HOSEA 2:13 - PATHIAN LEKHABU THIANGTHO (BSI)

¹³ Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

HOSEA 2:13 Referans Kwoze

HOSEA 13:6

Amau ka vâk lai khan a vâ un, a lungkim ma mau a; a vâ phat un a lungthim uh a hung chapo ta’n; tichun, ei hemil kit ta mai sek ui.

VAIHAWMTE 3:7

Israelte chun Lalpa mit mu ah thil phalo a bawl tau ah, Lalpa a Pathian uh hemil in, Baalte leh Asherahte chu a ho san tau a.

HOSEA 13:1

Ephraim in thu a gen phat leh midangte a kithing sek un; Israelte lak ah nasa tak ah choisân a la hiu. Tu’hin, Baal ah a kisukbuak phât un, a thi khawlaw tau hi.

HOSEA 11:2

Ka hâ ko po leh ei gamlat diak un; Baalte kiang in a kithawi zing un; milimte kiang in gimtui a lân zing nalai ui.

JEREMIAH 7:9

Gucha zing, tual that zing, zawntat zing leh zuau ah kitiam zing in, Baal kiang ah thilpiakte pia zing kawm in, la het lo uh pathian dangte ho ah zui zing kawm in,

HOSEA 9:7

Gawtna nite chu a hung tung in, thukna nite chu a hung tung tai; Israel in ko intin, “Jawlnei chu mingol ahi’n, thagau mi chule a ngol ahi tai,” ti in. La khawlona huaisia tak ziakin, la huatna le a huaisia ahi.

HOSEA 8:14

Israel in ama Siampa a hemil in, lal Inpite a sau a; Judah in khawpi kul neite a hi’pung a, ahi’n la, a khawpite chung ah mei sawl ing ka tin, a khawpi siamdette chu kâng tum in a.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

HOSEA 4:13

Tângvûmte ah chun kithoina a lân un, gangpi thing, hiangpi thing leh thingbul lîm chu a nop ziakin. Mualte chung ah chun kithoina thilpiak a lân ui. Ziaziakchun, la chanuteu in nawchi a zuak un, la moteu inle jawl a sâi zo tau hi.

HOSEA 2:7

A dawichâkte chu delzui intin, himaleh, delpha pua’n a; amau hawl intin, himaleh, mupha pua’n a. Ziaphat chuleh, “Ka pawsal masa kiang in vaikit ing ka tin, tu’sâng hin tu’ma kha kei â di’n a phazaw ngal in,” ti’n a.

HOSEA 2:5

A nuu chu a thanghuai sek a, amau vopnu chu jachâk um tak in a um tai. “Ka an leh ka tui, ka samul leh ka pat, ka sathau leh ka dawn ding ei pete, ka hepite delzui ing ka,” a ti’ngal in.

EZEKIEL 23:35

Ziaziakchun, Lalpa Pathian in: Keima ei hemil ah lei nungngatsan tâk ziakin, la thanhuaina leh la kizokna ziak ah la chung ah tung ding hi thuak in, ti’n a gen a.

EZEKIEL 22:12

Nangma ah thisan sua’na dingin golgûkna a lau ah; sum bat man ding leh a sum pung la lau a; chuleh, la Invêngte neisa lâkpiak in kihihausat la guau a; tichun, keima lei hemil tau hi, Lalpa Pathian in a tii.

EZEKIEL 16:17

Ka sana leh dangka mêlpha tak tak ka hun piakte chu, kilâk in, pawsal lim in la siam ah, ziate chu la thanghuaipi in;

JEREMIAH 23:2

Ziaziakchun, Israelte Pathian, Lalpa chun, ka mipite chung ah hotute chungchâng zia gual hin a gen hi: Ka ganchate naw jak ah, naw mang ah, ngaisaklote chu nanghaw la hiu. Tichun, la thil bawl uh phalo tak chu hun ensui ding ka hi, Lalpa‘n a tii.

JEREMIAH 18:15

Himaleh, ka mipite chun ei hemil zo tau a, kithepna’n gimtuite a lân un, lamgului, a nunchan lui un a kipal pâi tau a, lam tuangpi zui lo in, lam diklo a haw tau hi.

JEREMIAH 11:13

Aw Judah, la khawpi jat ah tam pathian la kinei un; Jerusalem ah kotzing jat ah tam in Baal ho’na ding mâichâm la siam un, ziate chu la mualphona ding uh mâichâmte chu a hiu.

