HOSEA 4:13 - PATHIAN LEKHABU THIANGTHO (BSI)

¹³ Tângvûmte ah chun kithoina a lân un, gangpi thing, hiangpi thing leh thingbul lîm chu a nop ziakin. Mualte chung ah chun kithoina thilpiak a lân ui. Ziaziakchun, la chanuteu in nawchi a zuak un, la moteu inle jawl a sâi zo tau hi.

HOSEA 4:13 Referans Kwoze

ISAI 1:29

La limpi ma ma gangpi thingte ziak ah chun mualpho ta’n la; huan ding ah la têlnau munte chule, la mualphonau hung hizaw ta’n a.

EZEKIEL 6:13

A milimteu ma-âng ah a gimtui hâlna munteu, gangpi thingbuk nuaite, thinghing bul tinte, tângsip tin leh mualsang tinte chung leh, a mâichâm bul tin ua a milimteu lak ah a mithi luangteu a um zeng zung phat leh, kei hi Lalpa ka hi ti hun he ta’n au.

JEREMIAH 3:6

Lengpa Josiah lal lai in Lalpa‘n ka kiang in thu a hun gen a: Mi ginum lo Israel in tângsâng tincheng ah kal to in, thinghing bullîm nuai tincheng ah nawchizuak ah a kihibuakna zozai pihi la mu em?

AMOS 7:17

Ziaziakchun, Lalpa‘n zia gual hin a gen hi: “La ji chu khawpi sung ah nawchizuak hung hi’n tin, la chapate leh la chanute chu chemjam in puk in au; la gam chu te’na khau ah hawm hi’n a; nangma chu gam thiang lo khat ah chun thi’n la tin, matheilo in, Israel chu a gam ah kipat, sal ah pui mang hung hi’n a,” ti’n a gen tai.

HOSEA 11:2

Ka hâ ko po leh ei gamlat diak un; Baalte kiang in a kithawi zing un; milimte kiang in gimtui a lân zing nalai ui.

HOSEA 2:13

Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

EZEKIEL 16:25

lambom tin ah mun thawveng la kisiam ah, la mêlphatna la zuak ah, la thanhuaina hi’pung dingin a hun haw kha taphot kiang in la kipia’n.

EZEKIEL 16:16

La sil leh chên khenkhatte chu, la thoimual cheina’n la mang ah, zia tak ah chun la kizuak thanghuai ta’n; zia gual thil hi kuama’n a la bawl kha pua’n, tu’nung inle kuama’n bawl pua’n au.

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

JEREMIAH 2:20

Hun sawt tak ah kipat khan, la ngawngkol thiakbong in, la kolbu le la khen bong ah, “La na sêm ta pua’ng ka,” la ti hen. Ahi’n la, tâng sâng chung tin leh, thinglîm tincheng ah chun, nawchizuak in la kiphâ tai.

ISAI 57:7

Mual leh tângsâng leh lian zosia chung in, la jalkhunteu la dawu in; zia vûm tiang ah chun, kithoina lân dingin la kal to sek un.

ISAI 57:5

Gangpi thing leh thinghing bulnuai tincheng ah, thanghuai tak in la kikawi un; nanghaw, phâijawl tincheng leh, suangpi kawhawm tincheng ah la chasenteu, kithoina that sekte kha hilo la hiu em?

JEREMIAH 44:8

La vachênnau Aigupta gam ah pathian dangte kiang ah kithoina lân ah, bang ding ah la khut nasepteu ma ma ah ka lungnatna choktho la hiu em? Khawvel namtin lak ah hânsia law leh gensiat ah um dingin hun paitha ma ma ding ka hi em?

HOSEA 10:8

Israelte gitlona, Aven, munsângte chu suksiat hita’n a. A mâichâm umna mun in ling leh lênling kek in a. Tângte kiang ah chun, “Ei khu un,” mualte kiang ah chun, “Ei delkhum un,” ti ta’n au.

2 LENGTE 17:7

Zia gual chun, Israelte chun Aigupta gam ah Lengpa Pharaoh khut nuai ah pat puidokpa, Lalpa a Pathian chung un thil gilo a hun bawl kit ua; pathian dang a hun ho kit tau hi.

2 LENGTE 23:7

Milim ah khai ding, puankhawng numeite umna mun, Lalpa In kiang ah um, pawsal nawchizuakte In haw chule a hun phel sik sek tau hi.