HEBRAITE 1:14 - PATHIAN LEKHABU THIANGTHO (BSI)

¹⁴ Vansawlchâkte haw zosia chu, hukdamna chang dingte nasem ding ah sawldaw thagau hilo a hiu em?

HEBRAITE 1:14 Referans Kwoze

SAM 34:7

Lalpa kichate chu a vansawlchâk in a ûm kîmvêl hen, a hukhing sek hi.

MATTHAI 18:10

Ziaziakchun, zia naupang neuchate lak ah pakhat ziang le musit lo dingin chingthei ta un; ka hun hil la hiu, a vansawlchâkteu in van ah um ka pa mel a mu zing uh ahi.

DANIAL 6:22

Ka Pathian in a vansawlchâk a hun sawl ah, sakeibaknei kam chu a chi’sak ah, ei suna lo uh ahi; a ma-âng ah bangma bawlkhial ka nei lo ziakin; chuleh, aw lengpa, la ma-âng inle bangma bawlkhial ka nei puai,” ti’n a hun dawnhu tai.

NASEPTE 27:23

Tu’jan ngei ah khan, ka Pathian leh ka ho sekpa vansawlchâk ka kiang in a hung ding a,

NASEPTE 5:19

Himaleh, jan kâl in Lalpa vansawlchâk chun suangkul kotkhak chu a hung hon piak ah, a puidok ah, a kiang un,

NASEPTE 12:7

Lalpa vansawlchâk pakhat a kiang in a hung lut ah, suangkul sung chu a hung salvâk tai. Peter pangche a hun bêng ah, “Tho vak in,” a tia. Chuleh, a kihênna khaute chu a khut ah kipat in a kitham tai.

LUKA 1:19

Vansawlchâk chun a dawnhu ah, a kiang in, “Keima hi Pathian ma ah ding sek Gabriel chu ka hi; la kiang ah, zia chanchin kipak um tak hi hung gen ding ah sawl ka hi.

MATTHAI 1:20

Himaleh, zia thu chu a ngaitua lai in, a mang ah Lalpa vansawlchâk a kiangin a hung kilâk a: “Joseph, David Chapa, Mari chu kichenpi lau kin; a nauvop chu Thagau Thiangtho vopsak ahi.

DANIAL 3:28

Nebukadnezar in, “Sadrak, Meshak leh Abednegote Pathian chu pâk in um ta hen! Ama’n a vansawlchâk hun sawl in, ama muangah a nasêmte, lengpa thupiak le jalo ah a Pathian uh tilo pathian dang nasep leh ho sâng ah, a taksau pedok ngam zaw te chu meipi lak ah kipat in a hukdok ta’ngal in.

LUKA 16:22

Mi gentheipa chu a hung thi ta’n, vansawlchâkte’n a pui ua, Abraham ângsung in a koi tau a. Mi hausapa chule a hung thi ta’n, a vui tau hi.

NASEPTE 12:23

Ziaphatchun, ama’n Pathian kiang ah lopina a piak lo ziakin, Lalpa vansawlchâk in phutlo in a gawt ah, gûlkût in a ne, a thi tai.

LUKA 2:9

Lalpa vansawlchâk pakhat a kiang un a hung kilang phut ah, a kîmvêl uh chu Lalpa lopina’n a hun salvâk ta’n; a lau ma ma ziang ua.

LUKA 2:13

Chuleh, thakhat in vansawlchâk kiang ah chun van mite a hung um un, Pathian pâkna La a hun sau a:

SAM 104:4

huizang chu sawlchâk in la mang a, mei leh meikuang chu la nasemte a hiu.

MATTHAI 2:13

A chia mang nung un, Lalpa vansawlchâk chu Joseph mang in a hung kilâk a, “Tho inla, nausen leh a nu pui inla, Aigupta gam ah jam inla, ka hun hil kit masia zia tak ah chun um zing un; Herod in nausen hi’mangthai dingin hawl ding ahi,” a tia.

TITA 3:7

Tichun, a hepina thiamchansak ah um in, kumtuang hinna kinepna dungzui in golua ah siam I hithei tau hi.

