HOSEA 11:6 - PATHIAN LEKHABU THIANGTHO (BSI)

⁶ A khawpi sung un chemjam kilek intin, amau thuhil thiampute chu that gam in au; a lemguatnau ziakin val zo in au.

HOSEA 11:6 Referans Kwoze

HOSEA 13:16

Samaria chun a gitlona maw kipuak intin, a Pathian chung in a hel ta’ngal a; chemjam ah satlup hi’ntin, a chasenteu chu jeptel in um intiu in, numei nauvop laite chu phildok hi’n au.

HOSEA 10:14

Ziaziakchun, la mipite do-na ding ah, kido’na thawmgi hung um intin; chuleh, Shalman in kido ni ah Beth-arbel a suksiat ah, nute chu a chateu tawh khet gawp a hilai gual uh khan, la kulpiu zosia suksiat hita’n a.

HOSEA 10:6

A milim ho uh chu Assuria gam lam ah, leng lopi tak golgûkna ding ah puak tung hi’n a. Ephraim chu mualpho tak ah koi hi’ntin, Israel in a milimte chu mualphopi ta’n a.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MIKAH 5:11

chuleh, la gam ah la khawpiteu chu sumangthai ing ka tin, la kulpi det zosiau chule suchim ta’ng ka tin;

EZEKIEL 20:47

Negeb gammâng kiang in, Lalpa thugen hi ngai un: Lalpa Pathian in zia gual hin a gen hi: La lak un mei hun sêm ing ka tin, zia mei chun la lak ua thinghing hi’n, a keu hileh kâng tum in ah; zia meikuang chu mit pua’n tin, simlam ah kipat mallam tiang ah mite maichang zosia kâng ta’n a.

JEREMIAH 5:17

La louma suak leh bute hun nêk zaw piak intiu in, la chanuteu leh la chapateu hun nêk zaw piak in au; la belam hon leh bawng honteu hun nêk zaw piak in, la grep leh theichang gateu le hun nêk zaw piak in au. Chuleh, la kisuanpi ma mau khawpi kul det tak neite chule, a chemjam un hun hisia’n au.

ISAI 30:1

Aw naupang thukhelte haw, ka ti lo gual ah thil guanggal ah, ka lung lo lam lam ah kithukoppi ding siam ah, gitlona a thua thua ah bawlte chung chu a gik na e! Lalpa‘n a ti’n.

ISAI 27:10

Kulbâng ah ki-ûm khawpi chu, nutsia in um intin, chênna munte chu nutsia leh jamsan ah um in, gamthip chang ta’n a. Zia chun bawng no ta hiat hiat ta’n tin, a nop a ning ah kual in, a dua selthakte chu ne gam ta’n au.

ISAI 18:5

Grep ga law masang ah, a pâk a pul nung ah, a pâkte chu grep ga min a hung suak tau a; a selthakte chu chemkon in hâthiang intin; a bâkjamte chu sâttha’n a.

ISAI 9:14

Ziaziakchun, Lalpa chun Israelte chu, a luchang tawh a mei sât khen intin; ni khat sung in tûm bâk leh, luangkang hun sâttha sik sek in a;

SAM 106:43

Tam veipi amau a hukdok ah, himaleh, a lemguat dungzui un, a chung in a kiphin tei tei nalai ui, a dukdak lonau ziakin sawt niam in a um tau hi.

SAM 106:39

Tichun, amau thilbawl ah chun sukbuak in a um zo tau a; amau thilbawl ma ma ah chun a thanghuai gam tau hi.

DAN LEKHABU 32:25

Kotzing ah chemjam in, pindan sung ah dipdap na’n; nungak leh tangval, nawichep lai leh samkângtate, kibang tak in tun khum ta’n a.

DAN LEKHABU 28:52

La kisuanpi la kulbâng sâng tak tak teu leh, la chênna khawpiteu zosia a chip suak masangsia, ûm chimit in au; Lalpa la Pathian un a hun piakna gam ah chun la chênnau khawpi zosia chu hun ûm suak ta’n au.

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.

THIAMPUTE LEKHABU 26:31

La khawpiteu giauchang in siam ing ka tin, la mun thiangteu le mun thip chansak ing ka tin, la gimtuiteu le a la hîp ta pua’ng ka.

JEREMIAH 50:35

Kaldai leh Babulon ah chêngte leh, a milian leh lalteu leh a mipite do dingin, chemjam a um hi, Lalpa‘n a tii!

KÂ LATE 2:9

A kotpite chu lei tual in a tum ta’n; a thikjawlte chu a hisia’n, a hibong zo tai; a lal leh a milianteu chu, nam dangte lak in a um zo tau; kipuihuaina a um ta pua’n, a jawlneiteu in Lalpa ah kipat, kilâkna a mu ta puau hi.

HOSEA 4:16

Bawnglâ lochal gual in Israel chu a lu’lul hi; Hampa hing tamna mun ah belam pakhat um gual in, Lalpa‘n amau chu tu’hin a vâk theina diam?

HOSEA 4:17

Ephraim chu milim tawh a kizop un, a um um in, um mai tau hen.

AMOS 6:8

Lalpa Pathian chu ama min ah kihaksial in, (Sepai honte Pathian, Lalpa chun a ti ta ahi:) Jakob kisaktheina chu ka ki’dak in, a kulpite chule ka hua ahi; a khawpi leh a sung ah um zosia chu pedok ding ka hi.

THIAMPUTE LEKHABU 26:25

Ka thuthung phuba lâkna dingin, la chung un chemjam hun lênsak ing ka tin: La khawpi sung ua bitna hawl ah la taikhawm phat ua leh le, la lak un hipi hun lênsak ing ka tin: Chuleh, la mêlmateu khut ah piak in um ding la hiu.