HOSEA 13:16 - PATHIAN LEKHABU THIANGTHO (BSI)

¹⁶ Samaria chun a gitlona maw kipuak intin, a Pathian chung in a hel ta’ngal a; chemjam ah satlup hi’ntin, a chasenteu chu jeptel in um intiu in, numei nauvop laite chu phildok hi’n au.

HOSEA 13:16 Referans Kwoze

2 LENGTE 15:16

Zia nungah chun Menahem chun Tiphsah leh a sungah um zosiate chu a sawisa, Tirzah ah kipat luiphâi gam chu a bulu zui pek ah, zia chu ama â ding ah lampi a la hon piak ziak ua chutia chu a sawisak malam a hia, tichun, a gam sung ah numei nauvopte chu a phil kêk malam pek hi.

2 LENGTE 8:12

Hazael chun, “Ka lalpa chu bangziak ah kap la hem?” a tia. Ama chun, “Israel mite chung ah la thil phalo hun bawl ding chu ka het ziakin ahi; nang in a kulpiteu chu mei in hun hâl in la tin, a tangvalteu chu chemjam ah that in, a naupangteu chu hun sât tel in, chuleh, a numei nauvop laiteu chu hun philjak ding la hi,” ti’n a dawnhu a.

ISAI 13:16

A mit muu in a chasenteu khet tel hi’n tiu in, a In uh chomnâm hi’ntin, a jiteu tatsiatpi hita’n au.

AMOS 1:13

Lalpa‘n zia gual hin a gen hi: Ammonte bawsiatna pathumte ziak leh palite ziakin, a chung ua gawtna ding chu lamang pua’ng ka; a gam kêkletna ding un, Gilead ah numei nauvop lai a phildaw ziak un.

NAHUM 3:10

Chutisapi’nle mat in a um un, suak leh sal in a tâng ui; kotzing kisuktua’na tin ah chun, a nausenteu natiang, se’gawp dim dem a hiu in; a mi thupiteu chan dingin âi a sân un, a lak ua mi thupi zosia chu, thikkol ah bultuk a hitau hi.

MIKAH 6:16

Omri thuguatte leh Ahab Inkuante thilbawl chu la vop zing in, a lemguatnau chu la zui zing ngal a. Ziaziakchun, a hawm ah nutsia in hun siam ing ka tin, la sung ah chêng sunte chule mi nuizatbûk in siam ding ka hi; tichun, ka mite minsiatna chu paw ta’n la.

MIKAH 1:4

Mei lak ah khuailu gual leh, kênliang ah tui kisungbua gual in, tângte chu a nuai ah tuitha zo in, phâiguamte chule puakkek ta’n a.

AMOS 9:1

Mâichâm bul ah Lalpa ding lai ka mu’n, zia gual hin a gen a: Kotbulte kithin hial masia khuampite chu khên in; a kithing bongte chun mipite luchang khen gawp hen la; zia thibang cheng chu chemjam in that ing ka; pakhatle tai mang lo in, khat ziang le suakcha pua’n au.

AMOS 3:9

Ashdod ah kulpite kiang leh, Aigupta ah kulpite kiang in puangdok un: “Samaria tâng chung ah kikhawm unla, a sung ah bang gual buaina tung ah, a lak ua nuaisiana umte chu en tiam un” ti’n gen un.

HOSEA 11:6

A khawpi sung un chemjam kilek intin, amau thuhil thiampute chu that gam in au; a lemguatnau ziakin val zo in au.

HOSEA 10:2

A lungthim a dik pua’n; a gitlo man mu ngei in a. Lalpa‘n a mâichâmteu hi’chim intin, a kithoina suangphute chule hi’sia’n a.

HOSEA 7:14

A lunggil tak un ei ko puau a, a lupna chung ua thûm mai mai a hiu; a bu leh uain â ding ah amau kisuliam ahi zawu hi; ka chung in a hel zing ui.

ISAI 17:3

Ephraim ah kulpite chu bei ta’n tin, Damaska ah kipat lenggam le bei ta’n a; Suria mite lak ah a thibang sunte chu, Israel chate lopina tawhbang bep hita’n au,” sepai honte Lalpa chun a tii.

ISAI 8:4

zia nausen chun, “He nu” a hem, “He pa” a hem, a ti’thei masang in, Damaska hausakna leh Samaria gam gâllâk thilte chu Assuria lengpa’n chomnâm ding ahi ngâl a.

2 LENGTE 17:18

Ziaziakchun, Lalpa chu Israel chung ah chun a lung a hung na ma ma ta’n, ama mit mu ngei ah chun amau chu a hun koimang ta’n; Judah namte tilo ngal chu pakhat chale khek a nei ta puai.

2 LENGTE 17:6

Hoshea leng ahi kum kua ahi’na chun, Assuria lengpa chun Samaria chu a hun la, Israelte chu Assuria lam ah chun sal in a pui mang ah; Gozan luilian pâm ah Halah mun leh Habor mun leh Mede khawpite ah chun a umsak tai.

2 LENGTE 17:5

Ziazaw chun Assuria lengpa chun a gam zosia chu a hung bulu’ to ah, Samaria chu a hung tung in, kum thum sung chu a nuaisia tai.