THUPUAN 5:6

Ka vak et leh, lalchutpha umna leh thilhing palite umna kikâl ah upate lak ah chun, Belamno tha ah umsa kha, mit sagi leh kî sagi nei in a hung ding ah, ziate chun Pathian thagau pasagi, lei muntin ah sawldawte chu a hiu.

1 PETER 1:12

Amau â ding hilo in, nang uh â ding ah sêmgim a hiu ti hiatsak a hiu hi. Zia thute chu van ah kipat sawl Thagau Thiangtho jal ah chanchinpha hun hilte’n a hun hil tau hi; zia thilte chu vansawlchâkte’n le a het nop uh ahi.

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

JUDA 1:14

Adam ah kipat suan sagina Enok chun, ziate chungchâng chu a la genlawk a: “En un, Lalpa chu a mithiangtho a sâng têl tawh a hung hi;

1 PETER 1:4

Gochan setheilo, buak kâilo, chuai theilo, van ah nang uh â ding ah khêk ah um chu mu ding leh;

HEBRAITE 6:17

Tichun, Pathian in kitiam hial ah a lemguatna a sukdet chu, danglam lo ding ahi dan, a thutiam changte kiang ah hin a hiatsak nop ziakin a kitiam zaw ahi.

2 THESSALONITE 1:7

Lalpa Jesu van ah kipat vansawlchâk hat takte tawh meikuang ah a hung kilâk phat leh, nang uh gimthuak ah umte chu kei uh tawh chawldamna ei piak ah,

PHILIPPI 2:25

Ahi’n, ka suapi leh seppi leh sepaipi leh, la thupawpau leh ka tâksapna ei khawtua sekpa, Epaphrodita hi la kiang ua hun sawl kul in ka hia’n;

2 KORINTH 9:12

Zia khawtuana nasep hi mithiangthote tâksapna awnghukna bep hilo in, Pathian kiang ah kipak thu genna tampi hi in, a luanglêt nalai hi.

ROMTE 15:27

Zia a thilbawl uh chun amau a kipaksak ah, zia gual thil hi, chu a bat uh le ahi him a; Jentelte chun thagau lam ah a thil chanteu chu a hun kikoppi tâk ziak un, taksa lam thil ah amau tâksapnau a kithuapiu chu, a bawl ding dawl uh le ahi him hi.

ROMTE 15:16

Chanchinpha ah thiampu nasepna lam ah chun, Jentelte kiang ah Jesu Khrista nasêmpa ka hi’theina dingin; chutichun, Jentelte kipiakna chu pom tâk leh, Thagau Thiangtho ah sukthiantho a hitheina ding in.

ROMTE 13:6

Ziaziak tak ah hin Sia le la pesek uh ahi. Zia thilte sêm ding ah chun Pathian nasem ahi ngal un.

NASEPTE 13:2

Amau chun Lalpa ho ah an a ngol lai un, Thagau Thiangtho chun a kiang un, “Barnaba leh Saul kha ka kona lam ah nasem dingin ei koichuam piak un,” a hun tia.

NASEPTE 11:22

Zia thuthang chu Jerusalem ah kochuamte kiang le a hung tung a; Ziaphatchun, Antiok chan ah vakantha dingin Barnaba a sawl tau hi.

LUKA 1:23

A nasepna ding huntiam a tin phatin, a In lam in a chia tai.

MATTHAI 24:31

Pengkul gi nasa tak tawh, a vansawlchâkte hun sawldok intin, kawl kil li ah kipat, van tawp langkhat lam ah kipat a langkhat lam tiang in, a mi têlchuamte chu hun lakhawm in au.

MATTHAI 13:41

Mihing Chapa chun a vansawlchâkte sawldok intin, a gam ah kipat in migilote leh mi gitlosakte chu hun lakhawm intiu in;

DANIAL 7:10

A ma-âng ah kipat in mei a hung pawtdok in; a sâng ah mun sâng tam takte’n a na a sep piak un, a kiang in a sîng ah mun sîng tam takte a ding kîmvêl ui. Thutanna hun a pan un, lekhabute a phêt tau a.

