HOSEA 6:1 - PATHIAN LEKHABU THIANGTHO (BSI)

¹ “Hung un, Lalpa kiang lam ah kile’kit hitiu; ei puaitel chu ama ahiziak in, ama’n ei hi’dam ding ahi, ei vaw liam maleh ei tuam piak ding ahi.

HOSEA 6:1 Referans Kwoze

DAN LEKHABU 32:39

Keima, kei bep hi ka hi’n, pathian dang a um puai, ti he tau in. Ka that ah, ka hinsak ah; ka hi’liam ah, ka hi’dam sek; ka khut ah kipat in kuama’n a ladok thei puau hi.

JOB LEKHABU 5:18

Ama’n a suliam ah, a tuam kit ah; a vua hen, a khut ma ma’n a sudam kit sek hi.

1 SAMUEL 2:6

Lalpa‘n a thatah, a hinsak kit tai; Sheol ah a paitha suk in, a kaidok kit tai.

HOSEA 14:4

A thutak lonau ah kipat in sudam ing ka tin, a thawn in amau hepi ta’ng ka; amau chung ah ka lungnatna a bei ta ngal a.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

JEREMIAH 30:17

Amau in nang chu pâm pai ah um ahi tai, ti’n tiu in: “E he Zion hi! Kuama’n a ngaisak ta puau hi!” a hun ti ziak un, la hisêlna hun pia kit ing ka tin, la beliamte chu sudam kit ding ka hi ta’ngâl a, Lalpa‘n a tii.

ISAI 2:3

Mipi tam tak hung khawm intin uh: “Hung un, Lalpa tâng, Jakob Pathian In ah chun chia to hitiu; a lampite I zuitheina ding ua, a lampite ei hiltheina dingin,” ti’n au. Zion ah kipat in dan hung pawt intin, Jerusalem ah kipat in, Lalpa thu hung pawt ding ahi ngâl a.

JOB LEKHABU 34:29

A la thip hiat hiat leh, kua a hem awimaw thei diak ding? A mai ah sêl mang leh kua nam hi’n, kua mimal hileh a mudok zo ding kua a hem um?

HOSEA 14:1

Aw Israel, Lalpa la Pathian lam ah hung kile’kit ta’n; la thulimlo’na ziakin la kipal pûk ta ahi.

JEREMIAH 50:4

Zia hun lai ah chun, Israelte leh Judate chu hung khawm in tiu in, Lalpa a Pathian uh chu kap kawm kawm in hun hawl in au, Lalpa‘n a tii.

JEREMIAH 3:22

“Aw, chapa gin umlo te haw, hung kile’kit un, la ginumlo nau hun hi’dam piak ing ka”. “Ngai in, ka hun zuan ui, nang Lalpa chu ka Pathian uh la hi’ngal a”.

ISAI 30:26

Zia bep chule hilo in, Lalpa‘n a mite liamna a tuam piak ah, a thalchang in a sukliamnate a sukdam piak phat leh, thapi vak dan chu nisa gual hung hi’ntin, nisa vakna chule a le’sagi, ni sagi a vakna kigawm gual in hung vâk ta’n a.

JEREMIAH 33:5

Ka lungnatna leh thangtawmna ziak ah ka thâlup dingte hung do ah, mithiluang ah hi’dim dingin Kaldaite hung ding a hiu; a gitlonau ziakin zia khawpi hi ka nungngatsan ahi tai.

SAM 30:7

Aw Lalpa, la doisakna ziakin, tâng det tak gual in lei phu det tai; la mai lei sêl mangsan leh, ka bei a dong sek hi.

JEREMIAH 30:12

Lalpa‘n zia gual hin a gen tai: La natna chu sukdam thei ding gual ahi puai, la beliam a huaisia ma ma ngâl a.

ISAI 30:22

Ziaphat chuleh, dangka tuiluan ah milim kisiamte leh, sana tuiluan ah milim kisiamte chu hun khên tel ta’n lau. Puansia ki’dak um tak gual in pai mang in, “Pawt mang tau in,” hun ti ta’n la.

ZEPHANIAH 2:1

Hung khawm unla, hung kikaikhawm tau in, nanghaw jachâkna châng helo nam tinte haw,

1 SAMUEL 7:3

Ziaphatchun, Samuel in mipite zosia kiang in, “La lunggil tak ua Lalpa lam ah kihei kit gua la hiu chun, la lak ua pathian dang zosia tawh Astarte kha paidok un. La lunggil tak un Lalpa lam ah kihei unla, ama na bep sêm un; chutileh, Philistinte thunuai ah kipat hin hun hukdok ding ahi,” ti’n a gen tai.

JOB LEKHABU 16:9

A lungnatna’n ei bottel in, ei muda ah, a ha ei gawi khum nalai ah; ka mêlmapa chun muda tak in, ei mitchangsâl hi.

SAM 6:2

Aw Lalpa, ka chung ah ja’ngai in, ka chautha ta’ngal ah; Aw Lalpa, ei hidam in, ka gu zosia lau in a kithing ta’ngal in.

SAM 71:20

Nangma’n, buaina leh lungjinna tam tak, ei la musak ma lechin ei suhal kit ding la hi’n; leinuai thûk tak ah kipat in ei puidok ding la hi.

THUGENTU 3:3

thalup hun a um ah, sukdam hun a um hi; phel jak hun a um ah, sak phat hun a um hi;

ISAI 17:7

Zia ni phat chuleh, mihingte’n amau Siamtu hun ja in, Israel Mi Thiangthopa lam hun en ta’n au;

JEREMIAH 33:6

Tungding kit in, sudam kit ding ka hi; sudam ing ka tin, hausakna kiningting tak leh bit tak in umsak kit ing ka.

JEREMIAH 50:5

Zion lam nga’n, a lampi ding dong malam pek in, kumtuang thuthung, bangmatik ah le hetmil tâk lo ding ah Lalpa tawh kizopna nei in hung khawm ta’n au.

KÂ LATE 3:11

lampi kipat ei kaidok ah, ei puaitel ta’n; thawmhau tak in ei siam tai;

HOSEA 11:10

Sakeibaknei gual ah kitum Lalpa chu hun zui ta’n au; a hung kitum phat leh a chate chu, tumlam ah kipat in lau ah kithing kawm in hung in au.

HOSEA 12:6

Nang uh vang la Pathian lam un kile’kit unla, hepina leh vaihawmna dik tuchak unla, la Pathian uh chu ngak zing un.

THIAMPUTE LEKHABU 14:48

In chu jutbit kit ahi’nung ah thiampu’n a hung et dik kit ah, hî chu jak ah a mu lo chun, In chu a thiang tai ti a puan ding ahi: Hî chu sukdam ahi tai.

2 KHANGTHU 30:6

Tichun, lengpa leh a khawnbawlte chun lekhathot chu a thotdok zung zung ziang tau a; Israel gam leh Judai gam pumpi chun lengpa thupiak in a thotdok suak tau a; zia gual hin thupiak chu a zik un: “Aw, Israel mipite haw, Abraham, Isak leh Israel Pathian, Lalpa kiang lam ah hin hung kihei kit tau in; chutileh, ama le a thibang sunte kiang lam ah hin hung kihei kit in tin, nanghaw Assuria lengte khut ah kipat suakcha sunte hi hun nai kit ding ahi ngal a;

JOB LEKHABU 22:23

Hat Chungnung Pathian kiang lam ah la kile’kit chun, tundin kit hi’n la tin; la puanbûk ah kipat diklona la koidok chun,

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.