HEBRAITE 1:2 - PATHIAN LEKHABU THIANGTHO (BSI)

² tu’hun nunung lam ah hin vang a Chapa in I kiang un thu a gen zaw tai; a Chapa chu bangkim golua dingin a têl ah, ama mang in Pathian in khawvel hi a la siam tai.

HEBRAITE 1:2 Referans Kwoze

1 KORINTH 8:6

eimau â dingin vang Pathian pakhat bep a um ah, ama chu thil zosia siampa leh eimau le ama ah I umnau Pa chu ahi’n; ama jal ah thil zosia siam ah um leh, ama ziak ah I hinnau, Lalpa Jesu Khrista pakhat bep chu a um hi.

JOHAN 1:3

bangkim a leng in ama ziak ah siam ahi; thilsiam zosia ama siam lo bangma a um puai.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

1 PETER 1:20

Ama chu leilung siam masang ah guatlawk hisa, hun nunung lam ah nang uh ziak ah hilat ahi tai.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

JOHAN 13:3

Jesu chun, Pa’n bangkim a khut ah a koi leh, Pathian ah kipat hung ahi’n, Pathian kiang ah chia kit ding ahi dante chu hezing in;

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

HEBRAITE 11:3

Ginna’n zia khawvel hi Pathian thu ah kisiam fel zo ahi tai ti I hiau a; tichun, mutheite hi a kilang lo ah kipat siam ahi.

ROMTE 8:17

chuleh, chate I hiu chun, golua dingte I hiu ah, Pathian golua ding, Khrista tawh golua khawm ding I hitau hi; ama lopina I chan khawm theina ding un, ama thokna le I thokpiu a ngai hi.

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

MATTHAI 26:63

Himaleh, Jesu chu thipbek in a um a. Chun, thiampu lianpen chun, Pathian hing min in kigenchian dingin ka hun sawl la hi, Messiah, Pathian hing Chapa chu la hi em? ei hil in, a tia.

MATTHAI 21:38

Himaleh, a lou bawlte chun, a chapa chu a la mu phât un, a la kihotuak un, zia hi a golua ding pa chu ahi; hung un, a la that hitiu in, a gochan ding zosia chu ei un kilâk hitiu, a tiu a.

HEBRAITE 5:8

Chapa hilehle a thoknate ah chun thu awi dan a zil a.

EPHESA 1:10

Zia a doilam lunggil chu, hunbî a hung tun phat leh, thil zosia: Van ah umte leh lei chung ah umte chu, Khrista ah gawm khawm in, suktua sik sek ding ti hi ahi.

ISAI 44:24

Nang hun Tandokpa leh sûl ah kipat, hun guanggalpa Lalpa chun: Keima hi Lalpa, thil zosia siampa, vante kaimalpa chu keima hi ka hi’n, keima bep in lei hi ka jak pal ahi;

HEBRAITE 7:3

Ama chu nu neilo, pa neilo, suantu neilo, pian ni neilo, hin tawp ni le neilo; himaleh, Pathian Chapa gual ah siam, thiampu hizing ta ahi.

HEBRAITE 2:3

zia gual lawm ah hukdamna lopi hi ngaisak lo in um leu hin, bangti’n suakcha thei ding I hiu em? Zia chu a tîl in Lalpa kam ah gen ahi tangal ah, a hete chun ei namdet piak uh ahi.

HEBRAITE 1:5

Vansawlchâk kua kiang inle, Pathian in zia gual hin a gen kha ngai em, “Nang ka Chapa la hi, tu’ni hin ka hin la hi tai,” ti leh, “Ama â dingin Pa hi’ng ka tin, ama chu kei â dingin Chapa hi’n a,” ti in.

EPHESA 3:9

Pathian, thil zosia siampa kiang ah kumtuang ah sêl ah a la um thugûk chu, mi zosia musak dingin.

ISAI 2:2

Tu’nung lam leh Lalpa In umna tâng chu, tâng sâng pen hung hi’ntin; tâng dang zosia sâng ah chawisa’n in um ta’n a; chuleh, namtin hung kitawl lut ta’n au.

DAN LEKHABU 18:15

Lalpa la Pathian un la lak ua kipat in keima gual jawlnei khat hun tungdok ding ahi; zia gual ah jawlnei chu a thu la mat ding uh ahi.

