HOSEA 2:15 - PATHIAN LEKHABU THIANGTHO (BSI)

¹⁵ Zia kipat chun a grep huante chu ama pia’ng ka tin, Akor phâile kinepna kotkhak in siam ing ka. Zia tak ah chun a khangdawn lai nite leh, Aigupta gam ah a hung pawt daw lai gual khan, La’n hun dawng ta’n a.

HOSEA 2:15 Referans Kwoze

EZEKIEL 28:26

Bit tak in chêng ta’n tiu in, a In ding uh kisak in, a grep huanteu kibawl ta’n au. Amau simmaw ma ma a Invêngteu zosia chung ah vai ka hawm phat leh, bit tak in chêng ta’n au. Chun, Keima hi Lalpa a Pathian uh ka hi dan hun he ta’n au, ti’n a gen a.

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

HOSEA 11:1

Israel chu naupang a hilai khan ka hepi ah, Aigupta ah kipat in ka chapa chu ka kodok tai.

JOSHUA 7:26

a suang sia vûm uh chu tu’ni tiang hin a um nalai hi. Zia phat ah chun, Lalpa lungnatna a dai tai. Ziaziakchun, zia mun chu tu’ni tiang in, Akor phâicham, ti min putsak den in a um tai.

NASEPTE 14:27

A hung tun phat un kochuamte chu a hun ko khawm ua, amau mang ah Pathian in na a sep zosia chu a gensawn ua, Jentelte kiang ah le ginna kot a kihon tâk dante a gen tau a.

JOHAN 10:9

Keima hi kotkhak chu ka hi. Keima ah hung lut chu bit intin, lut in pawt intin, nêk dingle mu’n a.

AMOS 9:14

Ka mi Israelte neinungna tungding kit ing ka tin, amau in khawpi chimsate chu siampha kit in lua in au. Grep phut intiu in, grep ga tuite chu dawn ta’n au; huante bawl intiu in, a ga ne ta’n au.

EZEKIEL 16:60

himaleh, la khangdawn lai ah la kiang ah thuthung ka siam kha hezing ing ka tin, nang tawh I kikâl in kumtuang dai ding thuthung siam ing ka.

EZEKIEL 16:22

La ki’dak umna leh thanghuaina zosia ziakin la khangdawn lai, ngawnchang ah la thisan lak ah la kitel lai hunte kha la hemil tai.

EZEKIEL 16:8

La kiang hun haw in, ka hun et kit leh, dawichâk ah ngai thei la hung hi tai. Ka puanâk chual mong la chung in ka kaipal ah, la ngawnchang hi’na chu ka khû tai; la kiang in kitiamna ka nei in, nang tawh I kikâl in thuthung ka siam a; tichun, nang chu kei â la hung hi tai, Lalpa Pathian in a ti ahi.

ISAI 65:21

Inte sa’n tin uh, lua in au; grep phu intiu in, a ga ne’n au.

ZEKARIAH 9:12

Aw kinepna nei ah koltângte haw, la kulpi lam uh zuan kit tau in; a le’ni in hun tung ding kit ding ka hi ti, tu’ni ma ma hin ka puang ahi.

KÂ LATE 3:21

Ahi’n, zia hi ka hetdaw tâk ziakin, kinepna ka nei hi:

JEREMIAH 32:15

Sepai honte Lalpa, Israelte Pathian in zia gual hin a gen ngal a: Zia gam ah hin Inte, loute leh grep huante chu kichawk tua kit hung hi’n a, ti in.

SAM 106:12

Tichun, a thugente taksang in, a pâkna La a sa tau hi.

KISIMNA LEKHABU 21:17

Ziaphatchun, Israelte’n zia La hi a sau a: “Aw tuikul, kikhawdok in! A kiang ah pâkna La sa’n la!

HOSEA 12:9

Aigupta ah kipat khan Lalpa la Pathian uh chu ka hi; guat ah um kût nite gual ah puanbûk ah, la chên gual khan puanbûk ah hun chênsak kît ding ka hi.

ISAI 65:10

Ka mipi, keima ei hawlte ziakin, Sharon chu belam hon tatna gam hung hi’ntin, Akhor Guam chu bawng hon giakna hung hita’n a.

HOSEA 2:12

A grep gui te leh theipikung te chu: “Ziate hi ka dawichâkte ei piak, ka law dawte chu a hiu hi,” a ti chu hi’siat piak ing ka. Gammâng in siam ing ka tin, gamsate’n ne zo in au.

SAM 129:1

Tu’hin, Israelte’n, “Ka khangdawng lai ah kipat in, tamveipi ei la soisa tau in,

JEREMIAH 2:1

Lalpa‘n ka kiang in zia gual hin a hun gen a:

JEREMIAH 3:4

Tu’tak chun la, He pa, ka khangdawng lai ah ka gualpa la hi, lei ti hen;

JEREMIAH 29:11

Nang uh â ding ah ka thil guanggal chu ka hechian ma ma ngal a; zia chu tu’nung ah la siatna ding uh hilo in, la phatna ding uh, a tung nai lo ah kinepna ahi, Lalpa‘n a tii.

EZEKIEL 28:25

Lalpa Pathian in zia gual hin a gen hi: Israel Inkuante a kithe’cheknau mun tin ah kipat ka pui khawm kit ah, nam tinte mit mu ah ka thianthona ka tâklat phat leh, ka suak Jakob kiang ah ka la piakna, a gam uh chun chêng ta’n au.

HOSEA 12:13

Jawlnei pakhat mang in Lalpa‘n Israel chu, Aigupta ah kipat in a la puidok ta’n, jawlnei pakhat in a chingtup tai.

HOSEA 13:4

Ahi’n la, kei chu Aigupta gam ah kipat, Lalpa la Pathian uh ka la hita’n; kei tilo Pathian dang la hepuau in; chuleh, kei ti lo hukdampa dang le a um puai, ti la hiau a.

VAIHAWMTE 8:34

Israelte’n Lalpa a Pathian uh, a kîmvêl ua a melmateu khut ah kipat hukdokpa chu a hemil tau a;

1 LENGTE 16:31

Nebat chapa Jeroboam gitlonate zui chu thil bailam ah ngai in, Sidon te Lengpa Ethbaal chanu Jezebel chu ji’n a hang nei ah; a chia ah, Baal na chu sêm in a ho tai.