HOSEA 11:11 - PATHIAN LEKHABU THIANGTHO (BSI)

¹¹ Aigupta gam ah kipat vacha gual ah kithing kawmah hung in, Assuria gam ah kipat in vakhu gual in hung in au; amau In chiat un pui kit ing ka, Lalpa chun a tii.

HOSEA 11:11 Referans Kwoze

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 60:8

Zia tak ah sûmpi gual leh, a tukvan ua vakhu gual ah, hung lenglutte haw saw kuate a hiu em?

ZEKARIAH 10:10

Aigupta gam ah kipat in a In lam uh, pui tung kit ing ka tin, Assuria gam ah kipat in pui khawm ing ka; Gilead gam leh Lebanon munte’n, a dawl lo ding khop un hun pui khawm ding ka hi.

HOSEA 7:11

Ephraim chu vakhu lung mawl, hetna nei lo gual chu ahi; Aiguptate a ko un, Assuria lam in a chiau hi.

OBADIAH 1:17

Himaleh, Zion tâng ah chun, a suakchate chu um intiu in, a thiangtho hita’n au; Jakob Inkuante chun, amau a la chomgamte ma ma chu, hun chom gam ta’n au.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

EZEKIEL 37:25

La pu leh pateu a la chênnau, ka suak Jakob kiang ah ka piakna gam ah chun chêng intiu in; a kum a khua’n amau leh a tu leh a chateu tiang in chêngden ta’n au; chuleh, ka suak David chu kumtuang in a lal uh hita’n a.

EZEKIEL 37:21

a kiang un, Lalpa Pathian in zia gual hin a gen hi: A la chiamangnau namtin lak ah kipat in, Israel mipite chu puidok ing ka tin, mun tin ah kipat pui khawm ing ka tin, a gam un pui tung ing ka.

JEREMIAH 31:12

Zion tângvûm ah hung in, Lâ ngai tak in hung sa ta’n au; a chung ua Lalpa a phatna ziak leh, bu leh uain leh sathau ah te, bawngnote leh belamnote ziakin, a mai uh tai ma ma ta’n a; a hinnau chu tui in a chapno zing, huan tawhbang hi’ntin, thavai tak in um ta pua’n au.

EZEKIEL 34:27

Gamlak ah thingte’n a gau sua intiu in, lei inle a gau sua ta’n au. A gam un bit tak in um intiu in; tichun, a saltânnau ngawngkol ka khetbot piak ah, amau sal ah mante khut ah kipat ka hukdaw phat leh, Keima hi Lalpa ka hi ti hun he ta’n au.

EZEKIEL 34:28

Nam tinte suam dingin um kit ta pua’n tiu in, gamlak ah sa te’nle ne kit ta pua’n au; bit tak in chêng muang ta’n tiu in, kuama’n hi’lau ta pua’n au.

ZEKARIAH 8:7

Sepai honte Lalpa‘n zia gual hin a gen hi: Ka mite chu sualam gam ah kipat leh, tumlam gam ah kipat in hun hukdok ing ka tin;

ZEKARIAH 8:8

Jerusalem ah chêng dingin hun pui khawm ing ka. Ginumna leh dikna ziakin amau chu ka mite hita’n tin uh, keima le a Pathian uh hi ta’ng ka.