HOSEA 11:4 - PATHIAN LEKHABU THIANGTHO (BSI)

⁴ Mihingte lainatna khau hual leh hepina khau lom in amau ka pui ah, nausen a biang chawp piak ding ah vak domsângte gual chu ka hi. Amau bânpha’n ka kûn suk ah, a nêk ding uh ka piai.

HOSEA 11:4 Referans Kwoze

JOHAN 12:32

Chun, keima hi lei ah kipat khaikâng a ka um tak leh, mi zosia keima lam ah huai khawm ing ka,” a tia.

THIAMPUTE LEKHABU 26:13

Keima hi Lalpa la Pathian uh, a suak ua um kit talo ding ah Aigupta gam ah kipat hun puidokpa chu ka hi: la ngawngkolteu hi’bong ah, jang tak ah hun chiasak pa chu ka hi.

2 KORINTH 5:14

Khrista hepina chun ei sawl him him hi; mi zosia sik ah mi pakhat a thi tâk ziakin, mi zosia a thi tau hi, ka tiu ahi.

HOSEA 2:8

Bu te, uain te, sathau te, chuleh, Baal â ding ah a mat uh, dangka leh sana sukpun piak chu, keima ka hi ti amanu’n a hepuai.

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

SOLOMON LÂ 1:4

Ei pui in, kin tak in chia hitiu! Lengpa’n a pindan ah ei pui lût tai. Nangma ah chun lim ing kau; la hepina chu uain sâng in ka limpi zaw; a hun hepi takzet uh ahi.

SAM 105:40

A don un, tichun, vavêng a pia’n, van ah kipat an niang leh tai in a piai.

2 SAMUEL 7:14

Ama â dingin a pa hi’ng ka tin, ama chu ka chapa hita’n a. Thil a hi’khial phat leh vang chu, mihingte’n mol a mat gual un, mihingte ma ma mol ah mang in gawt ding ka hi.

PAWTDAWNA THU 16:32

Tichun, Mosi’n, “Zia hi Lalpa’n thu ei piak chu ahi: La khang khang ua um dingin Omer te’na dim khat lau inla, Aigupta gam ah kipat ka hun puidaw lai ah, gamthip ah ka hun vâkna vaithum chu la mu zing theina ding un koitup un, a tii,” a tia.

DAN LEKHABU 32:12

Lalpa bep in amau a pui ah, gam dang pathian a lak un a um puai.

DAN LEKHABU 32:14

bawng hon lak ah bawngnawi khalte belam leh, kêlcha lak ah a nawituiteu leh, belamno leh belamchal thaute, Bashan ah bawngchal leh, kelchate gehu bu pha pen pente leh, greptui san uain pha pente la dawn ui.