HOSEA 12:6 - PATHIAN LEKHABU THIANGTHO (BSI)

⁶ Nang uh vang la Pathian lam un kile’kit unla, hepina leh vaihawmna dik tuchak unla, la Pathian uh chu ngak zing un.

HOSEA 12:6 Referans Kwoze

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

MIKAH 7:7

Ke’n vang, Lalpa lam en zing ing ka tin, ka hukdamna Pathian chu ngâk zing ing ka; ka Pathian in ei ngaitha ding ahi.

HOSEA 14:1

Aw Israel, Lalpa la Pathian lam ah hung kile’kit ta’n; la thulimlo’na ziakin la kipal pûk ta ahi.

ZEKARIAH 7:9

Sepai honte Lalpa‘n zia gual hin a gen hi: “Thudik in vaihawm unla, ja’ngaina leh lainatna’n kikhomtua chiat unla;

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.

NASEPTE 26:20

a lim ah Damaska khua umte kiang ah; zia nung ah chun, Jerusalem khua umte kiang ah leh Jentelte kiang tiang inle, gitlo haisan tak tak ah, thilpha a bawl ua, Pathian lam ah a hung kiheina ding un ka hil zaw sek ta ahi.

NASEPTE 2:38

Peter chun a kiang un, “La lung uh hei unla, Jesu Khrista min in baptisma chang leu chin, la gitlonau ngaidam hi’ntin; tichun, Thagau Thiangtho thilpiak hi chang in lau.

ZEKARIAH 8:16

Ziate hi ahi la bawl ding uh chu: Mitin thudik kigen tua chiat in, la kotbul ua thudik ah vaihawm in, kichamna ding ngen bawl unla;

ZEKARIAH 1:3

Ziaziakchun, a kiang un: Sepai honte Lalpa chun zia gual hin a gen hi: Sepai honte Lalpa‘n ka kiang lam ah hung kihei kit un, keile nang uh lam in hung kihei kit ing ka, sepai honte Lalpa‘n a tii.

ZEPHANIAH 3:8

Ziaziakchun, hiatpitu ah, ka hung din hun chu ei la ngâk un, a tii. Namte pui khawm ding leh lenggamte suktua ah, a chung ua ka lungnatna leh, lei chung zosia kât tum ding hi, ka thupukna ahi ta’ngal a.

HABAKKUK 2:3

Huntiam bîk â ding ah kilâkna bîk a um nalai in; tawpna ding thu a gen chu thawn pua’n a; vaigei ding ah a kilat chun ngâk ham ham inla, hung tung tho tho ding ahi’n, hung vaigei ta pua’n a.

AMOS 5:24

Ahi’n, vaihawmna dik tui gual in luansak unla; diktatna chu lui tui luang let gual in.

JOEL 2:13

la puan uh hilo, la lungthimteu bawtkêk un, a ti nalai hi. Lalpa la Pathian lam un hung kit un, ama chu mi lungsiat thiam leh ja’ngai thiam, lungniang leh lainatna dim leh mi gawt ziang nuam lo ahi ngal a.

HOSEA 10:12

Dikna nang uh â dingin kituu inla, ja’ngaina ât tau in; la pâmtûl lou uh kikhet nêl tau in; Lalpa chu a hung ah, la chung ua dikna gua a zuk sak theina dingin, ama chu hawl hun ahi.

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

JEREMIAH 22:15

Sidar thing In la kisak ziak ah, leng hi mai ding la hem? La pa khan ne leh dawn ah, dik tak ah vaihawm hilo a hem? Zia chu ama â dingin a pha ahi.

ISAI 58:6

Anngawl dan ka doidan chu zia gual hi ahi: Diktatlo’na khauhual thap thâk a, ngawngkol puak lâk thâk ah, nuaisia ah umte zalensak ah, ngawngkol zosia khetbot hi ahi.

ISAI 40:31

himaleh, Lalpa ngâkte chu, a hatnau sukthak piak ah um in, mupi gual in a tha un leng sâng intiu in, tai intiu in, maleh, chawl pua’n au; lam zawt zawt maleu le basam diak pua’n au.

ISAI 31:6

Aw Israel mipite haw, nasa tak in ama a la do ta maleu chin, a kiang lam ah hung kile’kit mai tau in.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 8:17

Jakob Inkuante mulo ding ah kisêl mang Lalpa chu ngâk ing ka tin, ama ah chun kinem zing ing ka.

ISAI 1:16

Kisil unla, kisil thiang un; ka mit mu ah kipat la thil phalo bawl uh lamang un; thil phalo bawl hâi unla,

THUPILTE 21:3

Dikna leh thutakna chu, Lalpa‘n kithoina sâng in pom tâk a sa zawi.

THUPILTE 1:23

Ka hilna thu hi ngaisak un; ka lungthim la lak un hun gendok ing ka tin, ka thute chu hun hiatsak ing ka.

SAM 123:2

Suakte mit in a pu khut a et zing gual leh, suaknu mit in a pi khut a et zing gual in, zia gual chun, I Pathian ja’ngaina, I chung ua a hung tun masangsia, I mit un Lalpa chu I en zing uh ahi.

SAM 37:7

Lalpa âng ah thipbek in um inla, ama ngâk ham ham in; thil phalo a matchâk ziak ah, vangphatna changte ziakin, nang leh nang kisulungngai kin.

SAM 27:14

Lalpa chu ngâk zing in; kisuhat inla, la lungthim chu kihânsak ta hen; ahi, Lalpa chu ngâk zing in!

THILSIAM THU 49:18

Aw Lalpa, la hukdamna chu ka ngâk zing hi.

EZEKIEL 18:30

Ziaziakchun, Aw Israel Inkuante haw, la umdan dungzui chiat un mi tin chung ah vaihawm ding ka hi, Lalpa Pathian in a tii. Sim unla, la hi’khelnau zosia haisan tau in; achutiloleh, nunsiatna chu la manthâinau hung hi kha’n a.

JOEL 2:12

Ahi’n la, tu’hin le Lalpa‘n, la lungthim zosiau in anngawl ah, kap leh lusûn kawm in ka kiangah, hung kihei kit un;

PAWTDAWNA THU 3:15

Pathian in Mosi kiang in: “Israel mipite kiang in zia gual hin gen in: JEHOVAH la pu, la pateu Abraham Pathian, Isak Pathian leh Jakob Pathian chun la kiang un ei sawl ka hi. Zia hi kumtuang ah ka min chu ahi’n; zia gual ah hin khang zosia tiang ah hetzing ah um ding ka hi.

AMOS 4:13

Ngai in, tângte hun siam ah, huite siam ah, mihingte kiang ah a ngaituanate hiatsak ah, jingkal chu khawthim suaksak a, lei munsângte chuanden pa, a min Lalpa, sepai honte Pathian chu ahi ngal a!