HOSEA 11:10 - PATHIAN LEKHABU THIANGTHO (BSI)

¹⁰ Sakeibaknei gual ah kitum Lalpa chu hun zui ta’n au; a hung kitum phat leh a chate chu, tumlam ah kipat in lau ah kithing kawm in hung in au.

HOSEA 11:10 Referans Kwoze

AMOS 1:2

Amos in: “Zion tâng ah kipat in Lalpa a kitum ah, Jerusalem ah kipat in a aw a sua hi; Belam chingte gan tatna hambuk a vuai in, Karmel tângvûm chu a keugawp tai,” a tii.

JOEL 3:16

Zion ah kipat in Lalpa a kiko ah, Jerusalem ah kipat in aw a sua hi; tichun, lei leh vante chu a kilîng ui. Himaleh, Lalpa chu a mite â ding ah kisêlna ahi’n, Israel mipite â ding ah kulpi sâng ahi.

ISAI 31:4

Lalpa‘n zia gual hin ka kiang in a gen ngal a: Sakeibaknei, sakeibaknei vanglai in, a samat chung ah a kitum lai tak in, belamchingte chu a naw dingin a hon ah hung in, bang gual husa nei maleu, a lau diak lo gual un, Zion tâng leh a mual chung ah, sepai honte Lalpa chu, hung kuan suk ding ahi.

JEREMIAH 25:30

Ziaziakchun, nang Jeremiah in amau dodâlna thu zia zosia hi a kiang un, zia gual hin la vagen ding ahi: Lalpa chu chung lam ah kipat in a hung kiko in, a umna thiangtho ah kipat in a aw a hun sua hi; lei chung ah chêngte zosia do dingin, kul sung ah mite do in ngai tak in hung kiko intin, grep sûk ah kikote gual in kiko in a.

JEREMIAH 31:9

Kap kawm in hung kit intiu in, thamuan kawm pek in hun pui kit ding ka hi. Luicha tui luanna munte hawsak ing ka tin, kisui lo in lamzang tak in chia in au; Israelte â ding ah pa ka hung hi’n, Ephraim hi ka cha upa pen ahi tak ziakin, ti in.

ISAI 64:2

mei in munphi thing a kat kuang puat puat ah, tui a chiaksak bul bul gual ah, la ma-âng ah mualte a kithin theina ding un, vante botthêk in hung kum suk mai lechin aw!

2 PETER 2:10

Taksa nopna buak zui leh vaihawmna simmawte chu koidan a he diak hi. Ngolhân leh chapo a hiu a, vansawlchâkte a gensiat unle a kithing puau hi.

ROMTE 8:1

Chutichun, tu’hin chu Khrista Jesu ah umte â ding ah chun, thiamlo channa him him a um ta puai.

NASEPTE 24:25

Paul in dikna thute, kisûmna thute, vaihawmna hung tung ding thute pha tak ah a gen phatin, Felik chu a kithing hial a, “Chia kit phot in; hun lemchâng ka nei phat leh hun ko kit ing ka,” a tia.

JOHAN 8:12

Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

ZEKARIAH 10:12

Lalpa ah chun hi’hat ing ka tin; tichun, ama min ziak ah chun chia tawl tawl ta’n au, Lalpa‘n a tii.

ZEKARIAH 8:7

Sepai honte Lalpa‘n zia gual hin a gen hi: Ka mite chu sualam gam ah kipat leh, tumlam gam ah kipat in hun hukdok ing ka tin;

HABAKKUK 3:16

Ka het phât in ka sunggil a kithing ah; a git chun ka mûknote lau in a kithinsak hi. Ka gusung un muatna a lut in, ka nuai ah ka kalsuante a kilîng hi. Kei uh ei do’te chung ah siatna nikhua hung tung ding chu; thipbek in ka ngâk ta mai ahi.

MIKAH 4:5

Chitinte’n amau pathian chiat zui ta ding ahi ngal un; ei hawn vang, Lalpa, I Pathian min un, kumtuang kumtuang in zui tai tiu.

AMOS 3:8

Sakeibaknei kitum lau lo kua a hem um ding? Lalpa Pathian in a gen ta’n, kua a hem îm thei ding?

AMOS 3:4

Gammâng ah sakeibaknei in mat ding nei lo in, bangti’n kitum ding a hem? Bangma that lo in sakeibaknei vanglai a kul sung in, a mawk ngîk ngai em?

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

JEREMIAH 7:9

Gucha zing, tual that zing, zawntat zing leh zuau ah kitiam zing in, Baal kiang ah thilpiakte pia zing kawm in, la het lo uh pathian dangte ho ah zui zing kawm in,

JEREMIAH 7:6

la lak ua gam dang mite, nauchagate leh meithâite la nuaisia lo ua, zia mun ah hin mawna neilote thisan la sua lo ua, nanghaw kisukliamna ding bep ah pathian dangte la zui lo uh chun,

JEREMIAH 5:22

Lalpa chun, Ei lau lo la hiu em, ka âng ah kithing lo maw la hiu, tuisuagiat â ding ah gamgi, kumtuang ah a luandaw lo’na ding, bang gual in kinawk vêl maleh, a letdaw lo’na ding, bang gual ah thawm ngai in husa nei maleh, a chopkhûp theilo ding ah, piaunêl ah a dai ding uh ka kai piak hi.

JEREMIAH 2:2

“Chia inla, Jerusalem ah chêngte het dingin vagen inla, Lalpa‘n zia gual hin a gen hi vati’n: La khangdawn lai ah la ginum dante, mothak gual ah lei ngai dante leh, gamthip ah bangma kichînlo’na gam ah le ginum tak ah ka nung lei zui dan kha ka hezing hi.

ISAI 49:10

A gil uh kial ta pua’n tin, a dang uh le châk ta pua’n a; hui lum tak leh nisapi’n kâng pua’n tin, amau lainatpa chun pui intin, luipi luang geijul ah kaibât ta’n a.

ISAI 42:13

Sepai hangsan tak gual in Lalpa chu a kipan in, gâldo ah kuan gual in a kihântaw hi; a kiko in, ngai tak in a kiko hi, a hat dan a gâlte chung in a etsak tai.

ISAI 2:5

Aw Jakob Inkuan ah mite haw, hung unla, Lalpa vâk ah hin leng dial dial tai tiu!

SAM 119:120

Ka taksa hi nangma lau in a kithing in, la vaihawmnate chu ka lau hi.

SAM 2:11

Lau kawm in Lalpa na sêm unla, kithing kawm in,

JOB LEKHABU 37:1

Zia thu hinle ka lungthim a kithing ah, a umna mun in a phuzok zok hi.

THUPUAN 10:3

Sakeibaknei kitom gual in aw ngai tak in a kiko ah; a kiko zaw in van-gi sagite chun a awu a sua tau a.

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

EZEKIEL 26:16

Ziaphat chuleh, tuisuagiat pang ah lal zosia’n a lalchutphau nusia’n, a lalpuanteu leh puanjem hoi takte liptha’n, lau ah kithing in lei tual ah kitung ta’n au; kithing den intiu in, mak hun sa’n au.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

JEREMIAH 50:4

Zia hun lai ah chun, Israelte leh Judate chu hung khawm in tiu in, Lalpa a Pathian uh chu kap kawm kawm in hun hawl in au, Lalpa‘n a tii.

ZEKARIAH 10:10

Aigupta gam ah kipat in a In lam uh, pui tung kit ing ka tin, Assuria gam ah kipat in pui khawm ing ka; Gilead gam leh Lebanon munte’n, a dawl lo ding khop un hun pui khawm ding ka hi.