HOSEA 10:12 - PATHIAN LEKHABU THIANGTHO (BSI)

¹² Dikna nang uh â dingin kituu inla, ja’ngaina ât tau in; la pâmtûl lou uh kikhet nêl tau in; Lalpa chu a hung ah, la chung ua dikna gua a zuk sak theina dingin, ama chu hawl hun ahi.

HOSEA 10:12 Referans Kwoze

JAKOB 3:18

Dikna ga luak chu chamna tu’ ahi’n, zia chun chamna a siam hi.

ISAI 45:8

Aw vante haw, chung lam ah kipat in hung zu tau in, van dumte chunle dikna hun zuksak tau in; lei hung kihong hen la, hukdamna chu hung pawtdok ta hen; chuleh, dikna chule hun kêdaw sak ta hen; Keima Lalpa hin ka la siam ahi.

THUPILTE 11:18

Mi nunsia’n lawkna dik mu pua’n tin, ahi’n, dikna chî tute chun kipakman dik tak chu mu’n au.

ISAI 55:6

Mu bailam ah a um lai in Lalpa chu hawl unla, a nai lai hin ko un;

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

THUGENTU 11:6

Jingkal in la thâichi tû inla, nitâk lam tiang inle la khut thada diak ki’hen; a khoi pen hin ga sua ding ah, a khoi pen hi hût ding ti leh a paniu ah pha gêl ding a hiu em ti la hepaw ngal in.

SAM 105:4

Lalpa leh a hâtna hawl unla, a mêl hawl zing tau in.

LUKA 13:24

“Kotkhak neu ah chun lut ham ham un; ka hil la hiu, mi tam tak in lutna ding hun hawl intiu in, himaleh, lut thei pua’n au.

AMOS 5:15

Gitlona huau inla, phatna ngaina tau in; kul kotbul ah vaihawmna dik din tau in; Joseph Inkuan a um nalai sunte chung ah Lalpa, sepai honte Pathian chun lungsiatna a hun nei khâk leh.

AMOS 5:6

Lalpa chu hawl unla, hing tau in; achutiloleh, Joseph In sung ah kipat in, meikuang gual in pawtdok intin, Bethel kâng tum intin, a phelmit ding kuama um pua’n a.

ISAI 31:1

Aiguptate panpi’na hawl ah chiasukte, sakol hatna kisuanpite, sakol kângtalai tam ziak ah kimuangte, sakol hat ma ma te muang ah, Israel Mithiangtho ngaisak lo leh, Lalpa ngaisaklote chu, a chung uh a gik na lawm lawm e!

AMOS 5:4

Lalpa‘n Israel Inkuan kiang in zia gual hin a ti ngal a: Ei hawl un, tichun hing in lau;

HOSEA 12:6

Nang uh vang la Pathian lam un kile’kit unla, hepina leh vaihawmna dik tuchak unla, la Pathian uh chu ngak zing un.

AMOS 5:8

Bombial leh sizuhei suktun siam a, khawthim tak jingkal chansak a; khawvak chu janthim ah chansakpa, tuisuagiat ah tuite kodawk ah, lei chung ah gawtui zuksakpa chu, a min Lalpa ahi’n;

HOSEA 8:7

Hui a tû ziak un chîmpei ât ding a hiu. Buvui in ga a sua pua’n, nêk ding piang pua’n a; ga sua ta mawng leh le, gam dang mite’n ne zo in au.

NASEPTE 2:18

Ahi, ka suak, numei leh pawsalte chung inle, zia ni ah chun ka Thagau hun buntha’ng ka tin; amau chun thu genlawk in au.

EZEKIEL 34:26

Amau tawh ka tâng kîmvêl ah gamte chu maljawl ing ka tin; a hunbî tak in van gawtuite zuksak ing ka tin, maljawlna gua hita’n a.

ISAI 32:20

Tui mun kiang nai ah thâichi chîng leh, bawngchal leh sabiltung thâjante chu, mi hampha hung hiding la hiu.

ISAI 30:23

Lei ah la thâichi tûte â dingin gua hun zuksak ta’n tin; chuleh, lei in ga a hun suadaw chu tam tak, tui tak takte ngen hung hita’n a. Zia ni phat chuleh, la ganchate hampa phatna gam lian leh kiningting tak ah chun ta hiat hiat ta’n au.

JEREMIAH 50:4

Zia hun lai ah chun, Israelte leh Judate chu hung khawm in tiu in, Lalpa a Pathian uh chu kap kawm kawm in hun hawl in au, Lalpa‘n a tii.

ISAI 5:6

Tho hâ ta pua’ng ka tin, hâthiang talo ding ka hi’n, ling leh khauguite’n dêp ta’n a; a chung ah gua zuksak talo dingin, van sûmte thu pia ding ka hi.

THUPILTE 18:21

Mihingte kam ah chun hinna leh thi’na a um a; zia ngaina tapote chun a ga chu ne ngei in au.

SAM 72:6

Lengpa chu hampa ki-âttan chung ah, gawtui kia gual leh, lei hul chung ah gawmal kia gual hita hen.

2 KORINTH 9:10

A the’pa kiang ah a chi pepa leh nêk ding ah vaithum pepa chun la the’ ding uh thâichi chu pia’n, hi’pun piak intin, la dikna gau le hi’pun piak in a.

ISAI 48:18

Ka thupiakte kha a la ngaisak hitama lechin aw! La vangphatna chu luipi luang gual leh, la lawtinna chule tuisuagiat kinawk gual in um ta’n tin;

HOSEA 14:1

Aw Israel, Lalpa la Pathian lam ah hung kile’kit ta’n; la thulimlo’na ziakin la kipal pûk ta ahi.

ISAI 54:14

Dikna ziakin phudet hi’n la tin; sukgentheina chu tawh kigamla ta’n la; lau him him talo ding la hi’ngal a. Tizat umna’nle hun gamlat ta’n a, la kiangnai ah le hung talo ding ahi ngal in.