HOSEA 13:10 - PATHIAN LEKHABU THIANGTHO (BSI)

¹⁰ Nang hun hukdok ding la lengpau chu tu’hin khoitak ah um a tam? “Lal leh vaihawm ding ei pia’n,” la ti sek, khawpi sung ah lal leh vaihawmtu chu, khoi lam tung ahi tam?

HOSEA 13:10 Referans Kwoze

HOSEA 8:4

Keima pang lo in leng a kisiam un, ka hetlo kâl in hotute a kisiam ui. Amau siatna ding bep in a dangkau leh, sana’n milim a kisiam ui.

HOSEA 10:3

Tu’hin amau in, “Lalpa I lau lo ziak un leng nei lo I hiu, lengpa chun bang ei bawl piak thei ding a hem?” ti’n au.

JOHAN 1:49

Ziaphatchun, Nathanael in a kiang in, “Rabbi, Pathian Chapa, Israelte Lengpa chu la hi!” a tia.

ZEKARIAH 14:9

Chun, leilung pumpi’n Lalpa chu leng hung hita’n a; zia hun chuleh Lalpa leh a min bep chu biak hita’n a.

HOSEA 13:4

Ahi’n la, kei chu Aigupta gam ah kipat, Lalpa la Pathian uh ka la hita’n; kei tilo Pathian dang la hepuau in; chuleh, kei ti lo hukdampa dang le a um puai, ti la hiau a.

JEREMIAH 8:19

Gam tin kiltin ah kipat ka mipi, gentheite kâ thawm chu ngai un: “Zion ah Lalpa um talo maw? A lengpa a sung ah um talo maw? Bang ding ah ei sulungna ding ah milimte kisiam ah, gam dang pathiante bia a hiu em?

JEREMIAH 2:28

Ahileh, la pathian ding ah la kisiamte kha, khoilam tung zo a hitau em? La buaina kipat hun hukdok thei a hiu chun, hung kipanleu hiding a pom. Aw Judah, la khawpi jat ah tam, pathiante la nei uh hilo maw!

ISAI 43:15

Keima Lalpa, la Mithiangtho uh, Israelte Siampa leh la Lengpau chu ka hi.

ISAI 33:22

Lalpa chu I chung ua thutanpa ahi’n, Lalpa chu I vaihawmpau ahi’n, Lalpa chu I lengpau ahi’n, ei hukhing ding ahi ngal a.

SAM 149:2

Israelte chu amau Siampa chung in kipak uh hen la; Zion chate chu a Lal pen chung un kipak tau hen!

SAM 89:18

Ka phawu hi Lalpa â ahi’n, ka lengpau hi Israel Mithiangtho â ahi.

SAM 74:12

Himaleh, Pathian chu, masanglai ah kipat ka Lal ahi’n, lei ah hukdamna a siam hi.

SAM 44:4

Nang ka Lal leh ka Pathian la hi; nang in, Jakob zaw’na thu la piai.

SAM 10:16

Lalpa chu kumtuang, kumtuang â dingin lal ahi’n; a gam ah kipat namtin mangthai ta’n au.

2 LENGTE 17:4

Ahi’n, Israelte Lengpa Hoshea chun dawha bawl in, Aigupta Lengpa So kiang in a guk in thu a thot ah; zia kipat chun Assuria Lengpa kiangah, leiman a piak sek chule a pia ta puai. Himaleh, Hoshea dawha chu a hetdaw phatin, suangkul in a khum tai.

1 LENGTE 12:20

Israelte zosia’n Jeroboam a hung kile’kit tai ti a het phat un, a kikhopnau ah a vakosak un; chuleh, Israelte zosia chung ah leng in a siam tau hi. Judah nam tilo ngal mi pakhat cha’nle David Inkuan a zui ta puau hi.

HOSEA 3:4

Israelte chu hun sawt tak leng leh lal chapa neilo in, kithoina leh dawikhuam bei ah, thiampu awmphaw leh milim pathian le nei lo ah hung um ding a hiziak un.

HOSEA 7:7

Thukkhûk gual in a sa chiat un, a vaihawmteu a ne gam ui. A lengteu zosia a puk tau a, pakhat cha’nle ei ko puau hi.

1 SAMUEL 8:7

Lalpa‘n zia gual hin Samuel kiang in a hun gen ah, “La kiang ah mipite gen zosia chu ngaitua piak mai in; nang hun doilo ahi puau in, a chung ua lal ka hi’na ei doilo ahi zawu hi.

KÂ LATE 4:20

Lalpa sathaunu’, I hinnau hu chu, a kawkhûk un a pui lût tau in; zia thu ah chun, “Ama lîm nuai in nam dang lak a, chêng ding I hiu,” I la tiu a.