HOSEA 4:18 - PATHIAN LEKHABU THIANGTHO (BSI)

¹⁸ A zudawn uh a kichai phat leh, thanghuai tak in a kimang un; a lopinau sâng in a thanghuainau a ngaina zawu hi.

HOSEA 4:18 Referans Kwoze

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

MIKAH 7:3

A khutteu chu thil phalo bawl a thiam ma mau in; a milianteu leh thutanteu chun golgûkna a don un; mi thuneite chun a duthusam dungzui tak un a zikdaw sak un; tichun, dikna chu a heikawi tau hi.

AMOS 5:12

La bawsiatnau a tam dan, la gitlonau a nasat dante, mi diktatte la sugenthei un, golgûkna la lau ah, vaihawmna kotkhak bul in mi tasamte la sawndok ui, ti ka he ngal a.

HOSEA 4:10

Lalpa kiheimangsan ah, thanghuai tak ah a kipiak zaw tâk ziak un, Ne maleu vâ diak pua’n au; nawchizuak intiu in pung diak pua’n au.

HOSEA 4:2

Kihaksialna, zuautheina, tualtha’na, gukchakna leh ângkawmna a pung a; thisan sua’na chu thisan sua’na’n a zui hi.

JEREMIAH 2:21

Grep kichijiat thiang tak, doichuam tak ah ka hun phû hilo la hem? bangtidan ah grep tak lo leh, grep lêm hung suak ziang la hem?

SAM 47:9

Namtin lak ah miliante chu, Abraham Pathian mite gual in a kikhawm ui. Leilung kihumbitna chu Pathian â ahi ngal a; ama chu nasa tak ah choisa’n ahi tai.

1 SAMUEL 8:3

Himaleh, a chate hin ama umchan zui lo in, amau lawkna ding bep a ngaituau ah; golgûkna a lau ah, diklo tak in vai a hawm tau hi.

DAN LEKHABU 16:19

Dikna chu manlo sua kiu inla, doichuam bîk la nei lo ding ahi; gawlgûkna le la kiu in; gawlgûkna chun mipilte mit a hi’thûm ah, a dikna thugen uh a changma sek hi.

PAWTDAWNA THU 23:8

Golgûkna him him la lâk lo ding ahi; golgûkna hin vaihawmte mit a hi’thûm ah, midikte dikna a lebawl sek ziakin.

THILSIAM THU 38:24

Tha thum zaw vêl ah chun mite chun Judah kiang in, “La monu Tamar in nawchi a zuak hen, zia bep chule hilo in jaucha a pâi tai,” ti a hil tau ah. Judah chun, “Hun puidok un, hâl lup ding ahi chu,” a ti’n.

HOSEA 9:10

Israel chu gamthip ah grep ga gual in ka mu tai. La pu leh pateu chu a hun masa pen ah, theipi ga masa gual in ka mu ta ahi. Himaleh, amau chu Baal-peor mun ah a hung un, jachâk um tak in a kipumpiak tau a; a thil ngainatteu gual in ki’dak um a hung hi zo tau hi.

EZEKIEL 16:15

Himaleh, la mêlphatna la kisuanpi ta’n, la minthanna ziakin la thanhuai khawlaw ah, a hun haw kha taphot tawh kiphal tak in la thanghuai tai.