JEREMIAH 2:32

Nungak in a kicheina matchâkte leh, monu’n a mo puan chu a hemil thei awm? Ka mite’n vang ni sim sên lo sung, ei hemil tau hi.

ISAI 17:10

Nang in la hukdamna Pathian la hemil ta’n, la kisêlna Suangpi chu la he’pha ta paw’ngal a; ziaziakchun, thâichi doi um tak tak te chîng malehchin le,

SAM 106:21

Pathian, amau Hukdampa leh, Aigupta gam ah thil lopi takte, a la bawlpa chu a la hemil tau a.

SAM 106:13

Ahi’n la, a thilbawlte a hemil pai un, a lemguatna a ngâk zo ta puau hi.

SAM 78:11

A thilbawlte leh a thilmak bawl, etsakte kha le a hemil tau hi.

JOB LEKHABU 8:13

Pathian helote lampite chu, zia gual chu ahi him ah; Pathian neilote kinepna chu, mangthai ding ahi.

2 LENGTE 21:3

Lengpa Ahab gual khan Baal biakna dingin mâichâm a tungding ah, dawikhuam a siam ah; van ah thil um zosia a hun biau ah, a na’teu chu a hun sêm tau ahi.

2 LENGTE 10:28

Zia gual ah chun Jehu in Israel gam ah kipat in Baal a subei tai.

2 LENGTE 1:2

Ahaziah chu a pindan chungnung ah kipat a ketha’n, a liam in a kipuk tai; tichun, thupawte a sawl ah, a kiang un, “Chiau in, Ekron pathian, Baal-zebub kiang in, zia ka liamna kipat hin ka damdok diam ti vadong un,” a tia.

1 SAMUEL 12:9

Himaleh, Lalpa a Pathian uh a hemil tau in; ziaphatchun, ama’n Hazor ah Lengpa Jabin sepai hotu Sisera khut ah te, Philistinte khut leh Moab lengpa khut ah te hin a la zuakdok ta’n; tichun, ziate chu a hun kidopi tau hi.

VAIHAWMTE 10:6

Israelte chun Lalpa doi lo gual tak in thil a bawlkhial kit tau a. Aram mite pathian Baal leh Astartes, chuleh Sidonte pathiante, Moabte pathiante, Ammonte pathiante leh Philistinte pathian haw chu a hosan tau a.

DAN LEKHABU 32:18

Nangma hun hingtu Suangpi chu, la ngaisak puau ah, nang uh hun siampa Pathian chu, la hemil tau hi.

DAN LEKHABU 6:12

Aigupta gam ah suak leh saltânna In ah kipat nanghaw hun puidokpa, Lalpa la hetmil lona ding un chingthei un.

PAWTDAWNA THU 32:34

Himaleh, tu’hin nangma chia inla, mipite hi la kiang ah ka hun hilna gam chu lua dingin vapui in; en in, ka vansawlchâk in hun pui zing ding ahi. Ahi’nla, ka gawtna hun a hung tun phat leh amau gitlona dungzui ah chun hun gawt ding ka hi,” a tia.

ISAI 65:7

amau khawlona tawh a pu leh pateu khawlo’na chu, a leng in thuk khawm ding ka hi, Lalpa‘n a tii. Mualvum tincheng ah kithawi in, tâng tin ah ei demsiau ah; a la bawlsau zosia tawh kiphu tawk in, a pheichung un têdaw piak ing ka,” ti in.

EZEKIEL 16:12

la nâk ah nâkbu, la bil ah bilba leh la luchang ah sana lukhuk ka koi hi.

JEREMIAH 7:34

Chun, Judai khawpi leh Jerusalem khawlai dung ah chun kipakna husate, limna husate, monu leh mopa husate suthip ing ka tin, gam chu a hawm ah um ta ding ahi ngal a.

KÂ LATE 1:4

Zion zotna lampite chun a sûn ui, kuama kût mang ding a chia tâk lo ziak un; a kul kotkhak zosiau a thawmhau ta’n, a thiamputeu le a thûm tau; a nungakteu a lungkham tau a, a vang uh a se ta luai.

KÂ LATE 5:14

Upate chun khawpi kotkhak a nusia tau in; tangvalte’n le a La sak uh a chawlsan zo tau hi.

AMOS 8:10

La luaithenateu chu lusûnna chansak ka tin, la La sak zosia chu, kâ La chansak ing ka tin; kawng zosia saidip puan chên sak ing ka tin, mi tin chu lukol in umsak ing ka; zia chu chapa changkhat sûnna gual leh, a tawpna tiang ah haksa hisak ing ka.