HOSEA 4:14 - PATHIAN LEKHABU THIANGTHO (BSI)

¹⁴ La chanuteu nawchi man leh, la moteu a ângkawmnau chu gawt pua’ng ka; pawsalte le nawchizuakte tawh a kipui chuam un, tempul ah nawchizuakte tawh a kithawi khawm un; tichun, hetthiamna neilote chu a puksia tau hi.

HOSEA 4:14 Referans Kwoze

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

HEBRAITE 12:8

Cha zosia’n a thok uh thununna chu la thok khak lo uh leh vang, cha tak hilo, jawlcha hiding la hiu.

EPHESA 4:18

Amau chu a hetnau sukthim piak a hiu ah, a lungthim mawl leh tâk ziak un, Pathian ah hinna chu chang talo a hiu hi.

1 KORINTH 6:16

Nawchizuak pakhat tawh kizom chu taksa ah le pumkhat ahi tau ti helo la hiu em? “Mi pani chu pumkhat hita’n au,” ti ahi ngal a.

ROMTE 3:11

Kuama a hethiam a um puau in, Pathian hawl him himle a um puau hi.

JOHAN 8:43

Bangatia, ka thugen hi hethiam theilo la hiu em? Ka thugen la pom lo ziak uh ahi.

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

HOSEA 4:17

Ephraim chu milim tawh a kizop un, a um um in, um mai tau hen.

DANIAL 12:10

Mi tam tak chu hi’thian ah um in thiangtho in, buak kâi lo in um in au; himaleh, migilo chu gilo tak in umden mai tau hen. Migilote lakah khat cha’nle he’thiam pua’n tiu in, mipilte’n vang he’thiam na’n au.

ISAI 56:11

Uicha chu a gawlsan un, vâ chintawk a nei puau hi. Belampute’nle hiatthiamna a nei puau in; a leng un amau lawkna ding bep ngaitua in, amau lampi chiat a zui zo tau hi.

ISAI 1:5

Jep be hawl nalai la hem? Bang ding ah huhel nalai maw? Luchang a pum in a na hen, lungchang le a pum in a chau tai.

THUPILTE 28:5

Thil phalo bawlte chun vaihawmna dik a hethiam ngai puau in, Lalpa hawlte chun vang a hethiam sik sek ui.

2 LENGTE 23:7

Milim ah khai ding, puankhawng numeite umna mun, Lalpa In kiang ah um, pawsal nawchizuakte In haw chule a hun phel sik sek tau hi.

1 LENGTE 15:12

A gam sung ah kipat in pawsal kizuakte In haw chu a ladok ah; a pan a bawl milimte zosia chu a lamang sik sek hi.

DAN LEKHABU 23:17

Israel chanute lak ah khat chale biakna mun ah nawchi zuak ah a pan lo ding uh ahi; Israelte cha pawsal lak ah khat chale biakna mun ah kizuak a um lo ding uh ahi.

HOSEA 5:4

A thilbawlteu in a Pathian kiang ah a kile’kit ding uh a phal puai. Kizawk ut tun tunna lungthim a nei ziak un, Lalpa a hepuau hi.

AMOS 2:7

gentheite luchang chu leivui lak ah tawden in, mi sukgenthei ah umte a lampiu ah kipat a sawn mang un; pa leh a chapa nungak khat a kikop un, tichun, ka min thiangtho sukbuak in a um hi;

AMOS 7:17

Ziaziakchun, Lalpa‘n zia gual hin a gen hi: “La ji chu khawpi sung ah nawchizuak hung hi’n tin, la chapate leh la chanute chu chemjam in puk in au; la gam chu te’na khau ah hawm hi’n a; nangma chu gam thiang lo khat ah chun thi’n la tin, matheilo in, Israel chu a gam ah kipat, sal ah pui mang hung hi’n a,” ti’n a gen tai.

KISIMNA LEKHABU 25:3

Tichun, Israelte chun Peor ah Baal hona ngawngkol a bât tau a; chuleh, Israelte chung in Lalpa lungnatna a hung kuangjak tai.

ISAI 27:11

Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.