HEBRAITE 2:2 - PATHIAN LEKHABU THIANGTHO (BSI)

² Vansawlchâkte mang ah thu kigen kha bawn a det ah, bawsiatna leh thu awi lona zosia thukna dik tak a mu têi sek ua leh,

HEBRAITE 2:2 Referans Kwoze

NASEPTE 7:53

Vansawlchâkte’n a piak uh Dan changte chu la hiu in, ahi’n, zia chu la zui diak puau hi, a tia.

GALATIA 3:19

Ahiloleh, bangtidan ah dan chu um a hem? Chi suan thutiamna chu a hung tun masang in sukkhialnate ziakin belap in a um ah, vansawlchâkte mang ah palai khut ah sukdet ahi.

HEBRAITE 10:28

Mosi dan botsete kha hiatpitu pani a hem pathum a hem thu’n, jangaina bei in a thisek ui.

JUDA 1:5

Bangkim chu khatvei hesuak maleu chun, Aigupta gam ah kipat Lalpa‘n a mite a hukdaw ah, zia nung ah chun a gingchalote a sukmanthai dan kha hun hiatsak kit ka nuam hi.

DAN LEKHABU 27:26

Zia dan thute zui lo mihing taphot chu hânsiadong in um tau hen, tiu hen la. Mipi zosia’n, “Amen,” ti’n dawnhu tau hen.

HEBRAITE 11:26

Khrista a musitnau chu Aigupta ah gote sâng in hausakna thupi zaw’n a ngai ah, kipakman mu ding chu a thîl ziakin.

HEBRAITE 10:35

Ziaziakchun, la kingaknau chu haisan kiu in; kipakman nasa tak a um ngal a.

DAN LEKHABU 17:12

Chuleh, Lalpa la Pathian un nasem ding ah a guat chuam thiampu leh vaihawmte thu mang nuam lo taphot chu, la tha ngei ngei ding uh ahi. Israelte lak ah kipat thil phalo chu zia gual chun la zen thiang sek ding uh ahi.

DAN LEKHABU 17:5

zia gual ah thil ki’dak um bawlpa a hem, bawlnu a hem chu la khawpiu kêlkot paw lam ah kaidok in, ziapa a hem, zia nu a hem chu suang in la se’lup ding uh ahi.

HEBRAITE 11:6

Ginna lo in Pathian chu sukkipak thei ahi puai; kuale Pathian kiang ah hung chun, ama chu a um ngei hi ti leh, ama hawlte chu kipakman pesek ahi, ti a ginchâk diu ahi.

HEBRAITE 1:1

Masanglai ah khan Pathian in lampi chuam chuam in, I pu leh pateu kiang in jawlneite mang in thu a la gen sek a;

SAM 68:17

Pathian kângtalai chu a sîng ah sîng, a sâng ah sâng ah tam ahi; Lalpa chu Sinai tâng ah kipat in, a mun thiangtho in a hung hi.

DAN LEKHABU 17:2

Lalpa la Pathian un a hun piakna khua taphot ah, pawsal hileh, numei hileh, Lalpa la Pathian uh mit mu ah thil phalo bawl la mu phot ua leh,

KISIMNA LEKHABU 25:9

Zia thi’na hisia ziak ah chun, mi sîng ni leh sang li hial a thi tau a.

KISIMNA LEKHABU 21:6

Tichun, Lalpa chun mipite lak in gûl gu hât chi a hun thâ lût ah, mite chu a chûn, Israelte tam tak a thi tau a.

KISIMNA LEKHABU 16:49

Korah chung thu ah thite sim lo in, zia thi’na hisia ziak a thi zosia chu sîng khat sang li leh za sagi a hiu.

KISIMNA LEKHABU 11:33

Ahi’n, a sa thai lai ua, a val lut masang un, Lalpa lungnatna huaisia tak mipite chung in a hung kuangjak ta’n; tichun, Lalpa‘n mipite chu hipi nasa tak in a hun gawt tai.

DAN LEKHABU 32:2

Hampa lak ah gawnêl zu gual in, ka thuhilte chu gawtui gual in zu hen la; thâi kekthakte chung ah gawmal phîng gual in, ka thugente chu daitui gual in kia hen.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!

2 PETER 1:19

Tichun, genlawkna thu det zaw diak I nei ui, khua a hung vâk ah, jingsol aksi chu la lung sung ua a suak masia, zia chu thim lak ah thaumei vâk a ngaisak gual ua la ngaisak ua leh a hi’pha hi’n lau.