka thu hi mei tawhbang leh, suangpi khen phel gei gui thei, sek tawhbang hilo a hem? Lalpa‘n a tii.


En in, tu’ni hin nam tinte leh, lenggam tinte chung ah thuneina ka hun pia ta’n: botdok ding leh kaichim ding, susia ding leh paitha ding, sathak ding leh phu’kit dingin,” ti in.


Ziaziakchun, sepai honte Pathian, Lalpa chun zia gual hin a gen hi: Zia gual thu chu a gen ziak un, la kam ah chun ka thute chu, meikuang gual in ka hun siam in, zia mipite hi thingkhua gual in, ti chun, mei in amau chu hun kâng tum in a.


Pathian thu hi a hing ah, thil ahi’thei ah, chemjam hiamtua zosia sâng inle a hiam zaw’n, hinna leh thagau, gutua leh theng kikhen khop hial ah sun thei ahi; lungthim ah ngaitua leh tupte chu a hethei ngal ahi.


La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.


A tualthanau leh a dawi thil matteu, a tatsualnau leh a gukchaknateu le a haisan diak puau hi.


Mihing mun thum ah khen mun khat that ding ah, a ni, a tha, a kum a guat piak sau vansawlchâk palite chu a hun thâdok tau a.


Ziaziakchun, la lung hun hei in; achutilochun, hung vak ing ka tin, ka kam ah chemjam ah hin amau chu hun do ding ka hi.


Chun, a khut changlam ah chun aksi pasagi a chawi ah; a kam ah kipat chun chemjam hiamtua hiam tak gual in a hung pawt ah; a maisua chu nisa a sat phat lai tak gual ahi.


Zia chu Mosi’n a mu phât in, a thil mu chu mak sa’n, a en ding ah a hang nai phatin, Lalpa ah kipat aw a hung gi’n:


A sung ua um Lalpa chu a dik a; diklo a bawl ngai puai. Jingkal si’n ah a vaihawmna chu, phalvak si’n ah thawn lo in a sulang a; himaleh, midiklote’n vang zachâtna châng a hepuau hi.


Ka thil mu chu, Jerusalem khawpi susia ding ah hung, Khebar lui pang ah ka la mu gual gual kha ahi’n; tichun, ka mai ah lei tual si’n ka bokkhup tai.


Suanggial leh suang tâk pen sâng ah le tâk zaw’n la chalki ka siam piak tai; amau chu lau kin la, a mêl unle hun hi’lungthuai diak kiu hen, helmangte Inkuan ahi ngal un.


Ziaphat chuleh, a kiang un, “Lalpa‘n zia gual hin a gen hi: Zia gam ah chêng zosia, David lalchutpha kichu lengte hileh, thiampute leh jawlneite zosia tawh Jerusalem ah chêng zosia hi tawh, uain hun dawn khamsak ding ka hi;


Tu’ni hin gam zosia chung in, Judah lengte chung leh zia tak ah vaihawmte leh, thiampute chung leh mipite zosia chung ah chun, khawpi kul nei, thik khuam leh sum-eng bâng gual in ka hun siam la hi.


Kikodok inla, kipadâm kin! Pengkul gual in la aw hun sua in! Ka mipite’n a bawlkhialnau hil inla, Jakob Inkuante kiang in a gitlonau tâklang in.


himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.


Ka taksa hi nangma lau in a kithing in, la vaihawmnate chu ka lau hi.


La dik zia chu vâk gual in hun latsak intin, la thiamchan zia le sûn lai gual in hun tâk lang in a.


Ziaziakchun, nanghaw, ngaituana neitheite haw, ei ngaithau in; Pathian chun phalo tak in bawl pua’n tin, Hat Chungnung Pathian chun, diklo tak in bawl talojen in a.


Jawlnei Elijah ah kipat in lekhathot a hung tung ah, zia gual hin a kizik a: “La pu David Pathian, Lalpa chun zia gual hin a gen hi: La pa Jehoshaphat dung la sûn pua’n, Judai gam ah Lengpa Asa dungle sûn diak lo in,


a kiang in, “Lalpa‘n zia gual hin a gen hi: Ekron pathian Baal-zebub kiang ah thu dot la guat chu Pathian umlo a hita a hem? Ziaziakchun, la zotsa Jalkhun chu nusia ta pua’n la, thi ngei ngei ding la hi,” a ti tai.


Hazael chemjam ah kipat suakcha taphot chu Jehu in that intin; Jehu chemjam ah suakcha taphot chu Elisha in that ding ahi.


Ahab in Elijah a mu phât in a kiang in, “Nang la hi maw Israelte sulungngaipa chu?” ti’n a gen a.


Tu’hin, Tishbi mi Elijah, Gilead gam ah Tishbe khua um chun, Ahab kiang in, “A âng ah ka dinna pa, Lalpa, Israelte Pathian a hin gual in, ka thu lo in, zia kumte ah hin gua leh daitui him him ke lo ding ahi,” a tia.


Zia gual ngei chun a hung um ta’; kotkhak ah a hung lut ah, a keng chotgit Ahijah chun a het phat in, “Nang Jeroboam ji, hung lut in, bang ding ah numei dangte gual ah hung kisiam la hem? La kiang ah thu hawi lo tak chanchin hil ding ah sawl ah um ka hi.


Ziaphatchun Samuel in: “Lalpa‘n a thu mat sâng ah, hâlmang thilpiak leh kithoina kipakpi zaw a hem? Ahi’pen chu, kithoina sâng in thumat a phazaw’n, a thu ngaisak chu belamchal thau tak, piak sâng ah le phazaw ma ma ahi.


Samuel in Saul kiang ah chun, “Ngolhuai tak ah thil a la bawl la hita hilam; Lalpa la Pathian thupiak chu la zui ta puai. Chuti hilo leh vang, Lalpa‘n Israelte chung ah leng la hi’na hi kumkhua’n hun hi’det piak ding ahi’n;


Nang lawm lawm in zia gual ah chun midikte chu migilote gual ah bawl mai ding leh, midikte chu migilote lak ah a thi khawm mai ding uh chu phal sam ding la hem? Lei chung zosia ah vaihawmpa chun dik tak in bawl lo ding la hem?” ti’n a dong a.


Chuleh, hukdamna lukhuk chu khuk in, Pathian thu, Thagau chemjam chu pan un.


Ziaphatchun, Samuel in Saul kiang in, “Amalekte lengpa Agag kha zia tak ah hin hun puidok in,” a tia. Agag chu lau ah kithing kawm kawm in a hung a. Agag chun, “Thi ziang ding chu tizat a umna lawm lawm e!” a tia.


Himaleh, Samuel in a kiang in, “La chemjam in numei tam tak, cha bei ah a koi gual in, la nu le numei lak ah cha bei in um hen,” ti’n a gen a. Samuel chun, Agag chu Gilgal ah, Lalpa ma-âng ah chun, a sat tel tai.


Mihing, Aigupta mite zosia â dingin thûm inla, Aiguptate tawh nam minthangte chanute zosia tawh, Mithi khua chiate tawh a leng un nuaimi gam ah pai lut in.


thimna kipat suakcha pua’n tiu in, a zungteu chule meikuang in kângkeu intin, a pâk lûnteu chule hui in mût mang ta’n a.


Zaziakchun, Aw mihing, thu gen inla, amau kãl in thu gen in,” a hun ti tai.


Swiv nou:

Piblisite


Piblisite