HOSEA 13:13 - PATHIAN LEKHABU THIANGTHO (BSI)

¹³ Numei nauvei natna gual a chung in a hung tung a; himaleh, ama chu chapa ngol ahi. A pian hun tak in nau pianna kot lam a hun zuan ta puai.

HOSEA 13:13 Referans Kwoze

ISAI 37:3

Isai kiang in zia gual hin a vagen tau a: “Hezekiah in zia gual hin a gen hi: Tu’ni hi lungkhamna, vauna leh simmaw ah umna ni ahi; chate hung piandaw hun chu a hita’n; ahi’n la, a piansakna dingin tha leh zung a um ta puai.

ISAI 13:8

lungthuai zo ta’n au. Natna leh lungngaina’n man intin, numei naunei ding gual in, nat thuak in thûm ta’n a. Lamdangsa’n ki-entua intin uh, a mai uh zakcha’n mual ta’n a.

ISAI 26:17

Numei nauvop, a nau suak ding kuan ah na sa talua’n, kilek lumlet ah peng peng gual in, aw Lalpa, nangma ngai in ka kap ui;

SAM 48:6

a kithing gawp tau a, numei nauvei gual ah natna’n a man tai;

2 LENGTE 19:3

Amau chun a kiang in, “Hezekiah chun zia gual hin a ti ahi: Tu’hun hi lungkhamna hun chu ahi tai; vauna leh demsiatna ka tuak ahi: naupangte hung pianna ding chu a hita hen; himaleh, a piansakna ding in hatna bangmacha a um ta puai.

1 THESSALONITE 5:3

“Muanna leh bitna a um hi,” a ti lai tak un, numei nauvei gual in thakhat in manthaina a chung un hung tung intin, zia kipat chun suakcha pua’n au.

THUPILTE 22:3

Mi pilvâng chun lau umna a la mu lawk in, a kisêl mang sek a; mimawl in vang a khawni ngailo ziakin, a thok khawlaw sek hi.

2 KORINTH 6:2

Ama chun, “Hun kipak um ah ka hun ngaitha zing in, hukdamna ni’n ka hun panpi hi,” a ti ngal a. Ngai tiam un tu’ hi hun kipak um chu ahi’n, ngai tiam un tu’hi hukdamna ni chu ahi!

NASEPTE 24:25

Paul in dikna thute, kisûmna thute, vaihawmna hung tung ding thute pha tak ah a gen phatin, Felik chu a kithing hial a, “Chia kit phot in; hun lemchâng ka nei phat leh hun ko kit ing ka,” a tia.

JEREMIAH 49:24

Damaska chu a jawngkhâl ta’n, taisiat a gaw ta’n, numei nauvei gual in, dipchâkna’n a man tai; patau leh lungngaina’n a dim tai.

JEREMIAH 30:6

Dong un la en vêl ma tiam un, pawsal in nau a nei thei him him em? Numei nau nei ding gual ah, bang ding ah pawsal zosia’n a tâi uh sawn a hiu em? Bang ding ah a mêl zosiau dâng ahi tam?

JEREMIAH 22:23

Aw, Lebanon tâng sidar thing lak ah bû sia ah chêngpa, la chung ah natna a hung tun ah, numei nauvei natna gual, la chung ah a hung tun phat leh, bang gual ah thûm in la tâu ta diam!

JEREMIAH 13:21

La kithuapi ding ah la zil thiamsak te, la chung ah thunei ah a hung pan phat ua leh, bang la gen ta diam? Numei nauvei gual ah nat in, hun tuam suak talo ding a hem?

JEREMIAH 4:31

Numei naunei gual ah gim aw ka hia’n, a chatil nei ding gual ah thuakgim aw gi gual ah, Zion chanu halâ tak ah a khut van ah kiko chun, “Ka chung a gik na lawm lawm e! Ei that dingte âng ah chun ka basam tai,” ti aw chu ka he ta ahi.

ISAI 66:9

Cha piang ziang lo dingin nauha’nâ ka hun veisak ngai em? Lalpa‘n a tii. Keima, nau hun piansakpa hin, sûl chu ka khâkbit piak ah a hem? la Pathian un a tii.

ISAI 21:3

Ziaziakchun, ka kawng leh jang a na zo ta’n, numei nauvei gual in ka tai a nai; ka het theilona dingin kainiam in ka um in, ka mu theilona dingin hi’buai in ka um tai.

JOHAN 16:21

Numei chun nau a vei lai in a thuak gim sek ah, a hun tung ahi ziakin. Nau a nei zaw tak leh vang, khawvel ah mihing pakhat a hung pianbe ziak in, a lungkhamna chu a hemil zo ta sek hi.

DAN LEKHABU 32:6

Aw, mingol leh ngaituana beite haw, zia gual chun maw Lalpa la dit kit diu? Ama chu la Pau, a hun siampa leh, tungdingpa hilo maw?

HOSEA 5:4

A thilbawlteu in a Pathian kiang ah a kile’kit ding uh a phal puai. Kizawk ut tun tunna lungthim a nei ziak un, Lalpa a hepuau hi.

JOHAN 5:4

a châng châng leh zia dil ah chun Lalpa vansawlchâk pakhat a hung sek in, tui chu a hung chok sek a; zia tak chuleh bang natna nei hilehle, zia tui kichawna lak ah chawm lut masa pen pen chu a dam sek ui.)