HAGGAI 2:9 - PATHIAN LEKHABU THIANGTHO (BSI)

⁹ Zia In lopina nunung zaw chu a masa zaw sâng in nasa zaw’n ah, ti’n sepai honte Lalpa chun a gen hi; chuleh, zia mun ah hin vangphatna hun pia ding ka hi, sepai honte Lalpa chun a tii.

HAGGAI 2:9 Referans Kwoze

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

JAKOB 2:1

Ka suapite haw, mi doichuam nei tak ah um zing kawm in, I Lalpau Jesu Krista lopi tak chu la gingcha tak tak thei nau em?

NASEPTE 10:36

Pathian in a thu chu Israel mite kiang in a hun tun ah, Jesu Khrista ah thamuanna thu a gen, ama chu mi tin Lalpa ahi, ti hi.

MIKAH 5:5

Chuleh, ama chu I kichamnau hita’n a. Assuriate’n I gam uh a hung sim ua, I lei chang uh a chotden phat uh leh, ei un amau do dingin belampu pasagi leh, vaihawmtu pagiat tungdok hitiu.

ISAI 60:7

Kedar ah belamhon zosia, la kiang ah hun puikhawm intiu in, Nebaioth ah belam zosia’n la na hun sep piak ta’n au; ka mâichâm ah pom piak hita’n tiu in, tichun, ka In lopi chu hun chawihoi ta’ng ka.

ISAI 66:12

Zia gual hin Lalpa‘n a tii: Ngaitia, a chung ah vangphatna chu, lui gual in hun luan jaksak ing ka tin; namtin hausakna chu lui luanglet gual in, hung luang lut ta’n tin; nawi gual in chêp ta’n la tin, nang hun enkol ah a khut ah hun pâi in, a khup chung ah kichopsak in um ta’n la.

HAGGAI 1:8

Tâng ah chia to in thing hun puau in la In chu sau in; tichun, zia chun nuam sa’ng ka tin, chawihoi in hung um ta’ng ka, Lalpa‘n a tii.

HAGGAI 2:3

Tu’masang ah zia In lopi dan kha a mu kha la lak un kua la um nalai awm? Tu’n bangti’n la ngai awm? La mit muu in bangmacha ahi puai maw?

ZEKARIAH 2:5

Kei chu a kîmvêl ah mei kulbâng hi’ng ka tin, a lailung ah lopina chu hiding ka hi, Lalpa chun a tii,” ti hi vagen in, ei tia.

EZEKIEL 43:5

Thagau in ei dom ah, huang sungnung ah chun ei koi ah; chuleh, ngaitia, Lalpa lopina chun Tempul a lua dim tai!