HOSEA 2:19 - PATHIAN LEKHABU THIANGTHO (BSI)

¹⁹ Kumtuang ah ka ji dingin hun la ta’ng ka tin; diktatna leh vaihawm dikna’n, hepina det leh jaidawna’n ka ji hiding in hun la ta’ng ka.

HOSEA 2:19 Referans Kwoze

2 KORINTH 11:2

Pathian thangsiatna’n ei vei ka hun thangsiat; Khrista kiang ah nungak thiangtho gual ah ka piakdaw theina dingin, pawsal khat ka hual piak la hiu.

THUPUAN 21:2

Khawpi thiangtho Jerusalem thak chu, monu a pawsal â ding ah kichei gual ah siam tupsa, van ah kipat kitawl suk ka mu’n.

ISAI 54:14

Dikna ziakin phudet hi’n la tin; sukgentheina chu tawh kigamla ta’n la; lau him him talo ding la hi’ngal a. Tizat umna’nle hun gamlat ta’n a, la kiangnai ah le hung talo ding ahi ngal in.

SAM 85:10

Ngilneina leh thutak kituak intiu in; dikna leh kichamna kichawptua ding a hiu.

ROMTE 7:4

Zia gual ah chun, ka suapite haw, nang uh hi Khrista taksa ah chun Dan thi’san ah um la hitau ah; Pathian â ding ah chi suantu I hung hitheina ding un, thina kipat ah thokit ngei chu kichenpi la hitau ahi.

JOHAN 3:29

Mo neipa chu mo-pa chu a hisek hi; himaleh, mo-pa dinpi a gualpa chun, a thu a la hetpi in, zia mo-pa thugen ziak ah chun nasa tak in a la kipak sek hi; zia gual ma chun, zia hi ka kipakna bukimna chu a hi.

EZEKIEL 39:29

chuleh, Israel Inkuante zosia chung ah ka Thagau ka butthâk phat leh, amau chu kisêl mangsan ta pua’ng ka, Lalpa Pathian in a tii, ti in.

ISAI 1:27

Vaihawmna dik ziakin Zion chu hukdaw in um intin, chuleh, a sung ah chun a gitlonau haisan ah lungheite chu, dikna hukdaw in um in au.

JOEL 3:20

Himaleh, Judah gam chu kumkhua’n lua in um intin; Jerusalem le suan zosia tiang ah lua in um ta’n a.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

JEREMIAH 4:2

“Lalpa min in!” ti ah kitiam ngam ah, thutak ah vaihawmna dik leh, umchan dik tak la zui uh chun, nam tinte chu keima maljawl ah um in, ei kisuanpi ta’n au.

ISAI 54:6

Lalpa chun nutsia um ji thasia, tangval lai ji nol ah um, a kokit gual in ka hun ko la hi; la Pathian in a tii.

EZEKIEL 16:8

La kiang hun haw in, ka hun et kit leh, dawichâk ah ngai thei la hung hi tai. Ka puanâk chual mong la chung in ka kaipal ah, la ngawnchang hi’na chu ka khû tai; la kiang in kitiamna ka nei in, nang tawh I kikâl in thuthung ka siam a; tichun, nang chu kei â la hung hi tai, Lalpa Pathian in a ti ahi.

HOSEA 14:4

A thutak lonau ah kipat in sudam ing ka tin, a thawn in amau hepi ta’ng ka; amau chung ah ka lungnatna a bei ta ngal a.

ZEKARIAH 13:2

Zia ni chun, gam sung ah kipat thagau buakte leh Jawlneite paidok sik sek ing ka tin, amau hetzuina um ta pua’n a; chuleh, gam sung ah kipat in jawlneite leh thagau buakte paidok sik sek ta’ng ka, sepai honte Lalpa‘n a ti ahi.