HOSEA 13:2 - PATHIAN LEKHABU THIANGTHO (BSI)

² Tu’tiang hinle thil phalo a la bawl nalai un, amau lemhiatna dungzui in dangka thîk milimte, khutthiamte khutsuak in a kisiam tau hi: “Ziate kiang ah hin kithoina thilpiakte chu lân un,” a tiu a. Bawngno lim chu mipite’n a chawp tau hi!

HOSEA 13:2 Referans Kwoze

HOSEA 2:8

Bu te, uain te, sathau te, chuleh, Baal â ding ah a mat uh, dangka leh sana sukpun piak chu, keima ka hi ti amanu’n a hepuai.

ISAI 46:6

A sakhau ua kipat in sana a sungdok a, dangka thîkte chu bûkna te’te chun; sana bawl mi a gawi un, a pathian ding uh a bawl piak un; ziate ma-âng ah chun a bokkhup un, a ho tau hi!

1 LENGTE 19:18

Ahi’n la, Israelte lak ah, Baal âng ah khiangkho kha nai lo leh, ama chawp kha nai lo sang sagi khekcha nalai ka hi,” a tia.

JEREMIAH 10:4

mipite’n dangka leh sana’n a jem un, a toilaw theilona ding in, thikkil in a kilden tau hi.

ROMTE 11:4

Himaleh, Pathian in a hun dawnhuna kha bang a hem? “Baal ma-âng ah khiangkho kha nailo, mi sangsagi ka nei nalai hi,” a ti kha.

2 TIMOTHI 3:13

Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

HOSEA 11:6

A khawpi sung un chemjam kilek intin, amau thuhil thiampute chu that gam in au; a lemguatnau ziakin val zo in au.

HOSEA 10:1

Israel chu grep gui pha tak, ga nuam ma ma gual chu ahi. A ga tam po leh mâichâm a siam tam in; a gam a masawn po leh dawikhuam a siamphau a.

HOSEA 8:6

Israel lak ah kipat in mi khutthiam khat in a siam ahi’n, Pathian khutsuak ahi puai. Samaria ah bawngno lim chu khet gawp hi’n a.

HOSEA 8:4

Keima pang lo in leng a kisiam un, ka hetlo kâl in hotute a kisiam ui. Amau siatna ding bep in a dangkau leh, sana’n milim a kisiam ui.

ISAI 46:8

Zia hi hezing unla, ngaitua un, nanghaw mi talêkte haw, zia chu gel zing un,

ISAI 45:20

Namtin lak ah a suakcha sunte haw, hungkhawm unla, hung kipung khawm in, ei hun nai tiam un! A thing milimteu paw tawl tawl ah, amau hukdok theilo pathian ho zingte chu, hetna nei lo a hiu.

ISAI 30:1

Aw naupang thukhelte haw, ka ti lo gual ah thil guanggal ah, ka lung lo lam lam ah kithukoppi ding siam ah, gitlona a thua thua ah bawlte chung chu a gik na e! Lalpa‘n a ti’n.

ISAI 1:5

Jep be hawl nalai la hem? Bang ding ah huhel nalai maw? Luchang a pum in a na hen, lungchang le a pum in a chau tai.

SAM 2:12

a keng hung chawp tau in; a chutiloleh, lungna’n tin, lam kâl ah mangthai kha’n lau; a lungnatna chu kuangjak pai ziang ahi ngal ah. Ama bêl zosia chu a hamphau hi.

2 KHANGTHU 33:23

A pa Manasseh a la kingainiam gual ah umlo in, Amon chu Lalpa âng in a kingainiam nuam pua’n; zia Amon hin vang thil a bawlsual lian zaw deu deu hi.

2 KHANGTHU 28:13

a kiang un zia gual hin a gen tau a: “Sal ah la matteu hi hun puilût kiu in, thil phalo bawl ah I gitlonau belap ding leh Lalpa chung ah I mawnau belap gaw bep la hiu hi. I bawsiatnau a huaisia tawk ma ma ta’n, Israelte chung ah thangtawmna huaisia tak a um ta’ngal in,” a tiu a.

1 SAMUEL 10:1

Samuel chun sathau bûk khat a hun ladok ah, a luchung a sunkhum ah; a chawp ah a kiang in, “Lalpa‘n a mipi Israelte chung ah vaihawm dingin a hun têl ah sathau a hun nu’ hi. Lalpa mipite chung ah vaihawm inla; chuleh, a kîmvêl ua a mêlmateu khut ah kipat hin amau la hukdaw ding ahi. Tu’hin Lalpa‘n a gochante chung ah vaihawm ding ah a hun têl ahi ti la hettheina ding ah tepte’na chu zia hi ahi:

KISIMNA LEKHABU 32:14

Chuleh, tu’hin Israelte chung ah Lalpa lungnatna belap dingin, la pateu dungsûn ah nanghaw migilo haw ma ma hi la hung piang un!

JEREMIAH 10:8

Amau haw vang a ngong un, a ngol ui; milimte zilsakna chu vang, thingbong panna bei gual ahi.

HOSEA 4:17

Ephraim chu milim tawh a kizop un, a um um in, um mai tau hen.

HOSEA 8:5

Aw Samaria, la bawngno lim chu pai thâk ahi tai. A chung un ka lung a na ma ma hi. Thil phalo bawl zing in bang chan um nalai ding la hiu em?

HOSEA 10:5

Beth-aven ah bawngnote ziakin, Samaria ah chêngte chu lau in a kithing tau hi. A mipite chun sûn intiu in; a lopinau amau ah kipat lakdaw ah a um ziakin, a milim ho’na thiampute chun amau chu kâ in’au.

HOSEA 14:3

Assuria in ei hukdam pua’n tin, a sakol chung ah chuang pua’ng kau; ka khutsuakteu kiang in, ‘Ka Pathian uh la hiu,’ ti ta pua’ng kau. Nangma ah chun nauchagate’n, ja’ngaina a mu sek ngal un,” ti in.

ISAI 44:11

En un, milim ho zosia chu hung mualpho intiu in, a siamtute chu le mihing mai mai ahi ngal un. A leng un hung khawm in, hung pang khawm maleu; hilau ah um in, a leng un mualpho tak in um ta’n au.

JEREMIAH 8:5

Bang ding ah Jerusalem ah ka mipite hi, kumtuang ah nungtol ding ah kiheimang mai a hiu em? Kithepna thu chu a tuchak un, kile’kit ding a nuam puau hi.

HOSEA 11:2

Ka hâ ko po leh ei gamlat diak un; Baalte kiang in a kithawi zing un; milimte kiang in gimtui a lân zing nalai ui.