HOSEA 1:10 - PATHIAN LEKHABU THIANGTHO (BSI)

¹⁰ Ahi’nla, Israel mipi chu tuisuagiat ah piaunêl te’ zaw gual lo leh simsên gual lo jat hi’n tiu in, a kiang un, “Ka mite la hipuau,” ti’na mun ah chun, amau kiang in, “Pathian hing chate,” ti hung hita’n au.

HOSEA 1:10 Referans Kwoze

2 KORINTH 6:18

nang uh dingin Pa hi’ng ka tin, nang uh le kei â dingin chanu chapate hi’n lau; Lalpa bangkim hi’thei chun a tii,”

JOHAN 1:12

Himaleh, ama a la lop ah, a min gingte chu Pathian chate hitheina a piai.

ISAI 43:6

mal gam kiang in, “Hun pedok un,” ti’ng ka tin; sim gam kiang inle, “Tuchak ta kiu in, gamla tak ah kipat in ka chapate chu hun pui unla, leimong lam ah kipat in, ka chanute hun pui khawm tau in,

HOSEA 2:23

chuleh, kei â dingin ama chu gam ah kitû ta’ng ka tin; Lo-ruhamah chu lainat ta’ng ka tin, Lo-ammi kiang in, “Nang ka mi la hi,” ti ta’ng ka. Ama’nle ka kiang in, “Ka Pathian la hi,” ei ti ta’n a.

ISAI 66:20

Israel chate’n Lalpa In ah bêl thiangtho ah thillat ding a hun choi sek gual ua khan, Jerusalem ah ka tâng thiangtho ah chun, Lalpa kiang ah lat dingin namtin lak ah kipat in la suapiteu chu, sakol chung ah te, sabiltung chung ah te leh gancha hat tak tak te chung in hun pui khawm in au.

THILSIAM THU 13:16

La suante chu lei ah leivui jat ah tam in siam ing ka tin; kua’nle lei ah leivui hi a sim zaw thei chun la suante chule simsên hi mai in au.

HOSEA 1:9

Ziaphatchun, Lalpa‘n a min in, “Lo-ammi sa’n. Nang uh hi ka mite la hipuau ah, keima le la Pathian uh ka hi’tâk lo ziakin,” a ti tai.

THILSIAM THU 22:17

Hun maljawl ngei ngei ing ka tin, van ah aksi jat leh tuisuagiat pâm ah piaunel jat in la suante hi’pung ing ka tin, la suante chun a mêlmateu kul kotkhak hun lak piak in au:

HEBRAITE 11:12

Ziaziakchun, mi pakhat a thisa gual hita chun, van ah aksi leh tuisuagiat ah piaunêl jat ah tam a hun hingdok tai.

THILSIAM THU 32:12

Nang in, ‘Pha tak in hun bawl na’ng ka, la suante chu tuisuagiat piaunêl sim sên lo khop ah a tam gual hin hun siam ing ka,’ lei ti ta ngal ah,” a tia.

JEREMIAH 33:22

Van lam ah thil umte te’sên lo ahi gual leh, tuisuagiat ah piaunêl simsên lo ahi gual ma’n, ka suakpa David leh ka nasêmtu Levite suan leh pâkte chule hi’pung ding ka hi, ti in.

ISAI 48:19

la hin la choite chu piaunêl gual ah tam in, la suan leh pâkte chule suangchang jat hita’n au; a min uh thaimang in um ngai pua’n tin, ka ma-âng ah kipat hi’mangthai in, umlo ding hive’n.

ROMTE 8:19

Thilsiam zosia chun kinem tak in Pathian chate kilatna ding chu a ngakla ma ma tangal un;

ISAI 63:16

Abraham in ei helo in, Israel inle ei la ngaisak lo maleh, nang chu ka Pau la hi’ngâl a. Nangma chu, Aw Lalpa, ka pau la hi’n, masanglai ah kipat him ah, ei Hukdokpa chu la min ahi.

ISAI 64:8

Himaleh, aw Lalpa, nang chu ka pau la hi tho tho hi; keihaw vang tungman mai mai ka hiu a, nang chu a bêlsêkpa la hi; ka leng un la khutsuak ka hiu hi.

ISAI 65:1

Ei donlote hawldaw dingin ka um in, ei hawl lote mudaw ziang dingin ka um hi. Ka min ah ei ko lote kiang in, “Zia hin ka um hi, zia hin ka um hi,” ka ti’n.

DANIAL 6:26

Thupiak ka bawl tai: Ka lenggam ah mi zosia’n Danial Pathian chu lau in, kithing tau hen: Ama chu Pathian hing, kumtuang dai ahi ngal a. A lenggam suksiat ni um pua’n tin, a lalna’n tawp a nei puai.

2 SAMUEL 7:24

Chun, la mipi Israelte hi kumtuang ah nang â a hi’theina ding un nang in la sudet ta’n; tichun, aw Lalpa, nangma chu a Pathian uh la hung hi tai.