HOSEA 14:1 - PATHIAN LEKHABU THIANGTHO (BSI)

¹ Aw Israel, Lalpa la Pathian lam ah hung kile’kit ta’n; la thulimlo’na ziakin la kipal pûk ta ahi.

HOSEA 14:1 Referans Kwoze

HOSEA 6:1

“Hung un, Lalpa kiang lam ah kile’kit hitiu; ei puaitel chu ama ahiziak in, ama’n ei hi’dam ding ahi, ei vaw liam maleh ei tuam piak ding ahi.

HOSEA 12:6

Nang uh vang la Pathian lam un kile’kit unla, hepina leh vaihawmna dik tuchak unla, la Pathian uh chu ngak zing un.

JEREMIAH 4:1

Lalpa‘n a gen a: Aw Israel, la hung kile’kit ah, keima lam ah la hung kit ua, la ki’dak umnau ka mu’na kipat la lîpthâk ua, la mawk vak tâk lo ua,

HOSEA 13:9

Aw Israel, hun susia ding ka hi; kua’n hun panpi thei ding a hem?

KÂ LATE 5:16

Ka luchang ua kipat in, lallukhuk a ketha ta’n; ka gitlo tâk ziak un, ka chung uh a gik na e!

HOSEA 5:5

Israel chu a chapona ziakin ama thiamlo a chansak in; Ephraim chu a thulimlona’n a kipal pâi hi; Judah le amau tawh a kipal pâi khawm hi.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

ISAI 19:22

Lalpa‘n Aiguptate suchimit intin, a sukchimit te chu hi’dam kit in a; Lalpa lam hun nga ta’n tiu in, tichun, ama’nle a dotnau a la ngaitha’n, hi’dam in a.

EZEKIEL 33:11

A kiang un, Lalpa Pathian in kihaksial hial in, Migilo thi’na chun ka kipak puai; himaleh, migilote chun a umdan uh kiheisan uh hen la, hing leh dam in um leu ka ti ahi; hung kihei kit un, la umdan phaloteu nusia in hung kihei kit tau in; aw Israelte haw, bang ding ah thi mai ding la hiu em?

EZEKIEL 33:14

Chuleh, migilo kiang in, “Thi ngei ding la hi,” ti ah ka gensa himaleh, a gitlonau a haisan ua, a dik leh a thiang a bawl ua,

HOSEA 4:8

Ka mite gitlona chu kivâkna’n a mang un, a thulim lo’nau ah chun a huaihap ui.

HOSEA 9:7

Gawtna nite chu a hung tung in, thukna nite chu a hung tung tai; Israel in ko intin, “Jawlnei chu mingol ahi’n, thagau mi chule a ngol ahi tai,” ti in. La khawlona huaisia tak ziakin, la huatna le a huaisia ahi.

HOSEA 10:12

Dikna nang uh â dingin kituu inla, ja’ngaina ât tau in; la pâmtûl lou uh kikhet nêl tau in; Lalpa chu a hung ah, la chung ua dikna gua a zuk sak theina dingin, ama chu hawl hun ahi.

HOSEA 12:8

Ephraim in vang, “A he, ka hausa tai, hausakna ka kimudaw tai; ka chan zosia ah hin keima ah, gitlona ding sukkhialna mu in a um puai,” a ti hen.

2 LENGTE 8:12

Hazael chun, “Ka lalpa chu bangziak ah kap la hem?” a tia. Ama chun, “Israel mite chung ah la thil phalo hun bawl ding chu ka het ziakin ahi; nang in a kulpiteu chu mei in hun hâl in la tin, a tangvalteu chu chemjam ah that in, a naupangteu chu hun sât tel in, chuleh, a numei nauvop laiteu chu hun philjak ding la hi,” ti’n a dawnhu a.

EZEKIEL 16:46

La u-nu chu Samaria ahi’n, a chanute tawh nang umna mallam ah chêng ahi; chuleh, la naunu chu, la umna simlam ah um, a chanute tawh chêng Sodom chu ahi.

HOSEA 9:13

Tu’ma khan Ephraim chu mun nuam tak ah, tûm thingno kiphut gual in ka la mu’n; himaleh, tu’hin Ephraim in, a chate chu thâ gam dingin, hun puidok têi ding ahi.

AMOS 1:13

Lalpa‘n zia gual hin a gen hi: Ammonte bawsiatna pathumte ziak leh palite ziakin, a chung ua gawtna ding chu lamang pua’ng ka; a gam kêkletna ding un, Gilead ah numei nauvop lai a phildaw ziak un.