HEBRAITE 1:1 - PATHIAN LEKHABU THIANGTHO (BSI)

¹ Masanglai ah khan Pathian in lampi chuam chuam in, I pu leh pateu kiang in jawlneite mang in thu a la gen sek a;

HEBRAITE 1:1 Referans Kwoze

JOEL 2:28

Ziazaw nung ah chun, mi zosia chung in ka thagau buntha’ng ka tin; la chapateu leh la chanuteu in hillawk intiu in; la têkseteu in mang in mat intiu in, la tangvalteu in kilâkna mu’n au.

LUKA 24:27

Tichun, Mosi leh jawlneite lekhabu’n a pan a; Pathian Lekha ama chanchin kizik tapo chu a hilchian piak tai.

NASEPTE 2:30

Ama kha jawlnei a la hiziak in, Pathian in a kiang ah a gen chu a hia’n, ama khalbe piang ngei chu a lalchutpha chutsak dingin a kihaksial a.

LUKA 1:55

I puu Abraham leh a suante kumtuang thu ding chu, a tiam tâk gual in,” ti’n a gen a.

NASEPTE 13:32

Zia thu kipak um tak chu taklang in, I pu leh pateu kiang ah Chanchinpha a la tiam chu ka hun gen tau ahi.

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

HEBRAITE 2:2

Vansawlchâkte mang ah thu kigen kha bawn a det ah, bawsiatna leh thu awi lona zosia thukna dik tak a mu têi sek ua leh,

LUKA 1:72

I pu I pateu kiang ah a jangaina thutiamte leh, a thuthung thiangtho a het zing ziakin.

NASEPTE 28:23

Ni a tiam tau ah, zia ni chun a tunna In ah mi tam tak a hungkhawm tau ah. Jingkal ah kipat nitâk tiang in zia thu chu a hilchian ah, Pathian gam thu chu gen in, Mosi Dan leh Jawlneite lekhabu thu ah kipat in, Jesu chungchâng ah thuzaw a gua’n.

JOHAN 9:29

Pathian in Mosi kiang in thu a gen hi ti ka hiau hi, ahi’n, zia pa hi khoi ah kipat hung a hem ka hepuau hi,” a tiu a.

JOHAN 7:22

Mosi khan zektan ding thu a hun pia’n, (zia kha Mosi ah kipan a hipua’n, suantu bul ah kipan a hizawi;) ahi’n, sabbath ni’nle zek la tan sek uh hi.

LUKA 24:44

Chuleh, a kiang un, “La lak ua ka um lai ah thu ka gen sekte kha zia thute hi ahi, Mosi dan leh Jawlneite leh Pâkna La te ah ka chungchâng thu a la kizik gual ah, bangkim hung guitung ding ahi, ka ti te kha,” a tia.

THILSIAM THU 6:3

Ziaphatchun, Lalpa’n, “Ka thagau mihingte kiang in umsak zing ta pua’ng ka, amau chu la phe leh vo mai ahi ngal un; a dam sung uh chu kum za leh sawmni tiang bep hita’n ah,” a ti’n.

JOHAN 16:13

Banghilehle, ama Thagau thutak chu a hung tun tak leh, thutak zosia’n hun pui lût intin, ama phuak kawm in thu gen pua’n tin, a het tapote chu gen intin, thil hung tung dingte chu hun hiatsak in a.

NASEPTE 3:21

Khawvel siamtil ah kipat Pathian in a jawlneite kam ah a la gensa gual khan, bangkim siamthak hun a hung tun masia, ama chu van ah um tadi ding ahi.

HEBRAITE 2:3

zia gual lawm ah hukdamna lopi hi ngaisak lo in um leu hin, bangti’n suakcha thei ding I hiu em? Zia chu a tîl in Lalpa kam ah gen ahi tangal ah, a hete chun ei namdet piak uh ahi.

HEBRAITE 3:5

A vainung ah gen ding ah hiatsakna dingin Mosi chu Pathian Insung zosia ah nasem ahi’na ah chun a ginum pen hi.

HEBRAITE 4:8

Zia cholngakna chu Joshua’n a la pia ta hileh chu, zia nung ah chun ni dang thu gen talo ding ahi’n.

HEBRAITE 5:5

Zia gual ma chun, Khrista le thiampu lianpen hiding in ama a kichawisâng puai: “Nang ka chapa la hi’n, tu’ni hin ka hun hing la hi,” tipa khan a choisa’n ahi zawi.

HEBRAITE 9:19

Mosi khan dan dungzui ah thupiak zosia a gen zaw in, bawngno leh kêlte thisan tawh, tui tawh, samulpat sandup tawh, husop a lâ, lekhabu leh mipite chu a thêkhum a;

HEBRAITE 11:2

Ginna ziakin I pu leh pateu khan pâkchâk a la law tau hi.

HEBRAITE 11:18

A chung thu ah chun zia gual hin a la kigen a, “Isak ah chun la suante hung kiti’n a,” ti in.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!