DAN LEKHABU 4:30

Tu’nung ah buaina zosia la hun tuak ua, la hung lungkham phat ua leh, Lalpa la Pathian lam ua hung kihei kit in, a thu zawm ta’n lau.

GALATIA 4:4

himaleh, a hunbî a hung tin phatin, Pathian in a Chapa, numei suan in, dan nuai ah hung piang in a hun sawl tai.

NASEPTE 10:36

Pathian in a thu chu Israel mite kiang in a hun tun ah, Jesu Khrista ah thamuanna thu a gen, ama chu mi tin Lalpa ahi, ti hi.

JOHAN 15:15

Tu’khêl vang suakte hun ti ta pua’ng ka, suak chun a pu thilhite a he ngai puai; gualte hun ti zaw ta’ng ka, ka Pa ah kipat ka thil hiatteu zosia ka hun hiatsak sik sek tangal in.

MIKAH 4:1

Tu’nung tak leh Lalpa In umna tâng chu, tângte lak ah a sâng pen, mualte chung lam ah chun sukdet in hung um in a. Namtin zia chun chia khawm in,

JEREMIAH 30:24

A lungtup a bawl zawah a mualsua masia, Lalpa lungnatna tizat um tak chu, hung kile’kit ziang pua’n a. Hun nunung lam leh, zia chu hun hechian ta’n la.

JUDA 1:18

“Hun nunung ah chun Pathian ngaisak lo lam ah a nopna gual gual ua um ziang, nuisan hatte hung um in au,” ti’n la kiang un a gen tangal un.

ROMTE 1:4

chuleh, thianthona thagau ahi’na dungzui leh, thina ah kipat a thawkitna thilhitheina ah chun, Pathian chapa ahi’na chu taklat in a um ta’n.

NASEPTE 2:17

Pathian in, ni nunung lam leh, mizosia chung in ka Thagau buntha’ng ka tin; chutichun, la chapateu leh la chanuteu in thu gen intiu in; la tangvalteu in kilâknate mu’n tiu in, la têkseteu chun mang in mat in au.

JOHAN 17:2

zia gual ah mi zosia chung ah thunei ah la siam khan, a kiang ah la piak tapote chu kumtuang hinna a piak theina ding in.

JOHAN 16:15

Pa nei zosia chu kei â ahi. Ziaziakchun ahi, Kei â chu la’n tin, la kiang un hun taklang ding ahi, ka ti kha.

MARKA 12:6

A chapa khat neisun a doichuam ma ma chu a um nalai a; ama chu a nunung pen in a sawl ah, “Ka chapa hi vang a la ja deu in au,” a tia,

MARKA 1:1

Pathian Chapa, Jesu Khrista chanchinpha kipatna;

DANIAL 10:14

ni tawp lam leh la mite chung ah bang gual thil hung tung ding a hem, ti hiatthiamsak ding ah la kiang ah hung ka hi,” ti’n a hun gen a.

EZEKIEL 38:16

sûmpi’n lei chung a khû gual in, ka mipi Israelte do dingin hung kuan in lau. Hun nunung lam leh, ka gam do ding in hun pui ing ka tin, ka thiantho’na a muthei ding ua nang chung ah ka hun hilat phat leh, aw Gog, namtin in Keima ei hun he ta’n au.

ISAI 45:18

Vante Siampa, Pathian ngei chu! khawvel pumpi guanggal leh siampa, (ama’n a phudet ta’n; a thawn mai ah um ding ah siam lo in, chênna dingin a siam a.) Lalpa chun, Keima hi Lalpa chu ka hi’n, Keima tilo kuama dang a um puai, a ti ta’ngâl a.

DAN LEKHABU 31:29

Ka thi’nung leh nasa tak ah kisupolche in, ka thupiak lampi pêtsan ding la hiu ti ka hechian ma ma ngâl a. Lalpa mit mu ah thil phalo la bawl ua, la khut nasep ua kipat in ama chu chok lungna ding la hiziak un, tu’nung phat leh, buaina tincheng hun tuak in lau,” a tia.