JOB LEKHABU 1:6

Ni khat chu Pathian chate chu Lalpa kiang in a hung kilâk tau ah, a lak un Setan le a hung vâk lut a.

1 PETER 3:7

Pawsalte haw, zia gual ma chun, numei chu bêl kêk vak zaw leh, hepina hinna gochanpite a hiu hezing kawm in chawihoi un; tichun, la pauchapnateu dâl in umlo ding ahi.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

HEBRAITE 10:11

Thiampu zosia’n nisi’n leh na sêm in, gitlonate lamang theilo kithoina chu lân in a ding zing ui.

HEBRAITE 8:6

Tu’hin chu thutiam phazaw chung ah kiphu det, thuthung phazaw ah palai ahiziak in, Jesu chu nasep phazaw a chang tai.

HEBRAITE 6:12

Thada kiu inla, ginna leh thok-hatna ah thutiam changte kha zui zaw tau in.

HEBRAITE 5:9

Chutichun, sukbukim ah um in, a thu awi tapote â dingin kumtuang hukdamna siampa,

PHILIPPI 2:17

Ahi, la ginnau thillat chung in Pathian â ding ah butthâk ah um ding hi lengle ka kipak hi, la leng un ka hun kipakpi hi.

EPHESA 3:6

Chanchinpha ziakin Khrista Jesu ah chun, Jentelte hi goluapi dingte, taksa bâk chanpite leh thutep chanpite a hung hitau hi.

GALATIA 3:29

Chuleh, Khrista â la hiu chun, Abraham suan, thutiam dungzui ah golua dingte chu la hitau hi.

GALATIA 3:9

Chutichun, ginna ah umte chu ginna nei Abraham tawh maljawl in a um khawm sek ui.

GALATIA 3:7

Chutichun, zia hi he tau in: Ginna umte ngei chu Abraham chate a hiu hi.

ROMTE 8:17

chuleh, chate I hiu chun, golua dingte I hiu ah, Pathian golua ding, Khrista tawh golua khawm ding I hitau hi; ama lopina I chan khawm theina ding un, ama thokna le I thokpiu a ngai hi.

NASEPTE 16:26

Zia lai tak ah chun thakhat in lîn a hung kilîng ah, suangkul chu hung kilok in, a kotkhak zosia chu thakhat in a hung kihong ta’n; tichun, mitin kolbute chule a hung kiphel zo tai.

1 LENGTE 22:19

Ziaphatchun, Mikaiah in, “Ziaziakchun, Lalpa thu a la ngai in: Lalpa chu a lalchutpha chung ah kichu’n ka mu’n, a kiang in van sepai zosia chu a vei leh chang in a ding un.

THILSIAM THU 32:24

Tichun, Jakob ama ngen in a um ta’n, mi pakhat in ama chu phalvak tiang hial in a hung buan ta’n;

MATTHAI 4:11

Ziazaw chun, diabol chun a nusia ta’n; vansawlchâkte a hung un, a na a hung sep piak tau hi.

MARKA 10:17

A kipatdok guat lai tak in, mi pakhat a hung tai ah, a ma-âng in a hung khupdin ah, a kiang in, “Hotupa pha, kumtuang hinna ka nei theina dingin bang ka hi diam?” a hung tia.

ROMTE 11:14

Chutichun, ka chipite chu ka mitthîpsak ah, a lak ua mi khenkhatte bêk ka hukhin theina dingin.

1 KORINTH 1:21

Khawvel in pilna mang ah Pathian a het zaw tâk lo nung in, Pathian pilna chun ngolhuai tak ah thu kigente chu mang in, a gingte hukdam chu a kipakna lam tak ahi ngal a.

HEBRAITE 2:3

zia gual lawm ah hukdamna lopi hi ngaisak lo in um leu hin, bangti’n suakcha thei ding I hiu em? Zia chu a tîl in Lalpa kam ah gen ahi tangal ah, a hete chun ei namdet piak uh ahi.

HEBRAITE 9:28

Ziaziakchun, Khrista chu mi tam tak gitlona ziakin khatvei piak in a um ta’n; a niveina’n gitlo paw ding hitalo in, ama a la ngâkte hukdam dingin hung kilang kit ding ahi.