HOSEA 2:14 - PATHIAN LEKHABU THIANGTHO (BSI)

¹⁴ Ziaziakchun, tun ama jawl ing ka tin, gamthip ah pui ing ka tin, aw nem tak in ama jawl ing ka.

HOSEA 2:14 Referans Kwoze

THUPUAN 12:6

Chun, numeinu chu ni sang khat za ni leh sawmguk vâk ah a umna ding mun, Pathian mun guanggal piakna gamthip ah chun a jam mang tai.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

THUPUAN 12:14

Numei chu, hun khat, hunte leh hun kim khat sung, zia gûlpi ah kipat chu jam mang ah gamthip ah ama vâk ah a umna mun ah leng lut dingin mupi thâ pani a piau a.

THILSIAM THU 34:3

Chuleh, a lungthim chu Jakob chanu Dinah chung bep in a um zing ta’n; zia nungak chu a hepi in, a ho pha ma ma a.

JOHAN 6:44

ka Pa, ei sawlpa chun a hîplo leh, kuama ka kiang ah hung theilo a hiu. Ahi’n, keima’n nitawp ni leh kaitho ing ka.

HOSEA 2:3

achutiloleh, ngawnchang in koi ing ka tin, a pian ni gual ah ngawnchang in umsak ing ka tin; gamthip gam gual in siam ing ka tin, gam keu gual in umsak ing ka tin, dangchâk ah thi’sak ding ka hi.

EZEKIEL 20:10

Tichun, Aigupta gam ah kipat puidok in, gamthip ah ka pui lût tai.

JEREMIAH 16:14

Aigupta gam ah kipat Israelte puidokpa Lalpa chu a hin nâk leh, ti ah kitiamna um tâk lo’na ding nikhua chu hung tung intin,

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

SOLOMON LÂ 1:4

Ei pui in, kin tak in chia hitiu! Lengpa’n a pindan ah ei pui lût tai. Nangma ah chun lim ing kau; la hepina chu uain sâng in ka limpi zaw; a hun hepi takzet uh ahi.

VAIHAWMTE 19:3

A pawsal chun a suakpa tawh, sabiltung pani pui a kamdam tak ah vajawl kit dingin a chia tau a. A sungpa in a tun ah, a sungpa’n a la mu phât in kipak ma ma in a la lawp a.

JOHAN 12:32

Chun, keima hi lei ah kipat khaikâng a ka um tak leh, mi zosia keima lam ah huai khawm ing ka,” a tia.

JOB LEKHABU 36:16

Buaina lak ah kipat mun thawveng, khumbil umlona mun ah chun, a jawl daw la hi; la an nêkna dawkan ah chun, sathau ah dim lui piak in um ding la hi.

EZEKIEL 20:33

Ka hin sungsia, khut hat tak lâmsa’n, lungnatna leibua’n la chung un lal ah hung um ngei ngei ding ka hi, Lalpa Pathian in a tii.

MIKAH 4:10

Aw Zion chanu, numei nauvei gual in thûm in, hagial in; tu’hin, khawpi ah kipat pawtdok in, gamlak ah giak ding la hi tai; Babulon tiang in chia pek ding la hi. Zia tak ah chun la mêlmate khut ah kipat in, hukdok in um in la tin, Lalpanangma hun tandok ding ahi.

ISAI 5:5

Tu’hin, ka grep huan hi bang law ding ka hita em ti hun hil ing ka. A pal phia’ng ka tin, nêk zaw in um ta’n tin; a dâi phia’ng ka tin, tawden in hung um ta’n a.

JEREMIAH 45:4

Ziaziakchun, a kiang ah zia gual hin gen in, “Zia gual hin Lalpa‘n a gen hi: Ka sak zawsa chu pheltha’ng ka tin, ka phusa chu botdok kit ing ka, zia chu gam pumpi hi ahi.

MIKAH 1:7

A milim zosiau khet gawp hi’ntin, a sep gim man zosiau chu mei ah hâl tum hi’ntin, a milim siamteu chu manlo suak ta’n a; a nawchi zawk man a mu zosia, nawchi man ma ma’n mat zaw kit hi’n a.