HOSEA 12:11 - PATHIAN LEKHABU THIANGTHO (BSI)

¹¹ Gilead ah thudiklo’na a um ah, bangmalo mai hung suak têi ding a hiu. Gilead ah chun bawngchalte’n a kithawi un, tichun, a mâichâmteu chu jawtlam chung ah, suang kisia khawm gual in hung um in a.

HOSEA 12:11 Referans Kwoze

HOSEA 8:11

Ephraim in gitlo thoina ding ah mâichâm a sukpun po leh, gitlona ding mâichâm bep a hung hitau hi.

HOSEA 6:8

Gilead chu thil phalo bawlte khawpi, thisan ah sukbuak ahi.

HOSEA 4:15

Aw Israel, nawchi zuak tama lechin, Judah vang thiamlo chang ki’hen. Gilgal ah lut kin la, Beth-aven ah le chia to kin, “Lalpa a hin nâk leh,” ti’n kihaksial diak kin.

HOSEA 9:15

A gitlonau zosia kipatna chu Gilgal ahi’n; zia kipat khan ka hua ahi. A thilbawl uh sual tak ziakin, ka In ah kipat in deldok ding ka hi. Hepi ta pua’ng ka; a milianteu zosia chu helmang ahi ngâl un.

HOSEA 10:1

Israel chu grep gui pha tak, ga nuam ma ma gual chu ahi. A ga tam po leh mâichâm a siam tam in; a gam a masawn po leh dawikhuam a siamphau a.

JONAH 2:8

Milim manthei lo ho te chun, a ginumnau a kilepsan zo tau hi.

AMOS 5:5

himaleh, Bethel hawl kiu inla, Gilgal ah lût kiu inla; Beer-sheba ah le gâl kâi kiu in; Gilgal chu matheilo in gam dang ah jam mang ding ahi’n, Bethel chu bangmalo hung hi’n a.

AMOS 4:4

Bethel ah hung un la bawtsiau in, Gilgal ah hung unla, bawsiatna supung un; jingkal si’n in la kithoinau hun chawi unla, ni thum dan leh la sawm ah khatteu hun chawi khawm unla;

JEREMIAH 10:15

Mi thepna ding mai ah kibawl, bangmalo mai mai a hiu ah; gawt ahi’phat uh leh mangthai ta’n au.

JEREMIAH 10:8

Amau haw vang a ngong un, a ngol ui; milimte zilsakna chu vang, thingbong panna bei gual ahi.

JEREMIAH 2:28

Ahileh, la pathian ding ah la kisiamte kha, khoilam tung zo a hitau em? La buaina kipat hun hukdok thei a hiu chun, hung kipanleu hiding a pom. Aw Judah, la khawpi jat ah tam, pathiante la nei uh hilo maw!

JEREMIAH 2:20

Hun sawt tak ah kipat khan, la ngawngkol thiakbong in, la kolbu le la khen bong ah, “La na sêm ta pua’ng ka,” la ti hen. Ahi’n la, tâng sâng chung tin leh, thinglîm tincheng ah chun, nawchizuak in la kiphâ tai.

1 LENGTE 17:1

Tu’hin, Tishbi mi Elijah, Gilead gam ah Tishbe khua um chun, Ahab kiang in, “A âng ah ka dinna pa, Lalpa, Israelte Pathian a hin gual in, ka thu lo in, zia kumte ah hin gua leh daitui him him ke lo ding ahi,” a tia.

HOSEA 10:2

A lungthim a dik pua’n; a gitlo man mu ngei in a. Lalpa‘n a mâichâmteu hi’chim intin, a kithoina suangphute chule hi’sia’n a.

KISIMNA LEKHABU 12:6

A kiang un, “Ka thu hi ngai un: La lak ua jawlneite a um lai un, kei Lalpa hi a kiang un kilâkna’n ka vakilâk in; manglam in a kiang un thu ka gen sek a.

2 LENGTE 17:13

Lalpa chun, Israel leh Judah chung thu ah chun, jawlnei zosia leh thil mu lawk theite zosia chu mang in, “La umchan phaloteu chu kiheisan un la, la kiang ua ka hun sawl, ka suak jawlneite leh la pu la pateu kiang ah thu ka la piakte zosia dungzui in, ka dan siamte hi pha tak in hun zui tau in,” ti’n a hil zing tho hi.

EZEKIEL 17:2

Aw mihing, hetmaw ding phuak inla, Israelte kiang in tekhinthu’n gen in.