HOSEA 10:10 - PATHIAN LEKHABU THIANGTHO (BSI)

¹⁰ Mi chanlam beite gawt dingin hung ding ka hi; a gitlonau ziak ah a le’ni ah, amau chu gawt ah do dingin, namdangte pui khawm hi’n au.

HOSEA 10:10 Referans Kwoze

EZEKIEL 5:13

A chung ua ka lungnatna butit ing ka tin, a chung ua ka thangtawmna sungtha’ng ka tin, ka lungdam ta’n ah; ka mitthîpna ziak ah Keima, Lalpa hin, a chung ua ka lungnatna buntha ka hi, ti hun he ta’n au.

HOSEA 4:9

Mipite thok gual chu thiampute chung inle tung in a; a tawi dan dungzui un gawt ing ka tin, a thilbawlteu chu thuk ing ka.

JEREMIAH 16:16

Tu’hin, sanga mante tam tak hun sawldok ing ka tin, amau chu va man khawm in au; ziazaw chuleh, gamvâk mi tam tak le sawldok ing ka tin, amau chun tâng tin leh mual tin ah kipat leh kawl suangpi kikâl ah um natiang in hun man khawm sik sek in au, Lalpa‘n a tii.

MATTHAI 22:7

Zia thu chu lengpa’n a la het phat in a lungna ma ma ah; a sepaite a sawl ah, zia mithatte chu a vasuchimit tau ah, a khuau le a hâltum piak tau hi.

HOSEA 8:10

Nam dangte lak in kizuak maleu, tu’hin, amau chu hun ladok khawm ding ka hi. Leng leh lalte puak gik nuai in hun thuak gim pai ta’n au.

HOSEA 8:1

Pengkul chu la mukteu tawh sutuau in! Lalpa Inkuan chung ah mulukol gual khat a um hi; ka thuthung a botsiau ah, ka dante a bawsiat tâk ziak un.

EZEKIEL 23:46

Lalpa Pathian in zia gual hin a gen ta’ngâl a: Amau sulau ding leh suam dingin mipi pui khawm un.

EZEKIEL 23:9

Ziaziakchun, a dawichâkte, a etlel pen Assuriate khutthak thoina dingin ka pia tai.

EZEKIEL 16:42

Tichun, la chung ah ka lungnatna dam ta’n tin, ka hun thangsiatna le bei ta’n ah; thip hiat hiat ta’ng ka tin, la chung in lungna ta pua’ng ka.

EZEKIEL 16:37

la kinoptelpi, la ngaizawngte zosia, nang in la hepi leh la mudate a leng un hun pui khawm ing ka; mun tin ah kipat in nangma do dingin hun pui khawm ing ka tin, la zamaw a et theina ding un la ngawnchang in hun koi in au.

JEREMIAH 21:4

Zedekiah kiang in zia gual hin vagen un, a ti’n: Lalpa, Israelte Pathian chun zia gual hin a gen hi: Kulbâng pawlam ah hun ûm zo ta, Babulon lengpa leh Kaldai sepaite la do-nau hiam leh thal zosia kha bangmalo hun suasak ing ka tin; la khawpiu lailung ah hin, amau chu a leng un hun pui khawm sik sek ding ka hi.

JEREMIAH 15:6

Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

ISAI 1:24

Ziaziakchun, Hat Chungnung, sepai honte Lalpa, Israelte lak ah Mi Hat chun: E hei! Ka mêlmate chung ah hin, ka lungnatna buntha’ng ka tin, ka gâlte chung in phuba la mai ing ka!

DAN LEKHABU 28:63

Chuleh, nangmau phatna ding bawl leh hipunna ding bawl thanuam ma ma Lalpa chu, nanghaw hun hi’mangthaina ding leh bang malo ah hun siam ding chu a lung lam tak hung hita’n tin; chuleh, la luana ding ua la lutnau gam ah kipat ma ma hin, nang uh jukdok in um ta’n lau.

HOSEA 10:9

Aw Israel, Gibeah hun ah kipat khan la gilo tau in; zia kipat khan la gilo den tau hi. Gibeah ah chun kidona’n amau hun huam lo ding a hem?

1 LENGTE 12:28

Tichun, lengpa chun, midangte lemguatpina dungzui in, sana bawngno lim pani a siam a. Mipite kiang ah chun, “Jerusalem ah la chiatonau kha a sawt tho tai. Aw Israel, la Pathianteu, Aigupta gam ah kipat hun puidokte chu ziate hi a hiu,” a tia.

JOB LEKHABU 39:10

Khauhual ah langkawn tawh la hêndên thei in, phâicham chu a hun kaibuat piak diam?

HOSEA 4:19

Hui in a tha’te’n amau a tuam in, a mâichâmte u ziakin mualpho in au.