HOSEA 5:5 - PATHIAN LEKHABU THIANGTHO (BSI)

⁵ Israel chu a chapona ziakin ama thiamlo a chansak in; Ephraim chu a thulimlona’n a kipal pâi hi; Judah le amau tawh a kipal pâi khawm hi.

HOSEA 5:5 Referans Kwoze

HOSEA 7:10

Israel kisaktheina chun a thiamlo zia a sulang in; zia zosia ah chunle Lalpa, a Pathian kiang lam un a kihei kit puau a, ama le a hawl diak puau hi.

AMOS 5:2

Thodok kit talo ding ah kipûk chu, nungak thiangtho Israel ahi; ama gam ah nutsia a hita’n, ama kaitho ding khat le a um ta puai.

LUKA 19:22

Ziaphatchun, ama chun a kiang in, ‘La kamsuak ngei ah kipat in la chung thu ka tan ahi; nang suak gilopa, mi genhak tak ka hi ah, ka koi lo na’le ka lâk sek ah, ka tu’ lo na’le ka ât sek hi ti la het leh;

MATTHAI 23:31

Himaleh, jawlneite a la that sekte suan la hi’nau chu nangmau ngei in hetpi in la sudik uh ahi hi.

HOSEA 14:1

Aw Israel, Lalpa la Pathian lam ah hung kile’kit ta’n; la thulimlo’na ziakin la kipal pûk ta ahi.

HOSEA 8:14

Israel in ama Siampa a hemil in, lal Inpite a sau a; Judah in khawpi kul neite a hi’pung a, ahi’n la, a khawpite chung ah mei sawl ing ka tin, a khawpi siamdette chu kâng tum in a.

HOSEA 5:14

Ephraim â dingin sakeibaknei gual hi’ng ka tin, Judah Inkuante â dingin sakeibaknei vânglai gual hi’ng ka. Keima’n bottel in chia mang ta’ng ka; paw mang ing ka tin, kuama’n hukdok pua’n a.

HOSEA 4:5

Sûn lai tak inle kipal pâi in la tiu in, jawlnei le nang tawh jan leh kipal pûk in lau, chuleh, la nu chu hi’mangthai ing ka.

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

ISAI 59:12

La masang ah ka sukkhialnau a tam ma ma ngal a, ka gitlo’nateu chun ei hêksia zing ui. Ka bawlkhialnateu chun ei umpi zing in, ka bawsiatnateu chu ka he tau hi.

ISAI 44:9

Milim siamte chu bangmalo mai mai a hiu in, a thil ngaisân ma mateu chunle phatchuamna a nei puai; a hiatpituteu chunle bangma a mu puau ah, het le a hepuau hi. Tichun, mualphona bep tuak in au.

ISAI 3:9

A maisua mai unle a diklo dan uh a tâklang un; a gitlonau sêlmang malak sâng in, Sodom gual in a tâklang zawu hi. A chung uh a gik na e!

THUPILTE 30:13

Mi mittêt sâng chî le a um un, a mitteu chu a sângha’ nau e!

THUPILTE 24:16

midikte chu sagivei kipuk ziang maleu le, thodok kit intiu in; migilote chu vang siatna’n a hi’mangthai sek hi.

THUPILTE 14:32

Mi nunsiate chu a thil bawlkhialnau in a kipal pâi sek un; midik chun vang a diktatna ziakin bêl ding a mu zing hi.

THUPILTE 11:21

Mi nunsia chu gawt lo in suakcha pua’n tin; midikte chun gawtna pumpel in au, ti hezing in.

THUPILTE 11:5

Demna bei mi chu a dikna chun lampi zang ah pui zing intin; ahi’n, mi nunsia chu amau nunsiatna ma ma in kipûk in au.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

ISAI 3:8

A kamsuak leh a thilbawl dan uh, Lalpa dodâlna leh pâmpaina ngen ahiziak in, Jerusalem chu a kisui ta’n, Judah chu a kipûk tai.

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.