HOSEA 12:10 - PATHIAN LEKHABU THIANGTHO (BSI)

¹⁰ Jawlneite kiang in ka la gen tai; kilâkna supung kei ka hi. Jawlneite mangcha’n la chung ua siatna tunsak ding ka hi.

HOSEA 12:10 Referans Kwoze

2 LENGTE 17:13

Lalpa chun, Israel leh Judah chung thu ah chun, jawlnei zosia leh thil mu lawk theite zosia chu mang in, “La umchan phaloteu chu kiheisan un la, la kiang ua ka hun sawl, ka suak jawlneite leh la pu la pateu kiang ah thu ka la piakte zosia dungzui in, ka dan siamte hi pha tak in hun zui tau in,” ti’n a hil zing tho hi.

EZEKIEL 20:49

Ziaphatchun, “Katei Lalpa Pathian! Mi zosia’n kei hi, ‘Hetmaw thu phuakpa hilo a hem,’ ei ti kha’n au,” ti’n ka dawnhu tai.

JOEL 2:28

Ziazaw nung ah chun, mi zosia chung in ka thagau buntha’ng ka tin; la chapateu leh la chanuteu in hillawk intiu in; la têkseteu in mang in mat intiu in, la tangvalteu in kilâkna mu’n au.

JEREMIAH 19:1

Zia gual hin Lalpa‘n a hun gen ah: Chia inla, lei bêl pakhat va chawn. Mipite lak ah upa khenkhat tawh, thiampute lak ah mi kumlui deu khenkhat le pui inla;

JEREMIAH 7:25

Aigupta gam ah kipat la pu leh pateu ka la puidaw ah kipat tu’ni tiang hin, ka suak jawlneite zosia kha nisi’n in la kiang un ka hun sawl a;

2 KORINTH 12:7

Ahi’n, hiatsaknate chu a nasat ma ma ziakin ka kingaisân tâkluat lona dingin, ka taksa ah hin ling ei pia ahi; Setan sawlchâk, khutthak noina ei mang dingpa chu ka zawtheina ding in; chutiloleh kingaisâng talua kha’ng ka.

2 KORINTH 12:1

A phatchuamna ding umlo maleh, suang him him ding ka hi; Lalpa kiang ah kipat kilâkna leh hiatsakna thu hun gen nalai ing ka.

NASEPTE 2:17

Pathian in, ni nunung lam leh, mizosia chung in ka Thagau buntha’ng ka tin; chutichun, la chapateu leh la chanuteu in thu gen intiu in; la tangvalteu in kilâknate mu’n tiu in, la têkseteu chun mang in mat in au.

AMOS 7:14

Ziaphatchun, Amos in Amaziah dawnhu in, a kiang in, “Jawlnei ka hipua’n, jawlnei chapa le ka hi diak puai; himaleh, kei chu gan-gual chingpa leh theipi kung enkol bep ka hi hen;

HOSEA 3:1

Lalpa‘n ka kiang in, “Chia inla, Israel mite’n pathian dang kiang lam ah ei kiheisan in, grep ho vaithumte ngaina ziang maleu, Lalpa‘n amau a hepi tei tei gual in, jawlsai leh ângkawm lai numei pakhat vahepi in,” a ti kit a.

JEREMIAH 25:4

Lalpa‘n a suak jawlnei zosiate kha gunchu tak in hun sawl zing maleh, la limsak nuam puau a, la nakhang uh le la daw nuam puau hi.

JEREMIAH 19:10

Chun, a hun kitonpite mu’na’n lei bêl chu khen phel inla,

NEHEMIAH 9:30

Kum tam tak a chung un la dawthei ah, la jawlneite mang in la thagau chun la vauhil zing ah; himaleh, a ngaitha nuam diak puau hi. Ziaziakchun, a gam ah mite khut in la la pedok ta ahi.

1 LENGTE 19:10

Ama chun a dawnhu a, “Lalpa, sepai honte Pathian â dingin phatchuam ka la ngai ma ma in; Israel chate’n la thuthung a nusia tau ah, la mâichâmte a suchim ua, la jawlneite le chemjam in a that tau hi. Kei bep hi ka um ta’n; chuleh, ka hinna hi lakmang dingin a hawl nalai ui,” a tia.

1 LENGTE 17:1

Tu’hin, Tishbi mi Elijah, Gilead gam ah Tishbe khua um chun, Ahab kiang in, “A âng ah ka dinna pa, Lalpa, Israelte Pathian a hin gual in, ka thu lo in, zia kumte ah hin gua leh daitui him him ke lo ding ahi,” a tia.

1 LENGTE 13:1

Jeroboam chu mâichâm kiang ah gimtui lân ding ah a din lai tak in, Judai gam ah kipat in Pathian mi pakhat, Bethel ah Lalpa‘n a hun sawl a,

KISIMNA LEKHABU 12:6

A kiang un, “Ka thu hi ngai un: La lak ua jawlneite a um lai un, kei Lalpa hi a kiang un kilâkna’n ka vakilâk in; manglam in a kiang un thu ka gen sek a.

EZEKIEL 17:2

Aw mihing, hetmaw ding phuak inla, Israelte kiang in tekhinthu’n gen in.

PAWTDAWNA THU 20:2

Keima hi Lalpa la Pathian uh, Aigupta gam ah la saltânnau In ah kipat hun puidokpa chu ka hi.

THIAMPUTE LEKHABU 23:42

Bawk In ah ni sagi vachêng in la tiu in, Israel mi ah piang zosia bawk In ah a chên ding uh ahi;

HOSEA 13:4

Ahi’n la, kei chu Aigupta gam ah kipat, Lalpa la Pathian uh ka la hita’n; kei tilo Pathian dang la hepuau in; chuleh, kei ti lo hukdampa dang le a um puai, ti la hiau a.