2 PETER 3:3

Zia hi he masau in: Ninunung lam leh mi simmaw hâtte chu amau nopna dungzui in simmaw ah ho kawm in hung intiu in:

HEBRAITE 1:8

Ahi’n, Chapa chung thu ah chun zia gual hin a gen a: Aw Pathian, la lalchutpha chu, kumtuang in a um zing hi; dikna lal tiang chu la lenggam lal tiang ahi.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

THILSIAM THU 49:1

Chun, Jakob in a chate zosia a ko khawm ah, zia gual hin a gen a: “Ni nunung lam leh, la chung ua thil hung tung dingte ka hun gen piak theina dingin hung khawm un:” a tia.

HEBRAITE 9:26

Chuti hiloleh, khawvel kisiam tîl ah kipat tam veipi thuak ta ding ahi’n; himaleh, hun tawp lam ah hin gitlo sukmanna dingin ama ngei chu khatvei thu’n a hung kipe ta ahi.

JOHAN 3:25

Zia hun ah chun Johan nungzuite khenkhat tawh, Judate mi khat hi kisukthianna thu in a kinial ua.

DANIAL 2:28

himaleh, van ah Pathian pakhat, thugûk zosia taklang sek a um in, ama chun khawvel huntawp ding lam ah bang gual ah thil hung um ding ahi em ti Lengpa Nebukadnezar kiang in a hun hiatsak ahi chu. Lupna chung ah la lup ah, la mang leh kilâkna la mu chu ziate hi a hiu:” a tia.

JEREMIAH 48:47

Ahi’n la, ni nunung lam tak leh, Moab vangphatna tungding kit ding ka hi, Lalpa‘n a tii.

ISAI 45:12

Lei pumpi leh a sung ah mihingte hile ka siam ahi; keima khut ma ma’n vante khi ka jak pal a, a sung ah um zosia le ka thu um chiat a hiu.

KISIMNA LEKHABU 24:14

Ziaziakchun, tu’hin, ka mite kiang lam ah chia kit ta’ng ka; zia mite hin tu’nung leh la mite bang hun law ding a hiu em ti hun hil ing ka,” a ti’n.

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

MATTHAI 13:39

Mêlma a la the’pa chu diabol ahi’n, bulâk hun chu khawvel tawpna chu ahi; a âtte chu vansawlchâkte a hiu.

MARKA 12:7

Himaleh, lou bawlte chun, “Zia hi a go lua ding pa chu ahi; that hitiu, chutileh a go chu chang mai ding I hiu,” a la tiu a.

JOHAN 1:10

Ama chu khawvel hin a um a, khawvel hi ama siam ahi; himaleh, khawvel in ama a la hepuai.

JOHAN 5:26

Pa chun ama ah chun hinna a nei hi; zia gual ma chun Chapa’nle hinna nei dingin a pia’i;

JOHAN 5:27

ama chu Mihing Chapa ahi ziakin, vaihawmtheina thuneina zosia chule a kiang in a pia tai.

JOHAN 9:29

Pathian in Mosi kiang in thu a gen hi ti ka hiau hi, ahi’n, zia pa hi khoi ah kipat hung a hem ka hepuau hi,” a tiu a.

1 KORINTH 2:7

Himaleh, Pathian pilna chu thugûk, pilna kisêlgu gual in ka gen un, zia chu Pathian in khawvel um ma ah I lopina ding ua a la namdet tâk chu ahi.

HEBRAITE 3:6

Himaleh, Khrista chu vang ama Insung in Chapa hi’ in a ginum hi; ama I muan ngamnau leh ama ah I kinepnau ah kipakna chu I tukdet zing ua leh ama Insung mite chu I hiu.

HEBRAITE 4:14

Ahi’n, van ah a la chia ta, Pathian Chapa Jesu, thiampulianpen, lopi tak chu I nei ziak un, I thugin uh hi tudet zing hitiu.

HEBRAITE 7:28

Dan chun mihing hatna neilo chu thiampu lianpen dingin a guat sek a; himaleh, kitiamna thu, Dan nung ah um bo chun, kumtuang â ding ah Chapa ah siam bukim chu ei pia ta ahi.

JOHAN 13:32

Ama ah Pathian choihoi ah a um chun, Pathian in ama chule chawihoi ngal in a.