HEBRAITE 1:3 - PATHIAN LEKHABU THIANGTHO (BSI)

³ Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

HEBRAITE 1:3 Referans Kwoze

THUPUAN 4:11

“Aw ka Lalpau leh Pathian, lopinate choihoinate leh, thilhitheinate chu chang tâk him la hi; nang in bangkim la siam ah, la kipakna ding ah siam leh um him a hiu,” a tiu a.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

2 KORINTH 4:4

Khrista Pathian kibatpi, a lopi dan chanchinpha vâk in a salvâk theilona dingin, amau chu ahileh zia khawvel pathian hin ginglote lungthim chu a sukthûm piak ahi.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

JOHAN 1:4

Ama ah chun hinna a um in; zia hinna chu mihingte vakna ahi.

HEBRAITE 10:12

Himaleh, ama’n vang gitlote kithoina chu khatvei thu in, kumtuang â dingin a lân a, Pathian changlam ah khin a hang kichu tai.

JUDA 1:25

Pathian tak bep I Hukdampau kiang in, I Lalpau Jesu Khrista jal in, lopina, lalna, thilhitheina leh thuneina, hun chiasa leh tu’hun leh kumtuang in um zing ta hen. Amen.

HEBRAITE 9:26

Chuti hiloleh, khawvel kisiam tîl ah kipat tam veipi thuak ta ding ahi’n; himaleh, hun tawp lam ah hin gitlo sukmanna dingin ama ngei chu khatvei thu’n a hung kipe ta ahi.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

HEBRAITE 4:14

Ahi’n, van ah a la chia ta, Pathian Chapa Jesu, thiampulianpen, lopi tak chu I nei ziak un, I thugin uh hi tudet zing hitiu.

1 JOHAN 3:5

Ama chu gitlona la mang dingin a hung kilang a; chuleh, ama ah chun gitlona a um puai, ti la hiau hi.

2 PETER 1:16

I Lalpau Jesu Khrista thilhitheina leh a hungna thu ka hun hil lai un, tuanthu pil tak ah ngaitua dawte mai zui ka hi puau ah, a lopina mutute ka hi zawu hi.

1 PETER 3:22

Ama chu van ah chia in Pathian changlam ah a um a; vansawlchâkte, thuneinate leh thil hi’theinate chu ama thu thu ah umsak ahi tai.

1 PETER 1:21

Ama jal in, mithi lak ah kipat kaithopa leh a lopina petu Pathian gingte chu la hitau ah; la ginnau leh kinepnau chu Pathian ah kinga ahi.

HEBRAITE 8:1

Tu’hin, thil I gen zosia ah a thupi chu zia hi ahi: Van ah Chungnung pen lalchutpha changlam ah kichu thiampu lianpen chu I nei ui;

MARKA 16:19

Lalpa chun, zia thute chu a gen zaw phatin, van lam ah pui to in a um ta’n, Pathian changlam ah a hang chu tai.

SAM 75:3

Lei leh a sung ah um zosia a kilîn phat leh, keima ngei hi ka hi a khuamte phudetpa chu. (Selah)

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

HEBRAITE 7:27

Thiampu, ama gitlo thawi masa zet ah, mipite â ding ah thillat lat sek gual in, nisi’n a bawl a kûl ta puai; ama a kipiak ah khan khatvei thu’n a zo suak ta ahi.

NASEPTE 2:33

Ziaziakchun, tu’hin ama chu Pathian khut changlam ah choisa’n ah um in, Pa ah kipat Thagau Thiangtho hun sawlna ding thutiam chu chang in, a hun sawl tha ta’n, zia chu tu’ ah la muu leh la het uh hi ahi.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

KOLOSSA 3:1

Chutichun, Khrista tawh kaithaw ah la um tâk uh chun, chunglam ah Pathian changlam ah kichû Khrista umna thil umte chu hawl un;

ROMTE 8:34

Thiamlo chansak chu kua a hem? A hung thi Khrista Jesu kha ahi; ahi ngût hi, a thokit ah Pathian khut changlam in a um ah, ama chun ei pauchap piak zing ahi.

NASEPTE 7:56

Ama chun, “En tiam un, vante kihong leh Mihing Chapa, Pathian changlam ah ding chu ka mui,” a tia.

SAM 110:1

Lalpa‘n ka Lalpa kiang ah chun: “La mêlmate la keng ngakna ding ah, ka hun bawl piak masia, ka changlam hin kichu zing in,” a ti’n.

1 KHANGTHU 29:11

Aw Lalpa, letna leh thilhitheina, lopi’na, zaw’na leh lalna zosia chu nang â ahi; van ah thil um zosia leh lei ah thil um zosia hile nang â a hiu; aw Lalpa, leng gam zosia nang â a hiu ah, thil zosia chung ah sâng pen ah choisa’n la hi.

ROMTE 1:16

Khrista chanchinpha chu ka jachâkpi puai; kuale a ging tapo â ding ah hukhinna dingin Pathian thilhitheina ahi’n; zia chu a lim in Judate â dingin ahi’n, zia ban ah chun Grikte â ding a hung hi kit hi.

MIKAH 5:4

Lalpa hatna ziak leh Lalpa a Pathian min lopina ziakin, hung dingdok in, a gan-gualte chu vâk ta’n a. Amau chu bit tak ah chêng in, kawl kîmvêl tiang chan pha’n a lopi pen hita’n au.

THUGENTU 8:4

Lal thu chu a hât in, thil hi’thei tak le ahi; kua’n a kiang ah, “Bang a hem la bawl chu?” ti ngam ding a hem.

JOB LEKHABU 37:22

Mallam ah kipat in kawl eng a hung kikhawdok ah, lopina tizat um tak in Pathian a tuamvêl hi.

HEBRAITE 9:16

Thu kithunna chun a thungpa thina le a um sek hi.

MATTHAI 22:24

Hotupa, Mosi’n, mi cha neilo in thi taleh, a suapipa chun a ji chu kichenpi ah, a suapipa â ding ah chi a suan piak ding ahi, a tia.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

HEBRAITE 1:13

Himaleh, vansawlchâk kuapen kiang in zia gual hin a gen ngai em? “La mêlmate la tawden ding ah ka bawl masia, ka changlam ah kichu’n,” ti hi.

2 PETER 1:17

Ama chu, Pa Pathian ah kipat in choihoina leh lopina nasa tak a mu lai in, zia gual aw hi a kiang in a hung tung a, “Zia hi ka Chapa doitak, ka kipakna pen chu ahi,” ti in.

THIAMPUTE LEKHABU 15:15

Thiampu’n a khat pen chu gitlo thoina thillat dingin, a khat zawk chu hâlmang thillat dingin a lat ding ahi: Chun, thiampu’n a thil pawt ziak ah chun ama â dingin Lalpa âng ah tatna bawl piak in a.