HOSEA 14:2 - PATHIAN LEKHABU THIANGTHO (BSI)

² Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.

HOSEA 14:2 Referans Kwoze

HEBRAITE 13:15

Ziaziakchun, ama ziak ah pakchat kithoina chu Pathian kiang in pia zing hitiu, zia chu ama min I puandawnau mûkte ga chu ahi.

JOB LEKHABU 7:21

Bang ding ah ka bawlkhialna ngaidam lo ah, ka khawlona le lamang lo la hem? Tu’hin vang lei lak ah ipmu ding ka hita’n, ei hawl in la tiu in la zia hin um ta pua’ng ka.

1 JOHAN 3:5

Ama chu gitlona la mang dingin a hung kilang a; chuleh, ama ah chun gitlona a um puai, ti la hiau hi.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.

2 TIMOTHI 1:9

Ama chun I thilhite dungzui hilo in, ama thiltup leh a hepina dungzui in ei hukhing in, kona thiangtho in ei ko a. Zia hepina chu khawvel kisiam ma ah, Khrista Jesu ah ei piak a hita’n;

LUKA 18:13

Sedawlpa chu vang gamla tak in a ding ah, van lam le dak ngam lo ah a awm chûm kawm kawm in, ‘Pathian, kei migilo ka hi, ka chung ah jangai in’ a tia.

JOEL 2:17

Lalpa nasêm thiampute le, mâichâm leh hulliap kikâl in kap tau hen. “Aw Lalpa, la mite hawi inla, la gochante nuizatbûk leh, namdangte gensim di’n siam kin. Bang ziak ah namdangte lak ah, ‘A Pathian uh khawi ah um a tam?’ ti ah a um ding,” ti tau hen.

2 SAMUEL 24:10

Himaleh, mipi a sim ziakin a vainung in David lungthim chu a na ta ma ma ziang a. David in Lalpa kiang in, “Ka la thilbawl ziak hin nasa tak in gilo ka hi tai. Himaleh, tu’hin, aw Lalpa, la suak gitlona hi ei lakmang piak dingin ka hun don hi; ngolhuai tak in thil ka la bawl ta’ngâl in,” a tia.

2 SAMUEL 12:13

David in Nathan kiang ah chun, “Lalpa chung in ka la gilo ta a hi,” a tia. Nathan chun David kiang in, “Tu’hin la gitlona chu Lalpa‘n a lamang tai; thi lo ding la hi.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

HEBRAITE 10:4

Bawngchalte leh kêlte thisan ah gitlona chul mang thei ahi paw ngal a.

ROMTE 11:27

Chuleh, zia hi a kiang ua ka thuthung ding chu ahi: A gitlonateu chu ka lâkman tak leh,” ti zik gual in.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

LUKA 11:13

Nanghaw migilo in bawn la chateu thilpha piakna châng la het ua leh, la pau van ah um chun adonte chu Thagau Thiangtho pena lawm lawm in ah e! a tia.

MATTHAI 7:11

Nang uh mi phalo in bawn, la chateu thilpha piakna châng la het ua leh, la Pau van ah um chun a donte chu thilpha pia zaw ma malo ding a hem?

ZEKARIAH 3:4

Vansawlchak chun a âng ah dingte kiang in, “A kithuamna puan nîn tak chu lîpthâk piak un,” a ti’n. Chuleh, a kiang in, “Ngaitia, la mawnate ka lâk mang piak ta hen, kithuamna ding puan thak hun pia ding ka hi,” a ti tai.

ISAI 6:7

Vansawlchâk chun zia meiâm chu ka mûk a hun bî ah, ka kiang in: “Tu’hin, zia meiâm hin la mûk a bî tâk ziakin, la bawlkhialna zosia lâkmang a hita’n, la gitlona le ngaidam ahi tai,” a hun ti’n.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

SAM 50:14

Pathian kiang ah kipak thu genna kithoina la’n zaw’n la; la thutiam le Chungnung Penpa kiang in mualsua ta’n.

SAM 51:16

Kithoina chung ah kipakna la nei paw’ngal a; hâlmang thillat hun pelengle pom lo ding la hi’ngal a.

SAM 51:17

Pathian pom tâk ah kithoina chu, gitlona kisîk hi ahi’n; aw Pathian, lunggil kingainiam leh, kisik ngawi ngawi hi musit pua’n la.

SAM 119:108

Aw Lalpa, ka kipakna thilpiak hi ei sân piak inla, la vaihawmnate chu ei hil in.

HOSEA 6:6

Kithoina hilo in ja’ngaina ka dawi in; hâlmang thilpiakte sâng in, Pathian hetna chu ka doi zaw ngal a.

JONAH 2:9

Ke’n vang, kipak thu gen kawm in, thutiam ka la bawlsa chu mualsua ing ka. Hukdamna chu Lalpa â ahi,” a ti tai.

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

JEREMIAH 3:12

Chia inla, mallam in zia gual hin vapuang jak in a tii: Ginumlo Israel hung kile’kit in, Lalpa‘n a tii. Ka lungnatna mêl in hun en pua’ng ka, lainatna dim ka hi’ngal a, Lalpa‘n a tii; kumkhua’n lungna ta pua’ng ka.

HOSEA 5:5

Israel chu a chapona ziakin ama thiamlo a chansak in; Ephraim chu a thulimlona’n a kipal pâi hi; Judah le amau tawh a kipal pâi khawm hi.

HOSEA 12:7

Amau chu vang, sumkawlvei mi, bûkna diklo mang ah midangte thêm sekte gual chu a hiu.