HEBRAITE 8:3 - PATHIAN LEKHABU THIANGTHO (BSI)

³ Thiampu lianpen taphot chu thillat leh thilpiak lân ding ah namdet a hisek un; ziaziakchun, zia thiampu lianpen hinle bang a hem a lat a ngai a.

HEBRAITE 8:3 Referans Kwoze

HEBRAITE 5:1

Thiampu lianpen taphot chu, gitlo kithoina leh thilpiak lân dingin Pathian lam thilte ah, mihingte matchâk dingin têldaw ah namdet a hiu in.

EPHESA 5:2

Khrista’n ei hepi ah, ei uh â ding ah gimtui ah Pathian kiang ah thillat ah a kipiak gual khan, hepina nei zing tau in.

HEBRAITE 9:14

Khrista thisan, Pathian kiang ah mêlhemna umlo, kumtuang Thagau jal ah kilân chun, nasep thisa ah kipat chun, a sia leh pha hetnau chu Pathian hing nasem dingin, bang gual bep in a hithiangtho zaw ta bep diam!

HEBRAITE 7:27

Thiampu, ama gitlo thawi masa zet ah, mipite â ding ah thillat lat sek gual in, nisi’n a bawl a kûl ta puai; ama a kipiak ah khan khatvei thu’n a zo suak ta ahi.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

ROMTE 4:25

ama chu I gitlonau ziakin thâ in a um ah, thiam I channa ding un kaithaw in a um kit tai.

ROMTE 5:6

I hatlo lai uh khan, a hun tak in Khrista chu Pathian helote a dingin a hung thi ta’n.

ROMTE 5:8

Himaleh, Pathian chun ei hepina chu a latsak ah, migilo I hi’lai ua, Khrista chu I sik un a thi ta ahi.

GALATIA 2:20

Khrista kiang in khetden in ka um ta’n, ahi’n la, ka hing ahi; keima kha ka hita pua’n, Khrista keima ah hing ahi zawi; Pathian chapa, ei hepi ah, ka thasâng ah kipepa ginna ziak zaw’n.

HEBRAITE 2:17

Ziaziakchun, mihingte gitlo thupha choina a siam theina dingin, Pathian lam ah thiampu lianpen, jangai thei leh ginum a hi’theina dingin thil bangkim ah a suapite gual ah a hung kisiam chu a kul him ahi.

HEBRAITE 3:1

Ziaziakchun, suapi thiangtho, van kona chanpite haw, I thugin ua sawlchâk leh thiampu lianpen Jesu chu ngaitua tiam un.

HEBRAITE 8:4

Ama chu lei ah um hileh, thiampu hilo ding ahi, dan dungzui ah thillân ding thiampute a um ziak un.